Kɛlɛ-Kurugbɛnu 11:39 - ALLALA KUMƐ

³⁹ Karɛ filɛ wo banta tumɛ min, a nara a fa wara tun. A fa ya a kuman-kan latɔnbagaya iko a ya a fɔ Mari ye nya min. Sunkurɔn wo fagara kɔnyɔyɛ le tɔ. Ka a dabira wo wati ma, anu ya namu do dabira.

Kɛlɛ-Kurugbɛnu 11:39 ပူးပေါင်းရင်းမြစ်များ

2 Ko-Kɔrɔta-Karan 35:25

Nɛbi Yɛrɛmaya ya kinikini-sigi do sa Mansa Yosayala sayɛ kuma. Wo mara Isirɛla mɔgɛnuna namunyɛ la. Ni min bi dila Mansa Yosaya kɛla ko la, wo tigi si sigi kɛ sa. Anu ya sigi wo sɛbɛ saya-sigi-buku rɔ.

Aiseya 66:3

Minnu bi turɛ fagala sarakayɛ la, wonu manɛ ale Mari yala iko mɔgɔni-gbu-fagalɛ. Minnu bi sagɛ fagala sarakayɛ la wonu manɛ fanan iko minnu bi wuli-kan kerila. Minnu bi fui-fan mala sarakɛ la wonu mani de iko minnu bi ale Mari kɔla kɔsɔ-yele rɔ. Minnu bi isɛnti mintanna sarakayɛ la wo, minnu bi bɛsɛ kɔla wo, fen kelen de wonu na ale Mari yala. Mɔgɛ kɛnu bi anu nyɛrɛ sɔndɔmɛ le fɛ, aleta ma de! Anu bi kisimiriya-koe min kun na, wonu di anu ye kosɛbɛ!

Tɔn-Fɔɛ-Fila-Nyɔgɛ 12:31

Wo kana wota Mari Alla bato iko anu denu bi anuna bɛsɛnu kɔla nya min bawo anu bi layarabi-koe ladanna min ma di Mari ye. Hali anuna dannu kɛndɛ, anu bi anu mala sarakɛ la ka anu mintan gburr!

Kɛlɛ-Kurugbɛnu 11:31

kɛlɛ wa ka-a-la, n ba sɛgi n barɛ tumɛ min, ni fenfen bɔra nna bɔn la ka n nabɛn, n si wo di ile Mari ma, ni wo ma ka a ma sarakɛ la.”

Kɛlɛ-Kurugbɛnu 11:38

A fa sɔnta a ta-koe ma karɛ filala ko la. Anubɛ a ta-nyɔgɛnu tara di-kɛ-tinɛ kɔnkɛnu tɔ bawo ha a si faga, a ti kei-ko lɔn, ado a ti den sɔrɔn.

Kɛlɛ-Kurugbɛnu 11:40

San-bo-san, tele nanɛ kɔrɔ, Isirɛla sunkurɔnnu kɛnɛna dila wulɛ rɔ alako ka anu miri Kaliyadi kɛ Yɛfɛtala den-sunkurɔn ma.

1 Samuwɛli 1:11

Hana ya a dakan don, a ko, “Mari Sɛnbɛ-Bɛɛ-Tigi, n bi kɔndɔfili min tɔ, i kolan lana ka nde, ila wɔli-kɛlɛ mafɛlɛn yan. I kana nyina n ko. Ni i ya dan di n ma min si ma den-kei la, n si a dantɛgɛ i ma a siyi-tele-bɛɛ kɔrɔ. Hali lilan, a ti sɔ a kunyɛ ma. Wo si ma tamasere la ko a dantɛgɛnɛ ile le ma.”

1 Samuwɛli 1:22

Kɔnɔ kɛ wati rɔ, Hana ma bila anu fɛ. A ya a fɔ ala kei ye ko, “Dan da wa ka tumɛ min, n si a bi ka ta a to Mari bato tinɛ. A si to nyɔ a siyi-tele-bɛɛ kɔrɔ.”

1 Samuwɛli 1:24

Hana ya Samuwɛli da-ka tumɛ min, a ya ala dennɛ wo bi anubɛ san-sawa-turɛ anubɛ dɛgɛ-munke pani-kunbɛ-nya tan-ni-fila anubɛ gbolo-bɔrɛ-nya kelen nɔnbɔ-gbɔ-yi la. Anubɛ ala kei tara wonu na anu bolo Mari bato tinɛ Sailo hali dan wo ma ke bɛ a na anubɛ a fa bolokɛ ma.

1 Samuwɛli 1:28

Kaka, n bara na a la ka a dantɛgɛ Mari ma. Fananta a ye a niyi la, Maritɛ le ale la.” Anu dama ya Mari bato nyɔ.

1 Samuwɛli 2:18

Wo wati ya a taran, Samuwɛli dennɛ le nun. A ye wɔlila Mari ye. A si linɛn-fɔlɔnfalan bila a kan na min manɛ iko saraka-masɔlɛnuta fɔlɔnfalan-natankanɛ.