Kɛlɛ-Kurugbɛnu 10:6 - ALLALA KUMƐ

⁶ Isirɛla mɔgɛnu ya hakɛ kɛ Mari la tun. Anu tara anuna bɛsɛnu Beyali anubɛ Asitɔra kɔ tinɛ. Wo kɔma, Siriyanuna bɛsɛnu wo, Saidon kɛnutɛ wo, Mohabu kɛnutɛ wo, Amon kɛnutɛ wo, Filisitinuna bɛsɛnu wo, anu ya wo bɛɛ kɔ. Anu ya anu kan-kɔ sɔ Mari la ka anu ban a bato-koe ma.

Kɛlɛ-Kurugbɛnu 10:6 ပူးပေါင်းရင်းမြစ်များ

1 Mansɛnu 11:33

Mari ko ni i ya a yen, a ye bɔnsɔn kelen pe tola Mansa Silamɛni bolo, a ye wo mala bawo mansɛ ara a kan-kɔ sɔ a la. A ko Saidon kɛnuna bɛsɛ min tɔgɛ Asitɔra, a ye wo kɔla. A ko Mohabu kɛnuna bɛsɛ min tɔgɛ Kimasi, a ye wo fanan kɔla. Amonnuna bɛsɛ min tɔgɛ Molɛki, a ye wo kɔla ka a madu wo kɔrɔ. Mari ko Mansa Silamɛni ara ala tɔn tinya. A ma sɔn ata tɔn-bira-koe ma iko a fa Mansa Dawuda duruta a mala nya min.

1 Mansɛnu 11:5

A donta Saidon kɛnuna bɛsi Asitɔra kɔ-koe rɔ min nadannɛ musila muninyɛ rɔ. A kɛnɛna Amonnuna bɛsɛ fanan kɔla min tɔgɛ Molɛki. Wo wara-koe sɔgɔ labɔnɛ Alla la lass!

1 Mansɛnu 11:7

A ya bɔn sɔ Mohabu kɛnuna bɛsi Kimasi ye kɔnkɛ kuma Yerusalɛm soe tele-bɔɛ wara la. Bɛsɛ wo sɔgɔ labɔnɛ Alla la. Wo kɔma, a ya bɔn sɔ Amonnuna bɛsi Molɛki ye fanan kɔnkɛ wo kuma.

1 Mansɛnu 16:31

A ya hakɛ min kɛ iko Mansa Yɛrabowamitɛ, wo ma a wasa. A sɛgira tala Saidon Mansa Ɛtibeyalila dunmusi furula. Musi wo tɔgɛ le Yɛsɛbɛli. Wo kɔma, a ya bɛsɛ do kɔ min tɔgɛ Beyali.

2 Mansɛnu 17:16

Anu ya anuta Mari Allata tɔn bɛɛ tinya. Anu ya nɛgɛ ladan ninki-den filala muninyɛ la. Anu ya kɔlɔma lɛsɛ musila muninyɛ la ka a kele ko Asura. Anu ya lolenu bato. Anu ya anuna bɛsi Beyali kɔ.

2 Mansɛnu 23:13

Yuda mɔgɛnu kɛnɛna Saidon kɛnuna bɛsɛ do kɔla nyɔ min tɔgɛ Asitɔra. Anu kɛnɛna Mohabu kɛnuna bɛsɛ do kɔla nyɔ rɔ min tɔgɛ Kimasi. Anu kɛnɛna Amon kɛnuna bɛsɛ do kɔla nyɔ rɔ min tɔgɛ Molɛki. Isirɛla Mansa Silamɛni ya bɛsi-kɔ-tina-mayɛlɛnɛ minnu nadan Yerusalɛm tele-bɔɛ wara la, Kasara kɔnkɛ dugula wara la, ale Mansa Yosaya ya wo damasi latinya.

