Kɛlɛ-Kurugbɛnu 1:22 - ALLALA KUMƐ

^22-23 Mari ya Ifɛrɛm bɔnsɔn anubɛ Manasa bɔnsɔn dɛnbɛ. Anu tara Bɛtɛli soe kan ma min tɔgɛ nun Lusi. Anu bi soe wo manɛgɛnna tumɛ min, anu ya ko-lakɔrɔsilɛnu nata soe wo mafɛlɛn tinɛ.

Kɛlɛ-Kurugbɛnu 1:22 ပူးပေါင်းရင်းမြစ်များ

Ko-Dabirɛnu 49:24

Kɔnɔ hali wo, nde, Yakobata Alla Sɛnbɛ-Bɛɛ-Tigi, wo ya Yusufuta kalabɛn ragbɛlɛya. A ti bɔ a gbɛ rɔ. Ma makandannɛ le ale la. Wo le si a ma, ile Yusufu bɔnsɔnnu ti kilan. Anu si anu sɔ gben!

2 Mansɛnu 18:7

Mari tora a fɛ. Mansa Hɛsakaya ya koe min bɛɛsi ma, wonu ya a munanfaga. Ale ma sɔn donna Asiriya mansɛta tɔnnu kɔrɔ fɔ a murutiyɛ min kɛra a ma. A sɔra a ye iko tele.

1 Ko-Kɔrɔta-Karan 7:29

Soe minnu mara Manasa bɔnsɔn halalɛ la, wonu tɔgɛ le kɛnu na, Bɛti-San wo, Teyanaka wo, Magidɔ wo, Dɔɔ wo, anubɛ so-mɛsɛ minnu bi wonuna foolɛnu tɔ. Soe minnu mara Yakobala den Yusufu bɔnsɔntɛ la, wo le wonu na.

Yilan-Yilan Koe 1:10

Bɔnsɔn fila bɔra Yusufu rɔ, Ifɛrɛm anubɛ Manasa, kɔni. Wo ni Amihudila dan Ilasama kele ka bɔ Ifɛrɛm bɔnsɔn rɔ. Wo ni Pɛdasala dan Kamɛliya kele ka bɔ Manasa bɔnsɔn rɔ.

Yasowa 14:4

Yusufu bɔnsɔn fanan farata bɔnsɔn fila la, Ifɛrɛm anubɛ Manasa. Musa ma nyamani-fenfen di Lifayi bɔnsɔn ma, fɔ kan-tina-kundunɛnu anuna kolo-fannu si anu de-nyini kan min anubɛ soe donu anu si sigi kan min.

Lankɛnimayɛ 7:8

anubɛ Sɛbulɔn bɔnsɔn rɔ anubɛ Yusufu bɔnsɔn rɔ anubɛ Bɛnyamɛ bɔnsɔn rɔ.

Kɛlɛ-Kurugbɛnu 1:19

Mari ya sɛnbɛ di Yuda bɔnsɔn ma. Anu ya kɔnkɔ-nyamanɛ damasi bi anu yogenu bolo kɔnɔ mɔgɛ minnu siginɛ lɛɛ rɔ, anu ma ke wonu gbenna bawo nɛgɛ-kirindinu bi wonu bolo.

Kɛlɛ-Kurugbɛnu 1:21

Kɔnɔ Yebusi minnu siginɛ Yerusalɛm soe burɔ Bɛnyamɛ bɔnsɔnta nyamanɛ rɔ, Bɛnyamɛ bɔnsɔn-mɔgɛnu ma wonu gben nyɔ. Yebusi wonubɛ Bɛnyamɛ bɔnsɔn-mɔgɛnu siginɛ nyɔ ka a bi wo wati ma ha kaka.