Kɛlɛ-Kurugbɛnu 1:10 - ALLALA KUMƐ

¹⁰ Anu tara Kenan kɛ donu fanan kan ma Hiburɔn soe burɔ min tɔgɛ nun Araba. Kebila sawɛ minnu bi nyɔ, anu ya wonu nɔ, Sɛsayinu wo, Ahaimannu wo, anubɛ Talamayinu.

Kɛlɛ-Kurugbɛnu 1:10 ပူးပေါင်းရင်းမြစ်များ

Ko-Dabirɛnu 23:2

A fagara Hiburɔn soe burɔ Kenan nyamanɛ rɔ. Iburayima dira Sirala ko la.

Ko-Dabirɛnu 37:14

Woletɔ a fa ya a fɔ a ye ko, “Ta i kɔrɔnu anubɛ kolo-fannu mafɛlɛn. Ni a yogoma sa nyɔ, i ni na wo fɔ n ye.” Woletɔ Yusufu bɔra Hiburɔn lɛɛ rɔ ka ta a kɔrɔnu nyini ha Sɛkɛm soe dafɛ.

Makawandili Kumɛnu 9:11

N ya ko-gbɛrɛkɛ yen nna ko-lakɔrɔsiyi rɔ tun duninya kɛ rɔ. Buri-kɛla-wɛ ti to nɔ-ko sɔrɔnna tuma-wo-tuma. Kerinte ti to nɔ-ko sɔrɔnna kɛlɛ rɔ tuma-wo-tuma. Hɛnkilimɛ fanan ti ma-a-la, hali ka to a beli-fan sɔrɔnna tolon! Min bɛnta kun-tigiyɛ la, wo ti sɔ-tina-nyima sɔrɔn tuma-wo-tuma. Bɛɛ ti a harayɛgɛ sɔrɔn nya-kun-kelen.

Yɛrɛmaya 9:23

Mari ko hɛnkilimɛ kana a nyɛrɛ matɔgɔ ala hɛnkilimayɛla ko la. Fanka-tigi kana a nyɛrɛ matɔgɔ ala fankalamayɛla ko la. Nɔnfulu-tigi kana a nyɛrɛ matɔgɔ ala nɔnfulu-tigiyɛla ko la.

Yilan-Yilan Koe 13:33

Ma ya fanka-tiginu yen nyɔ minnu yan ma ko, anu kolo ma ko, ado fanka ye anu na ka tenbi male la pon! Anaki bɔnsɔn le mɔgɛ kɛnu na. Ma ya ma nyɛrɛ yen anu yakɔrɔ iko mɛnɛ-mɛnɛnɛnu. Anu fanan ya ma yen ka le.”

Yasowa 10:36

Wo kɔma, Yasowa anubɛ ala kɛlɛ-dannu bɔra Ɛkilɔn ka ta Hiburɔn

Yasowa 14:15

Yanni soe wo ni di Kelabu ma wati min, a tɔgɛ le nun Araba. Araba, kɛmɔgɔ-ba le wo la nun Anakim mɔgɛnu tɛma min tɔgɛ sara soe wo kuma. Nba, wo kɔma, nyamanɛ wo taranta yisi-kimɛ rɔ.

Kɛlɛ-Kurugbɛnu 1:20

Anu ya Hiburɔn soe di Kelabu ma iko Musa ya lanyiri kiri a ye nya min nun. Kelabu ya Anaki kebila sawɛ gben nyɔ.

Kɛlɛ-Kurugbɛnu 1:9

Wo kɔma, Kenan kɛ minnu siginɛ kɔnkɔ-nyamanɛ rɔ anubɛ kɔnkɔ-gburukulinu bi kan min, anu tara wonu kɛlɛ. Anu tara anu kɛlɛ tinɛ fɔ dugu la ha ka ke wula-da-rakolɔn rɔ.