Kalesiya 6:2 - ALLALA KUMƐ

² Wo wa wo nyɔgɔnna dunɛ bi tumɛ min, wo ara Kirasitita tɔn le bira worɔ.

Kalesiya 6:2 ပူးပေါင်းရင်းမြစ်များ

1 Ko-Kɔrɔta-Karan 19:12

Yohabu ya a fɔ a na-kelen-nyɔgɛ wo ye ko, “Ni i ya a yen, Siriyanu bara fɔlɔn n nɔla, wo na n dɛnbɛ de! Ni nde fanan ya a yen, Amonnu bara fɔlɔla wo nɔla, n si ta wo dɛnbɛ.

Bɔ-Koe-Iyipiti 23:5

Ni mɔgɛ ya a yogela sofɛlɛ taran sani dunɛ kɔrɔ kilɛ la, hali a dɛnbɛn-sɔgɔ sa a la, a ni a dɛnbɛ yati!

Aiseya 58:6

Mari ko ale ye nyinina min ma sun-don-bole rɔ, wo le kɛ la. Wo ara minnu nadon yele la anu yoe kuma, wo ni wonu nabɔ ka yɔlɔkɛ ratɛgɛ anu ma. Wo ni anu kunyɛ bɔ wɔli-wulen-bɛ kɔrɔ.

Matiyu 8:17

A ya wo ma alako Nɛbi Aiseya kan ni bɔ-a-la ko, “A ya mala kirayɛnu bi ma ye ka mala gbandayɛnu bɔ ma rɔ.”

Luka 11:46

Yisa ya a fɔ a ye ko, “Gbalo ye wole tɔn-karan-mɔgɛnu fanan kuma bawo dunɛ min bi-koe gbɛlɛ, wo ye wo sala mɔgɛnu kuma kɔnɔ wole nyɛrɛ ti wo bolo-nɔlɔnɛ tugun dunɛ wo la ka anu dɛnbɛ.

Yɔni 13:34

“N bara tɔn-kurɛ di wo ma ko wo ni wo nyɔgɔn keni. Wo ni wo nyɔgɔn keni iko n bara wo keni nya min.

Yɔni 15:12

Nna sereya le kɛ la ko wo ni wo nyɔgɔn keni iko n bara wo keni nya min.

Romu 15:1

Sɛnbɛ ye male min na dɛnkɛninyɛ la, a bɛnta, min tafaganɛ, ma ni wonu sɛnbɛ don ka anu dɛnbɛ anuna dunɛnu bila. Ma kana bila ma nyɛrɛ diyana-koenu dɔrɔn fɛ.

Romu 8:2

bawo Allata Ni-Sɛnimɛ min bi niyi dila ma ma, wo ara ma hɔrɔya Yisa Kirasiti baraka rɔ. A ya ma hɔrɔya ka ma bɔ hakɛta sɛnbɛ kɔrɔ min si na sayɛ la ma kuma.

1 Kɔrɛnti 9:21

N tenbi sibolo-gbɛrɛnu tɛma, n si n nyɛrɛ ma iko n sa Yahudiyanuta tɔnnu kɔrɔ lefan alako n ni sibolo-gbɛrɛnu masɔrɔn nya min bawo wonu sa anuna tɔnnu kɔrɔ. Ka a fɔ ko n sa Allala tɔn birala, wo ma de, ado n bi Kirasitita tɔn le kɔrɔ, yɔ!

Kalesiya 6:5

bawo bɛɛ ni a nyɛrɛta dunɛ bi.

Tɔn-Fɔɛ-Fila-Nyɔgɛ 1:12

Kɔnɔ nde kelan ti ke wola dunɛnu na ka wola kumɛnu fɔ.

1 Tɛsalonaika 5:14

Ma na-kelen-nyɔgɛnu, wo ni kalabantenu makawandi. Wo ni yisi-latɛgɛ di kilandɔgɛnu ma. Minnu yisi rafaganɛ, wo ni to wonu dɛnbɛna ka wo munyu wo nyɔgɔn kɔrɔ.

Yemesi 1:25

Kɔnɔ Allala tɔn-kanbalinɛ min si mɔgɔ hɔrɔya, mɔgɛ ni to wo mafɛlɛnna. Mɔgɔ-wo-mɔgɔ wa a yigi sa a rɔ, ado a ma a tole masɔ dɔrɔn ka a yili bɔ kumɛ wonu ko, Allatala ye nyinina min ma, a ye wo bɛɛsi mala. Wo tigi wa a bole bila ko-wo-ko rɔ, Alla si a lasabati.

Yemesi 2:12

Wo ni a ma wo fɛrɛma kumɛ anubɛ ko-ladan-tinɛ bawo Allala kumɛ min si ma hɔrɔya, lunyɛ do, Alla si ma bɛɛ kiti wo fɛ.

Yemesi 2:8

Tɔn-kolomɛ kelen de Allala kitabu rɔ, ni wo ya wo bira, wo ara ko-nyimɛ kɛ worɔ. A ko, “I ni i sigi-nyɔgɛ keni iko i nyɛrɛ.”

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.

2 Pita 2:21

Yanni anu ni bɔ kila-bɛrɛ fɛ, anu ya min lɔn kɔrɔma la, a fisa nun, hali wonu ma telenbagaya-kilɛ wo lɔn nun ka anu kan-kɔ sɔ Allata tɔn-sɛnimɛnu na min bara di anu ma fɔlɔn.

2 Pita 3:2

Nɛbi-sɛnimɛnu ya kumɛ minnu fɔ kebi fɔlɔ, n bi a fɛ, wo ni wo hɛnkili to wonu ko. Tɔn minnu bɔra mata Kisilɛ anubɛ Mari bolo fanan, wo hɛnkili ni to wonu bɛrɛn ko. Kilayɛnu ya wonu natenbi wo ma.

1 Yɔni 4:21

Kirasiti ya tɔn kɛ di ma ma—a ko min bi Alla kenina fɔ wo ni a na-kelen-nyɔgɛ keni fanan.