Kɛlɛ-Kurugbɛnu 11:35 - ALLALA KUMƐ

³⁵ Yɛfɛta ya ala dunmusi wo yen tumɛ min, a ya ala duruki rafara yisi-tinya bolo. A ko, “E, nna den, i wara a ma, n yisi ara tinya. N bara n dakan-don Mari ye n ti ke min tinyana.”

Kɛlɛ-Kurugbɛnu 11:35 ပူးပေါင်းရင်းမြစ်များ

2 Samuwɛli 18:33

Kumɛ wo ya a ma, mansɛ yisi tinyanta dɔgɔma-ma-de! Mansa Dawuda yɛlɛta tarɛ dɛ kuma ka ta san-bɔn la. A ye tala dila a bolo fɛ. A ye a fɔla ko, “E, nna dan! Nna den Abasalɔm. E, nna den Abasalɔm. Ni nde le fagara i gbɛ rɔ nun, nna den Abasalɔm, ile ni to, wo le di n ye.”

2 Samuwɛli 3:31

Dawuda ya a fɔ Yohabu anubɛ ala kɛlɛ-dannu ye ko anu ni di Abinala ko la. Anu ni anuna durukinu tafara ka kasa-duruki don. Anu bi tala Abina furi la furi-bi-fan kuma kaburu-soe la tumɛ min, Dawuda nyɛrɛ-nyɛrɛ bilara anu fɛ.

Yobu 1:20

Yobu ya wonu namɔɛn tumɛ min, a ya ala duruki rafara yisi-tinya bolo. A ya a kunyɛ sii. A ya a laburun dugu ma ka Alla bato.

Yaburi 15:4

A hayu sa karagbɛlɛnu na, ado mɔgɛ min bi Mari sako kɛla, a si wo le gbiliya. Ale mɔgɔ-nyimɛ wo si a nyɛrɛ diyana-koenu boloka ka ala lanyiri latɔnbagaya hali koe min si na ma a tɔrɔya-koe la.

Yaburi 66:13

N si na saraka-mintantɛnu na i Bato-Bɔn la. N ya lanyiri kiri i kɔ koe min na, n si wo labɔ.

Yaburi 66:14

N bi tɔrɔyɛ rɔ tumɛ min, n ya lanyiri kiri i ye min di-koe rɔ i ma, n si wo di i ma.

Yilan-Yilan Koe 14:6

Ko-lakɔrɔsila mɔgɔ filɛ, Nunna den-kei Yasowa anubɛ Yɛfunɛla dan Kelabu, wonu yisi magboyara ha anu ya anuna durukinu tafara yisi-tinya bolo.

Kɛwɔlɛnu 23:14

Donu tara saraka-masɔla-kunyɛnu anubɛ anuna kun-tiginu bara. Anu ko, “Ma dama ara ma dato ko ni ma ma Pɔli faga, ma ti fen dɔn.

Yasowa 7:6

Yasowa anubɛ Isirɛla mɔgɔ-banu ya anuna durukinu tafara yisi-tinyɛ bolo. Anu ya anu nyɛrɛ fɛrɛn dugu la Marila tɔn-kenkirɛ yakɔrɔ. Anu ya gbangban kɛ anu kunyɛ rɔ ka a yira ko anu bara nimisa. Anu telenta sani dugu ma gbɛn!