Kɛlɛ-Kurugbɛnu 12:4 - ALLALA KUMƐ

⁴ (Ifɛrɛm kɛnɛna a fɔla nun anu bɔnsɔn-mɔgɛ doinu ma Kaliyadi nyamanɛ rɔ ko, “Wole Kaliyadi kɛnu, fenfen ma wo le la bawo wo ya wo buri male Ifɛrɛm anubɛ Manasa sorɔ-mɔgɛnu kɔrɔ.”) Bawo Ifɛrɛm bɔnsɔn-mɔgɛ minnu bi Kenan nyamanɛ rɔ, wonu bara kuma-yogomɛ kɛ su fɔ anu na-kelen-nyɔgɛnu ma minnu tara sigi Kaliyadi nyamanɛ rɔ, wo le ya a ma, Yɛfɛta ya Kaliyadi kɛlɛ-dannu nadɛn Kaliyadi nyamanɛ rɔ ka ta Ifɛrɛm mɔgɛnu kɛlɛ tinɛ. Yɛfɛta ya nɔ-ko sɔrɔn Ifɛrɛm bɔnsɔn-mɔgɛnu ma.

Kɛlɛ-Kurugbɛnu 12:4 ပူးပေါင်းရင်းမြစ်များ

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

Nihɛmaya 4:4

Woletɔ n ya Alla matara, n ko, “E, Alla, i wɔlɔ matɔlɔ ma rasɛlɛnu bi min fɔla ma ma. Ma mayɛlɛn-kan ni sɛgi anu kɔgɔ rɔ. I yandi, a ma, mɔgɛ donu ni na anu bira ka ta anubɛ anu bolo-fannu na pon!

Yaburi 78:9

Ifɛrɛm-bɔnsɔn-kurugbɛnu ya anu buri anuna kalabɛnnu na anu bolo kɛlɛ kɔrɔ.

Hɛnkilimaya-Kumɛnu 12:13

Mɔgɔ-karagbɛlɛ si bira a nyɛrɛta kuma-yogomɛ la iko gbɛrɛ kɔnɔ mɔgɔ-latelennɛ kunyɛ si bɔ tɔrɔyɛ rɔ.

Hɛnkilimaya-Kumɛnu 15:1

Kuma-makimani-fɔɛ si mɔgɔ-yisi-bɔnɛ kimɛ kɔnɔ kuma-yogoma-fɔɛ si tɛ tugu mɔgɔ-yisi-bɔnɛ la.

Kɛlɛ-Kurugbɛnu 11:10

Mɔgɔ-ba wonu ko, “Ma ara sɔn wo ma. Mari le ma sere la. Ma si a ma iko ma ara a fɔ i ye nya min.”

Kɛlɛ-Kurugbɛnu 12:3

N ya a yen min kɛ ko wo sa nala, n ya n niyi fili ka belen Amonnuna nyamani-dan kun na ka anu kɛlɛ, ado Mari ya a ma, n ya anu nɔ. Nfenna gbɛ, wo ye nala n kɛlɛla?”

Kɛlɛ-Kurugbɛnu 12:5

Kaliyadi kɛnu ya kilɛ tɛgɛ Ifɛrɛm bɔnsɔn-mɔgɛnu ma Yorodan bɛ tɛgɛ tinɛnu tɔ alako anu kana na sɛgi ka ta anu barɛ nyamanɛ rɔ tun. Ifɛrɛm bɔnsɔn-mɔgɛ minnu ba wuli tenbila nyɔ, anu si a manyinika ko, “Ifɛrɛm bɔnsɔn-mɔgɛ do le ile la?” Ni a ya a fɔ ko, “Ade!”

1 Samuwɛli 25:10

A mɛ doni, Nebali ya anu yabi ko, “Yon bi Dawuda kɛ la? Nde ma Dawuda tɔgɛ lamɔɛn bɛ! Mala nyamanɛ kɛ lafanɛ yɔɔn-burinɛnu denu na.