Kɛlɛ-Kurugbɛnu 10:18 - ALLALA KUMƐ

¹⁸ Isirɛla mɔgɛnuna bɔnsɔn-kunyɛnu ya dunbu kiri. Anu ya a fɔ anu nyɔgɔn ye ko, “Ni min sɔra ma yarɔ ka Amonnu kɛlɛ, Kilayadi nyamanɛ kɛ ye tola wo le bolo.”

Kɛlɛ-Kurugbɛnu 10:18 ပူးပေါင်းရင်းမြစ်များ

Aiseya 34:12

Mansa ti taran Idɔm nyamanɛ wo rɔ, ado a kun-tigi bɛɛ ara ta bɛɛ ta tinɛ.

Kɛlɛ-Kurugbɛnu 1:1

Yasowata fagɛ kɔmɛ, Isirɛla mɔgɛnu ya Mari manyinika, anu ko, “Ma bɔnsɔn nyamintan fɔlɔn si ta Kenan kɛ-toenu kɛlɛ tinɛ?”

Kɛlɛ-Kurugbɛnu 10:17

Amonnuna kɛlɛ-dannu ya anu kundɛn ka ta anu daga makɛ Kilayadi. Isirɛla mɔgɛnu fanan ya anu kundɛn ka anu daga makɛ Misipa soe burɔ Kilayadi nyamanɛ rɔ.

Kɛlɛ-Kurugbɛnu 11:1

Kaliyadila den-kei Yɛfɛta, kerinte le kɔnɔ yɛlan le a na la.

Kɛlɛ-Kurugbɛnu 11:11

Yɛfɛta bilara mɔgɔ-ba wonu fɛ. Anu tara. Anu ke Kaliyadi nyamanɛ rɔ, anu ya a ma anuna kɛlɛ-den-kunyɛ la. Anu ke Misipa dagɛ rɔ, anubɛ mɔgɔ-banu ya kumɛ minnu fɔ anu nyɔgɔn tɛma, Yɛfɛta ya kumɛ wonu takaran Mari anubɛ mɔgɛnu yala.

Kɛlɛ-Kurugbɛnu 11:4

Wati tenbinɛ, Amonnu tara bui Isirɛla mɔgɛnu ma ka anu kɛlɛ.

Kɛlɛ-Kurugbɛnu 12:7

San wɔrɔ kɔrɔ, Yɛfɛta ye kɛlɛ-kurugbayɛ la Isirɛla mɔgɛnu kun na. Yɛfɛta faganɛ, anu ya a togon soe do rɔ Kaliyadi nyamanɛ rɔ.

1 Samuwɛli 17:25

Anu bi a fɔla anu nyɔgɔn ye nun ko, “Wo ni wo tole masɔ. A ye a kɔgɔ rakala male Isirɛla mɔgɛnu telen tɔ. Mansa Sɔli ara lanyiri kiri ko, ni mɔgɔ-wo-mɔgɔ ya kei kɛ faga, a si wo ma nɔnfulu-tigi la. A ko, min sanɛ wo kuma, a si ala dunmusi di wo tigi ma. A si a ma fanan, wo fala denbayɛ ti duti sara.”