Kalesiya 6:7 - ALLALA KUMƐ

⁷ Wo kana wo nyɛrɛ yanfa bawo mɔgɛ ti ke Alla mayuwayala. Mɔgɔ wa min fui, a ye wo le tɛgɛla, yɔ!

Kalesiya 6:7 ပူးပေါင်းရင်းမြစ်များ

Yobu 15:31

Mɔgɛ min bi a yigi sala ko-fufafuyinu tɔ, wo sarɛ si ma ko fuyi la.

Yobu 4:8

Ni ndetɛ le, ni min ya hakɛ wɔrɔ ka karagbɛlɛyɛ fui a rɔ, anu ti fenfen tɛgɛ nyɔ fɔ karagbɛlɛyɛ.

Hɛnkilimaya-Kumɛnu 1:31

Woletɔ wo ara yili min sɔ wo nyɛrɛ la, wo ye saganna wo le la. Wo si wola ko-yogomɛnu gberela-yi min.

Hɛnkilimaya-Kumɛnu 11:18

Karagbɛlɛnu si sarɛ min sɔrɔn, wo si a baya kɔnɔ mɔgɔ-telennɛta barayi bɛnta a ma.

Hɛnkilimaya-Kumɛnu 6:14

kɔnɔ anu miri bɛnnɛ ko-yogomɛ le ma tuma-wo-tuma. Anu bi kɛlɛ tɛgɛla kan tinɛ bɛɛ rɔ.

Yɛrɛmaya 37:9

Mari ko hali wo ma wo nyɛrɛ baya bawo Babilɔn kɛlɛ-dannu ba ta, anu bi nala le tun wo kɛlɛ-tinɛ.

Isikiyɛli 14:5

bawo bɛsɛ wonu bara-koe ara a ma, Isirɛla mɔgɛnu bara bɔ n bolo. Kɔnɔ n bi anu yabila nya min, wo si a ma, anu ni sɛgi n ma tun.

Hoseya 10:12

Wo ni dugu-kurɛ rasin wo nyɛrɛ ye ka telenbagayɛ ki a rɔ. Tɔ-a-la, wo si duwɛ tɛgɛ a rɔ iko wo ye tɔnɛ min sɔrɔnna wo nyɛrɛ latenbi rɔ nde, Mari ma. Wo ya-lamunun-wati ara ke nde, wota Mari la. Wo kɔma, n ni to nna duwɛ labɔnna wo ma.

Hoseya 10:13

Kɔnɔ yanni wo ni telenbagayɛ fui nyɔ rɔ nun, wo ya wunduyogoyɛ le fui nyɔ rɔ, ado wo ma fenfen tɛgɛ nyɔ fɔ wunduyogoyɛ. Wo ara bɔ wola foninya-fɔɛ-tɔnɔ ma. “Wo lanɛ wola kirindinu anubɛ wola kɛlɛ-den-siyamɛnu na min kɛ,

Hoseya 8:7

Ni min ya wunduyogoyɛ fui, wo tigi ye kasarɛ le tɛgɛla. Wola fui-fen-kuran ti ma dɛgɛ la wo ye. Hali wo mara lefan, sundannu denu bi nala wo dɔnna wo bolo.

Hɔbadaya 1:3

Wola mansa-soe manɛ farɛ la. Wola sigi tinɛnu manɛ kɔnkɔ-layan-bɛ la. Wo mirinɛ ko mɔgɔ-wo-mɔgɔ ti ke wo labuila kɔnɔ wola wasinteyɛ ara wo yanfa feu!”

Luka 16:25

“Kɔnɔ Iburayima ko, ‘Nna dan, i miri fɔlɔn. I kɛndɛ tumɛ min, i ye fen-nyimɛ bɛɛ sɔrɔnna kɔnɔ wati wo rɔ, Lasarasi kɛ ye fen-nɔgɔnɛnu gbansan sɔrɔnna. Nba kaka, ale le ye sewɛ la yan, ile ye dumɛ rɔ.

Luka 21:8

Yisa ya a yabi ko, “Wo ni a ma wo fɛrɛma. Wo kana sɔn, mɔgɔ-wo-mɔgɔ ni wo mayuwaya bawo mɔgɔ siyaman si na n tɔgɛ rɔ ka a fɔ ko, ‘Ale le nde la!’ Anu si a fɔ fanan ko, ‘A wati ara ke!’ Kɔnɔ wo kana bila wonu fɛ.

1 Kɔrɛnti 15:33

Wo kana sɔn ko mɔgɛnu ni wo yanfa. “Wo bɔ-yogomɛnu si wola kɛ-nya-nyimɛnu tinya.”

1 Kɔrɛnti 3:18

Mɔgɔ-wo-mɔgɔ kana a nyɛrɛ yanfa. Ni min mirinɛ ko hɛnkilimɛ le ale la duninya kɛ rɔ, a fisa, duninya ni a lɔn kuntan la alako a si hɛnkili-bɛrɛ sɔrɔn nya-min.

1 Kɔrɛnti 6:9

Wo ya a lɔn serr, ko mɔgɔ-yogomɛnu ti Allala mansayɛ sɔrɔn. Wo kana wo nyɛrɛ mayuwaya. Sɔn-yogoma-tiginu wo, bɛsi-kɔlɛnu wo, yɛlannu wo, minnu bi anu ta-nyɔgɔ-keinu makila wo, minnu bi anu ta-nyɔgɔ-musinu makila wo,

2 Kɔrɛnti 9:6

Wo ni wo hɛnkili to kɛ ko. Mɔgɛ min si sugi doni fui, wo si doni de tɛgɛ. Min si sugi siyaman fui, wo si a siyaman tɛgɛ.

Kalesiya 6:3

Ni mɔgɛ do ye a mirila ko fen de ale la, ado fenfen ma a la, a ye a nyɛrɛ le mayuwayala wo la dɔrɔn.

Ɛfɛsa 5:6

Wo kana sɔn, mɔgɔ ni wo bolo labira kun-takolonya-kumɛnu na. Allata diminyɛ si na wonu denu kuma minnu ti sɔn ata kumɛ birala.

2 Tɛsalonaika 2:3

Wo kana sɔn, mɔgɔ-wo-mɔgɔ ni wo yanfa kila-wo-kila fɛ. Yanni ma tigi ni na tumɛ min, mɔgɔ siyaman si anu kan-kɔ sɔ Alla la, ado ale min bi Alla kɛlɛla, ale fanan si bɔ gbɛ rɔ.

Yemesi 1:22

Wo kana wo tole masɔ Allala kumɛ la gbansan fɔ ka a kɛ le serr! Wo kana wo nyɛrɛ mayuwaya tolo-masɔɛ dɔrɔn na!

Yemesi 1:26

Ni mɔgɛ do ya a miri ko Allata mɔgɛ le ale la, ni a ma a dɛ mara, fuyi le ala dina wo la. A ye a nyɛrɛ mayuwaya tinɛ le dɔrɔn.

1 Yɔni 1:8

Ni ma ko ma ma hakɛ kɛ, ma ye ma nyɛrɛ yanfala. Tonya sa ma yisi rɔ hali!

1 Yɔni 3:7

N diyana-dannu, wo kana sɔn, mɔgɛ ni wo yanfa! Minnu bi ko-latelennɛ kɛla, mɔgɔ-nyimɛ le wonu na iko Kirasiti ye nya min.

Yude 1:18

Anu ya a fɔ wo ye ko, “Tele-laban-lunyɛ wa ke tumɛ min, wo mayɛlɛnnɛnu si na. Anu bilanɛ anu nyɛrɛ nata-yogomɛnu denu fɛ tolon!”