2 Ko-Kɔrɔta-Karan 28:23

Siriyanu bara to Mansa Ehasi nɔla kɛlɛ rɔ min kɛ, wo le ya a ma, ale donta saraka-bɔɛnu tɔ wonuna bɛsɛnu ye. A ya a fɔ ko, “Siriyanuna bɛsɛnu bi anuna mansɛnu dɛnbɛna. Ni nde fanan ya sarakɛnu bɔ bɛsɛ wonu ye, anu si nde fanan dɛnbɛ.” Wo le ya a ma, kasarɛ nara anubɛ ala mɔgɛnu kuma.

Yaburi 106:36

Allata mɔgɛnu ya bɛsɛnu kɔ. Wo nara kasarɛ la anu ma.

Aiseya 23:4

Ile Saidon soe. I wara yarabi pɔ! Hali kɔgɔ-yi-dumɛ-tɛmɛ ara a ban i la. Kɔgɔ-yi si a fɔ ko a ma den-wo-den sɔrɔn. A ma den-wo-den makolo.

Yɛrɛmaya 2:13

A ko wole, ata mɔgɛnu bara hakɛ-su fila kɛ. A fɔlɔtɛ, wo ya wo kan-kɔ sɔ ale Mari la, ale min bi tenke-nyimɛ la wo ye, kɔni. A fila nyɔgɛ, wo ara bila bɛsi-gbɛrɛkɛnu fɛ minnu manɛ iko mɔgɛ wa yi kɛ bɔnku-daga-ratiinɛnu tɔ.

Yɛrɛmaya 2:20

Wo Tigi Mari ko wo ara wo kan-kɔ sɔ ata Mariyɛ la bi-ko-ma! Yili min sɔnɛ wo la, wo ya wo ratɛgɛ. Wo ya a fɔ ale, Mari ye ko wo ti ala kumɛ bira hali ka a bato, ado wo ye bɛsɛnu kɔla kɔnkɔ-layan-bɛnu kuma anubɛ kɔlɔma-kuru-wɛnu kɔrɔ bɛsi-fuyinu kɔ-tinɛ. Wo ma telen ale, wota Mari ye iko musi-yɛlan.

Yɛrɛmaya 32:23

Nyamanɛ kɛ sɔrɔn anu bolo, anu ma ita tɔnnu bira. Anu ma i kan-wo-kan bira. Wo le ya a ma, i ya kasarɛ latugun anu ma.

Isikiyɛli 27:16

Anubɛ Siriyanu ya yilaya-siyaman kɛ anu nyɔgɔn tɛma. Dugu-kɔrɔ-nɔnfulu-wulenmɛ anubɛ a finmɛ wo, kura-bilolamɛ wo, kura-bonnɛnu wo, linɛn-kura-hakikɛnu wo, anubɛ yi-kɔrɔ-kuru-da-gbɛlɛmɛ, anu ya wonu felen Taya kɛnu ma.

Tɔn-Fɔɛ-Fila-Nyɔgɛ 13:6

“Ni a sɔgɛ ya mɔgɛ do bira ka mɔgɛ do sagan kɛwuyɛ la bɛsi-kɔ-koe rɔ, hali wobɛ wo benbanu ma minnu kɔ tele-kelen-bɛrɛni, wo kana kinikini wo mɔgɔ-su ma. Hali a mara i na-kelen-nyɔgɛ le la wo, i halala-dan la wo, i diyana-musi la wo, i diyana-mɔgɔ-bɛrɛ la wo, wo kana mɔgɛ wo madɛnbɛ.

Tɔn-Fɔɛ-Fila-Nyɔgɛ 13:8

i kana sɔn ka i tole masɔ mɔgɔ-su wola kɛwuya-kumɛ la ka bila a fɛ. I kana kinikini a ma ka a latanka.

