Kɛlɛ-Kurugbɛnu 1:3 - ALLALA KUMƐ

³ Yuda bɔnsɔnnu ya Simiyɔn bɔnsɔnnu kele, anu sigi-nyɔgɛnu, kɔni. Anu ko, “Wo ta ma dɛnbɛ Kenan kɛ-toenu kɛlɛla minnu siginɛ mala nyamanɛ kɛ rɔ. Ma wa ban anu kɛlɛla, male fanan si ta wo dɛnbɛn kɛlɛ-kɛ-tinɛ wola nyamanɛ rɔ.” Woletɔ Simiyɔn bɔnsɔn bilara Yuda bɔnsɔn fɛ kɛlɛ rɔ.

Kɛlɛ-Kurugbɛnu 1:3 ပူးပေါင်းရင်းမြစ်များ

Ko-Dabirɛnu 29:33

A ya buyi do bi tun ka den-kei-gbɛrɛ sɔrɔn. Liya ya a fɔ ko, “Mari ara a lamɔɛn ko n ma di nna kei ye, woletɔ a ara dan kɛ fanan di n ma.” A ya wo tɔgɔ sa Simiyɔn bawo tɔgɛ wo kɔrɛ le iko mɔgɔ wa a fɔ ko, “A ara a lamɔɛn.”

2 Samuwɛli 10:11

Yohabu ya a fɔ a na-kelen-nyɔgɛ wo ye ko, “Ni i ya a yen, Siriyanu bara kɛlɛ ragbɛlɛya n kuma, wo na n dɛnbɛ de! Ni nde fanan ya a yen, Amonnu bara kɛlɛ ragbɛlɛya wo kuma, n si ta wo dɛnbɛ.

Yasowa 19:1

Bɔnsɔn-toe min tora, Simiyɔn bɔnsɔn-mɔgɛnu mara a fila nyɔgɛ la ka anuta nyamanɛ sɔrɔn. Ka a tɛgɛ Yuda bɔnsɔnta nyamanɛ lakoloyɛ ma, anuna nyamanɛ do tora Simiyɔn bɔnsɔn ye.

Lankɛnimayɛ 7:7

anubɛ Simiyɔn bɔnsɔn rɔ anubɛ Lifayi bɔnsɔn rɔ anubɛ Isakari bɔnsɔn rɔ

Kɛlɛ-Kurugbɛnu 1:17

Simiyɔn bɔnsɔn anubɛ Yuda bɔnsɔn kɛlɛ-dannu wulita Sifati soe kan ma ka ta Kenan kɛnu faga nyɔ. Anu ya soe wo tinya feu, ka a tɔgɔ sa “Kasara Soe.”

Kɛlɛ-Kurugbɛnu 1:2

Mari ya a fɔ anu ye ko, “Yuda bɔnsɔn-mɔgɛnu fɔlɔn ni ta. N si sɛnbɛ di wonu ma, anu ni anu nɔ. Anuna nyamanɛ si ma anutɛ la.”

Kɛlɛ-Kurugbɛnu 1:4

Mari ya sɛnbɛ di anu ma kɛlɛ rɔ. Anu ya Kenan kɛnu anubɛ Perasanu nɔ. Anu ya kei mɔgɔ waga tan (10,000) faga Bɛsɛki soe burɔ.