Kɛlɛ-Kurugbɛnu 12:3 - ALLALA KUMƐ

³ N ya a yen min kɛ ko wo sa nala, n ya n niyi fili ka belen Amonnuna nyamani-dan kun na ka anu kɛlɛ, ado Mari ya a ma, n ya anu nɔ. Nfenna gbɛ, wo ye nala n kɛlɛla?”

Kɛlɛ-Kurugbɛnu 12:3 ပူးပေါင်းရင်းမြစ်များ

2 Ko-Kɔrɔta-Karan 13:12

Alla nyɛrɛ-nyɛrɛ le ma kun-tigi la min sɔnɛ ma yarɔ. Ata saraka-masɔlɛnu bi yan anubɛ anuna burinu. Wonu tabɛnnɛ ka kɛlɛ-kɛ-buri fɛ alako ma ni na wo kɛlɛ nya min. Wo le ya a to, wole Isirɛla mɔgɛnu, wo kana wo benbanuta Mari Alla kɛlɛ. Wo ti a nɔ.”

Yobu 13:14

N bara n niyi sa kalalunbi rɔ.

Yaburi 119:109

N mabɛnnɛ n ni-fili-koe la kɔnɔ hali wo, n ti nyina ita sereyanu ko.

Romu 16:4

Anu bara anu niyi fili nde ye. Mabɛ sibolo-gbɛrɛnuna chɔchi bɛɛ ye baraka birala anu ye.

Lankɛnimayɛ 12:11

Ma na-kelen-nyɔgɛnu ya Setanɛ nɔ saga-dan-yele anubɛ anuta sereyɛ fɛ. Anu sɔnta ko anu ni anu niyi fili ka faga.

Kɛlɛ-Kurugbɛnu 11:27

Nde ma ko-yogoma ma wo la. A sɔgɛ ye wole la, wo ni ko-yogomɛ ma male la ka ma kɛlɛ? Mari min si kiti tɛgɛ, alamɛ wo ya kiti tɛgɛ wole Amonnu anubɛ male Isirɛla mɔgɛnu tɛma bi.”

Kɛlɛ-Kurugbɛnu 12:2

Kɔnɔ Yɛfɛta ya a fɔ anu ye ko, “Mabɛ nna mɔgɛnu anubɛ Amonnu bi kɛlɛ-wɛ kun na tumɛ min, n ya wo kele kɔnɔ wo ma na ma bɔ Amonnu bolo la.

Kɛlɛ-Kurugbɛnu 12:4

(Ifɛrɛm kɛnɛna a fɔla nun anu bɔnsɔn-mɔgɛ doinu ma Kaliyadi nyamanɛ rɔ ko, “Wole Kaliyadi kɛnu, fenfen ma wo le la bawo wo ya wo buri male Ifɛrɛm anubɛ Manasa sorɔ-mɔgɛnu kɔrɔ.”) Bawo Ifɛrɛm bɔnsɔn-mɔgɛ minnu bi Kenan nyamanɛ rɔ, wonu bara kuma-yogomɛ kɛ su fɔ anu na-kelen-nyɔgɛnu ma minnu tara sigi Kaliyadi nyamanɛ rɔ, wo le ya a ma, Yɛfɛta ya Kaliyadi kɛlɛ-dannu nadɛn Kaliyadi nyamanɛ rɔ ka ta Ifɛrɛm mɔgɛnu kɛlɛ tinɛ. Yɛfɛta ya nɔ-ko sɔrɔn Ifɛrɛm bɔnsɔn-mɔgɛnu ma.

1 Samuwɛli 19:5

A ya a niyi fili ka Kolati faga. Mari ya nɔlɛ di Isirɛla mɔgɛnu ma wo wati rɔ. Ile nyɛrɛ ya wo yen tumɛ min, i sewara. Nfenna worɔ, a sɔgɛ ye i la, i ni baga Dawuda ma fufafu, ado ale ma ko tinya i ma?”

1 Samuwɛli 28:21

Musi wo tara sɔ a dafɛ. A ya a yen ko a ara kilan kati! Musi wo ya a fɔ a ye ko, “Nde ara n niyi fili ila ko la ka ita kumɛ bira.