Kɛlɛ-Kurugbɛnu 11:29 - ALLALA KUMƐ

²⁹ Marita sɛnbɛ yigira Yɛfɛta kuma. A bɔra Kaliyadi nyamanɛ rɔ ka ta tenbi Manasata nyamanɛ la. A sɛgimatoe tenbira Misipa soe rɔ Kaliyadi nyamanɛ rɔ. A bɔra nyɔ le ka ta Amonnu kan ma.

Kɛlɛ-Kurugbɛnu 11:29 ပူးပေါင်းရင်းမြစ်များ

Ko-Dabirɛnu 31:49

Anu ya kan tinɛ wo kele fanan ko, “Ma Mafɛlɛn Tinɛ Mari Bolo” kamasɔrɔn Leban ya a fɔ ko, “Ma wa bɔ ma nyɔgɔn fɛ tumɛ min, Mari si mabɛ ile mafɛlɛn.

1 Ko-Kɔrɔta-Karan 12:18

Tiriyɛ wo rɔ, Marita sɛnbɛ yigira Amasayi kuma. Wo ya a fɔ ko, “Yɛsila den Dawuda, ile halalɛ le male la. Alamɛ wobɛ i dɛnbɛnɛnu wara-koe tara yarɔ, ado Alla ye i fɛ.” Dawuda ya anu sɛnibɔ ka anu ma ata kɛlɛ-den-kunyɛnu na. Min kolo wo ko, tɔ-a-la, ale Amasayi mara mɔgɔ bi-sawɛ kun-tigi la.

Yilan-Yilan Koe 11:25

Mari nyɛrɛ yigira ata banda-fin-gbɛ rɔ ka kuma Musa ye. Marita Sɛnbɛ min nyɛrɛ ye Musa rɔ, a ya wo nyɔgɔ di mɔgɔ-ba wonu ma. Anu ya Marita Sɛnbɛ sɔrɔn nya min kawo, anu wulita kumala iko nɛbinu. Kɔnɔ anu ma mɛ wo kun na.

Kɛlɛ-Kurugbɛnu 10:17

Amonnuna kɛlɛ-dannu ya anu kundɛn ka ta anu daga makɛ Kilayadi. Isirɛla mɔgɛnu fanan ya anu kundɛn ka anu daga makɛ Misipa soe burɔ Kilayadi nyamanɛ rɔ.

Kɛlɛ-Kurugbɛnu 11:11

Yɛfɛta bilara mɔgɔ-ba wonu fɛ. Anu tara. Anu ke Kaliyadi nyamanɛ rɔ, anu ya a ma anuna kɛlɛ-den-kunyɛ la. Anu ke Misipa dagɛ rɔ, anubɛ mɔgɔ-banu ya kumɛ minnu fɔ anu nyɔgɔn tɛma, Yɛfɛta ya kumɛ wonu takaran Mari anubɛ mɔgɛnu yala.

Kɛlɛ-Kurugbɛnu 11:28

Kɔnɔ Amonnuna mansɛ ma sɔn a tole masɔla Yɛfɛtata kilayɛ wo la muk!

Kɛlɛ-Kurugbɛnu 11:30

Yɛfɛta ya a dakan-don Mari ye ko, “Ni i ya Amonnu don n bolo,

Kɛlɛ-Kurugbɛnu 13:25

Marita sɛnbɛ yigira Samsin kuma kɛlɛ-dannuna dagɛ rɔ Sora soe anubɛ Ɛsateyoli soe tɛma Dan nyamanɛ rɔ.

Kɛlɛ-Kurugbɛnu 3:10

Marita sɛnbɛ yigira a kuma. A mara Isirɛla mɔgɛnuna kɛlɛ-kurugbɛ la. A tɛ Mɛsopotemiya nyamani-tigi anubɛ ala kɛlɛ-dannu kɛlɛ tinɛ, Mari ya a ma, a ya wonu nɔ.

Kɛlɛ-Kurugbɛnu 6:34

Marita sɛnbɛ yigira Kidiyɔn kuma. A ya kɛlɛ-buri fɛ alako Abiyɛsa kegeya-mɔgɛnu ni ta a fɛ kɛlɛ rɔ.

1 Samuwɛli 10:10

Sɔli anubɛ ala wɔli-kɛlɛ wo kera Allata kɔnkɛ wo ma tumɛ min Kibiya soe burɔ, nɛbi-kurɔn wonu ya anu taran. Tiriyante wo rɔ, Allata Sɛnbɛ yigira Sɔli kuma. Ale fanan kofura nɛbi wonu ma dɔn-kɛ anubɛ wɔlɔyiya-kuma-fɔɛ rɔ.

1 Samuwɛli 11:6

Ale Mansa Sɔli ya kumɛ wo lamɔɛn min kɛ, Allata Sɛnbɛ yigira a kuma. A yisi bɔra dɔgɔma-ma-de!

1 Samuwɛli 12:11

Woletɔ Mari ya Bɛraki fɔlɔn ma wo kunkalɛ la, wo kɔma Kidiyɔn, wo kɔma Yɛfɛta. A laban le nde, Samuwɛli la min bara wole bɔ wo yogenu bolo alako wo la ni fɛrɛ.