Kɛlɛ-Kurugbɛnu 10:9 - ALLALA KUMƐ

⁹ Yuda bɔnsɔn-mɔgɔ wo, Bɛnyamɛ bɔnsɔn-mɔgɔ wo, Ifɛrɛm bɔnsɔn-mɔgɔ wo, Amon kɛnu ya Yorodan bɛ tɛgɛ ka ta wonu kɛlɛ. Woletɔ Isirɛla mɔgɛnu tora yakɔrɔ-mamɔ-belebele-wɛ kɔrɔ.

Kɛlɛ-Kurugbɛnu 10:9 ပူးပေါင်းရင်းမြစ်များ

2 Ko-Kɔrɔta-Karan 14:9

Kɛlɛ-kurugbɛ do ye nyɔ min tɔgɛ Sera. A bɔra Sudan nyamanɛ rɔ. A nara kɛlɛ-den wulu kelen (1,000,000) na a bolo anubɛ kirindi kɛmɛ sawa (300). A tara ha Marasa soe burɔ.

2 Ko-Kɔrɔta-Karan 15:5

Wo sa Allata tɔn kɔrɔ tumɛ min, mɔgɔ-wo-mɔgɔ ti yigi-ni-yɛlɛ kɛ bawo yisi-kimɛ sa nyamanɛ wo fenfen tɔ wati wo rɔ.

Tɔn-Fɔɛ-Fila-Nyɔgɛ 28:65

Wo tara wo sigi kan-bo-kan, wo ti yisi-kimɛ sɔrɔn nyɔ. Wo si ma yilan-yilantoenu na bawo wo ti wo sigi-tina-latelennɛ sɔrɔn wo nyɛrɛ ma. Mari si a ma, wo ni to hɔnna yigi-tɛgɛ bolo. Wo yisi si tinya bawo wo ye masibɛ kɔrɔ tuma-wo-tuma. Wo kumakɔnɛ si to kilan bolo su-ni-tele.

Kɛlɛ-Kurugbɛnu 10:10

Isirɛla mɔgɛnu dira Mari Alla dala ka a fɔ a ye ko, “Ma ara ile mata Alla boloka ka don Beyali bɛsɛnu kɔ-koe rɔ. Ma ara hakɛ kɛ i la.”

Kɛlɛ-Kurugbɛnu 10:8

Isirɛla mɔgɛ minnu siginɛ Amoranu tɛma Yorodan bɛ tele-bɔɛ wara la Kilayadi nyamanɛ rɔ, Filisitinu anubɛ Amonnu bi anu yakɔrɔ-mamɔla san tan-ni-segin kɔrɔ.

Kɛlɛ-Kurugbɛnu 11:4

Wati tenbinɛ, Amonnu tara bui Isirɛla mɔgɛnu ma ka anu kɛlɛ.

Kɛlɛ-Kurugbɛnu 2:15

Isirɛla mɔgɛnu ba ta kɛlɛ-kɛ-tinɛ tuma-wo-tuma, Mari fɔlɔn bi anu kan ma iko a ara a dakan don anu ye nya min nun. Isirɛla mɔgɛnu kɔndɔfilita pirikali!

Kɛlɛ-Kurugbɛnu 6:2

Midiyan mɔgɛnu tagbɛlɛ Isirɛla mɔgɛnu ko. Woletɔ Isirɛla mɔgɛnu ya anu dogon farannu na kɔnkɔ-woenu tɔ.

1 Samuwɛli 13:6

Anu tara bui Isirɛla mɔgɛnu ma ka a lagbɛlɛya anu kuma ha Isirɛla mɔgɛ donu ya anu dogon farannu na anubɛ farɛnu tɛma anubɛ kɔlon-tagbalanɛnu tɔ.

1 Samuwɛli 28:15

Samuwɛli ya a fɔ Mansa Sɔli ye ko, “I ya n kele ka n yakɔrɔ-mamɔ nfenna?” Mansa Sɔli ya a fɔ a ye ko, “N bi kɔndɔfili-belebele le tɔ kɛ la kaka. Filisitinu bi ma kɛlɛla, ado Alla fanan bara n boloka. A sa n yabila nɛbinu fɛ anubɛ kiyo rɔ tun. Woletɔ n bara i kele alako i ni hɛnkili di n ma.”