Kɛlɛ-Kurugbɛnu 11:24 - ALLALA KUMƐ

²⁴ Wola bɛsɛ min tɔgɛ Kimɔsi, wo ara nyamanɛ min bɛɛ di wo ma, wo ti wonu namara wo nyɛrɛ ye, wa? Mata Mari Alla ara minnu di male fanan ma, ma ti wonu namara ma nyɛrɛ ye?

Kɛlɛ-Kurugbɛnu 11:24 ပူးပေါင်းရင်းမြစ်များ

1 Mansɛnu 11:7

A ya bɔn sɔ Mohabu kɛnuna bɛsi Kimasi ye kɔnkɛ kuma Yerusalɛm soe tele-bɔɛ wara la. Bɛsɛ wo sɔgɔ labɔnɛ Alla la. Wo kɔma, a ya bɔn sɔ Amonnuna bɛsi Molɛki ye fanan kɔnkɛ wo kuma.

Yaburi 44:2

I ya Alla-lɔnbɛlɛnu gben anu yarɔ nya min, anu bara wonu fɔ ma ye. I ya nyamanɛ wo ma ila mɔgɛnu halalɛ la. I ya sibolo-gbɛrɛ doinu fanan tɔrɔ nya min, anu ya wo fanan fɔ ma ye. I ya a ma, ita mɔgɛnu sabatira.

Yaburi 78:55

Iko ala mɔgɛnu bi tala nya min, a tora nyɔ-sigila-kɔrɛnu gbenna wo nya na le. A ya nyamanɛ ratala Isirɛla bɔnsɔnnu na. A ya anu yogenuna bɔnnu natenbi anu ma.

Yɛrɛmaya 48:13

Iko Isirɛla mɔgɛnuna bɛsi ya anu baya nya min Bɛtɛli soe burɔ, Mohabu kɛnuna bɛsi Kimasi ye anu bayala wo nya na le, ado anu lanɛ wo la kati!

Yɛrɛmaya 48:46

Gbalo si na Mohabu kɛnu ma. Bɛsi Kimasi kɔlɛnu si na kasara. Kɛlɛ si ta anuna dannu na.

Yɛrɛmaya 48:7

Mohabu kɛnu yili-latɛgɛnɛ anu sɛnbɛ anubɛ anuna nɔnfuli ma, anu si ta biralɛ rɔ. Anuna bɛsi Kimɔsi fanan si ta biralɛ rɔ. Anu yogenu si ta bɛsɛ wonubɛ a kɔlɛnu anubɛ ala mɔgɔ-banu na.

Maika 4:5

“Hali sibolo-gbɛrɛkɛ-mɔgɛnu bi anu nyɛrɛta bɛsɛnu kɔla kɔnɔ male si mata Mari Alla bato burubukai!

Yilan-Yilan Koe 21:29

A ara gbɛlɛya wole Mohabu mɔgɛnu kuma gben! Wole min bi wota bɛsɛ Kimasi kɔla, wole damasi la ara to dogbe! Kei minnu bi ile Kimasi batola, wonu bara anu buri. Musi minnu bi i batola, wonu bara bira Mansa Saihɔn ye.

Tɔn-Fɔɛ-Fila-Nyɔgɛ 18:12

Ko-su min ma daga wole Isirɛla mɔgɛnu tɛma, ni min ya wo ko-sufa ma, wota Mari Alla si diminya mɔgɔ-su wonu ma. Woletɔ Mari ya anu gben wo yarɔ nun.

Yasowa 21:43

Mari ya nyamanɛ wo bɛɛsi di Isirɛla mɔgɛnu ma iko a ya lanyiri kiri anu benbanu ye nya min. Anu tara ka nyamanɛ wo mɔgɛnu kɛlɛ ka anu nɔ. Anu tora nyɔ.

Yasowa 3:10

Ma tenbi tala Kenan nyamanɛ rɔ tumɛ min, Alla si sibole kɛnu gben ma yarɔ, Kenannu, Hɛtinu, Yebusinu, Hefanu, Kagasanu, Perasanu, anubɛ Amoranu.

Kɛlɛ-Kurugbɛnu 10:6

Isirɛla mɔgɛnu ya hakɛ kɛ Mari la tun. Anu tara anuna bɛsɛnu Beyali anubɛ Asitɔra kɔ tinɛ. Wo kɔma, Siriyanuna bɛsɛnu wo, Saidon kɛnutɛ wo, Mohabu kɛnutɛ wo, Amon kɛnutɛ wo, Filisitinuna bɛsɛnu wo, anu ya wo bɛɛ kɔ. Anu ya anu kan-kɔ sɔ Mari la ka anu ban a bato-koe ma.

Kɛlɛ-Kurugbɛnu 11:23

Yɛfɛta ya a fɔ ale mansɛ ye ko, “Isirɛla mɔgɛnuta Mari Alla le ya Amoranu gben ata mɔgɛnuna ko la. Ile mansɛ lara a la ko sereya i bolo ka nyamanɛ kɛ bi ma bolo?

Kɛlɛ-Kurugbɛnu 2:1

Lunyɛ do, Marita melika bɔra Kiligali soe burɔ ka na soe do rɔ anu bi min kelela Di Kɛ Tinɛ. A ya a fɔ Isirɛla mɔgɛnu ye ko, “N ya wo labɔ Iyipiti nyamanɛ rɔ ka na wo la nyamanɛ kɛ rɔ yan, n ya lanyiri kiri wo benbanu ye minna ko la nun. N ya a fɔ nun ko n ti sarama-kan wo tinya.

Ruti 1:15

Neyomi ya a fɔ ale Ruti ye ko, “I bɔ wo ara sɛgi ka ta ala mɔgɛnu bara anubɛ Mohabu kɛnuta bɛsi-kɔ-tinɛ. Ile fanan ni sɛgi a fɛ ka ta ila mɔgɛnu bara.”