Tɔn-Fɔɛ-Fila-Nyɔgɛ 31:16

Mari ya a fɔ Musa ye nyɔ ko, “Musa, i sa mɛla so-sɛgi-kɛla tun. I wa so-sɛgi-kɛ tumɛ min, mɔgɛ kɛnu si n boloka ka sarama-kan tinya ka don lanyiri-nyamanɛ bɛsi-kɔ-koenu tɔ anu bi tala kan min.

Tɔn-Fɔɛ-Fila-Nyɔgɛ 31:17

Wo wa ma tumɛ min, n fonde si bɔ anu kuma ka n kan-kɔ sɔ anu na. Anu si masiba-koenu sɔrɔn. Anu ba koe kɛnu yen mala anu na tumɛ min, anu si a lɔn worɔ ko nde min bi anuta Alla la, nde sa anu fɛ.

Tɔn-Fɔɛ-Fila-Nyɔgɛ 32:15

“Wole Marita mɔgɛnu mara nɔnfulu-tiginu na kɔnɔ hali wo, wo murutiyara a ma. Wo ara tɔlɔ ha wo bu-dagɛnu bara sigi kɔnɔ hali wo, wo ya ale Dali-Mari boloka. Wota Fara-Kole min ya wo lakisi, wo ya wo ban wo la.

Yasowa 13:31

Musa ya Kaliyadi nyamanɛ talɛ di Manasala den Makiri ma, Asitɔra anubɛ Ɛdiriya soenu bi kan tinɛ min tɔ, kɔni.

Kɛlɛ-Kurugbɛnu 10:5

Yeyata fagɛ kɔma, anu ya a togon Kemɔn soe burɔ.

Kɛlɛ-Kurugbɛnu 11:24

Wola bɛsɛ min tɔgɛ Kimɔsi, wo ara nyamanɛ min bɛɛ di wo ma, wo ti wonu namara wo nyɛrɛ ye, wa? Mata Mari Alla ara minnu di male fanan ma, ma ti wonu namara ma nyɛrɛ ye?

Kɛlɛ-Kurugbɛnu 13:1

Isirɛla mɔgɛnu bilara Mari la ka hakɛ kɛ tun. Mari sɔnta ko anu ni to Filisitinu kɔrɔ san bi-nani.

Kɛlɛ-Kurugbɛnu 16:23

Wati-tenbinɛ, Filisitinuna mansɛnu ya anu kundɛn ka saraka-belebele-wɛ bɔ anuna bɛsɛ do ye min tɔgɛ Degɔn. Anu nyagalennɛ ye kulan dɔnna. Anu bi a fɔla ko, “Mata bɛsɛ ara ma yoge Samsin don ma bolo!”

Kɛlɛ-Kurugbɛnu 3:7

Wo ya a ma, anu bilara anuta Mari Alla la ka anu kan-kɔ sɔ a la ka wonuna bɛsɛnu Beyali anubɛ Asitɔra kɔ.

Kɛlɛ-Kurugbɛnu 4:1

Ehudi fagara tumɛ min, Isirɛla mɔgɛnu ya ko-yogomɛ kɛ ka bila Mari la tun.

Kɛlɛ-Kurugbɛnu 6:1

Wo kɔma, Isirɛla mɔgɛnu bilara Mari la tun. Woletɔ Mari ya anu don Midiyan nyamanita-mɔgɛnu bolo. San wɔrɔnfila, anu bi anu kɔrɔ.

Kɛlɛ-Kurugbɛnu 8:33

Kidiyɔnna fagɛ kɔmɛ, Isirɛla mɔgɛnu ya Alla-batoe boloka bɛrɛbɛrɛ-wɛ-kɛ ka Beyali bɛsɛnu kɔ. Anu ya bɛsɛ wo kelen tɔgɔ sa “Ma sarama-kan kirinɛ Beyali min ye.”

1 Samuwɛli 5:2

Anu tara a la anuna bɛsi-kɔ-tinɛ anu si anuta bɛsi Degɔn kɔ kan min. Anu ya tɔn-kenkirɛ wo sigi anuta bɛsɛ wo dafɛ.