Kɛlɛ-Kurugbɛnu 10:11 - ALLALA KUMƐ

¹¹ Mari ya anu manyinika ko, “Nde le ma wo lakisi Iyipiti kɛnu anubɛ Amoranu ma, wa? Nde le ma wo lakisi Amonnu anubɛ Filisitinu ma nun, ba?

Kɛlɛ-Kurugbɛnu 10:11 ပူးပေါင်းရင်းမြစ်များ

Bɔ-Koe-Iyipiti 14:30

Mari ya Isirɛla mɔgɛnu kisi wo nya na le ka anu bɔ Iyipiti kɛnu bolo. Isirɛla mɔgɛnu ya Iyipiti kɛnu furi yen yi kɔnkɔn la belenna.

Yilan-Yilan Koe 21:35

Woletɔ Isirɛla mɔgɛnu wulita anu kɛlɛla. Anu ya Mansa Ɔku anubɛ a kebilɛ faga. Anu ma mɔgɔ-wo-mɔgɔ kɛndɛ to a niyi la. Anu ya anu bɛɛsi faga tɛrr! Wo kɔma, anu sigira nyɔ le Mansa Ɔkuta nyamanɛ rɔ.

Hiburunu 11:29

Dɛnkɛninyɛ le fɛ, Isirɛla mɔgɛnu ya Kɔgɔ-Yi-Wulan tɛgɛ iko anu bi tagamana dugu-gbalanɛ kuma nya min. Iyipiti kɛnu ya anu taya tumɛ min ko anu denu ni wo ma, anu tora yi rɔ.

Kɛlɛ-Kurugbɛnu 2:12

Anu benbanuta Mari Alla min bɔra anu na Iyipiti nyamanɛ rɔ, anu ya anu ban wo la. Anu ya mɔgɛ minnu taran nyɔ, wonu bi bɛsɛ minnu kɔla, anu denu fanan donta bɛsɛ wonu kɔɛ rɔ. Wo le ya a ma, Mari fonde bɔra anu kuma.

Kɛlɛ-Kurugbɛnu 3:28

A ya a fɔ wonu ye ko, “Wo ni bila n fɛ. Mari ara wo yoge Mohabunu don wo bolo tɔ bi.” Anu bilara Ehudi fɛ. Mohabunu si Yorodan bɛ tɛgɛ kan min, anu ya nyɔ bira-a-la. Anu ma sɔn Mohabunu ni tenbi nyɔ mumɛ!

Kɛlɛ-Kurugbɛnu 3:31

Ehudita wati bannɛ, Anatila den Samiga sigira Ehudi gbɛ rɔ. Samiga ya sara-ninki lagbengben fan bi ka Filisiti mɔgɔ kɛmɛ wɔrɔ faga wo la. Ale fanan ya Isirɛla mɔgɛnu kumafunfan.

1 Samuwɛli 12:8

“Ma benba Yakoba anubɛ ala denbayɛnu tara anu sigi Iyipiti tumɛ min, Iyipiti kɛnu tora anu tɔrɔ-belebele-wɛ kɛla ka anu kɔndɔfili. Wo benbanu tora dila Mari dala anu dɛnbɛn-koe la. A ya Musa anubɛ Aruna lata anu kunka tinɛ. Wonu denu bɔra wo benbanu na Iyipiti ka na anu na nyamanɛ kɛ rɔ yan.