Kalesiya 6:18 - ALLALA KUMƐ

¹⁸ Nba, n na-kelen-nyɔgɛnu, ma Mari Yisa, Allata-Mɔgɔ-Yabɔnɛta hinɛ ni to wo dama fɛ. Amina.

Kalesiya 6:18 ပူးပေါင်းရင်းမြစ်များ

Kɛwɔlɛnu 1:15

Tele-dande tenbinɛ, dɛnkɛninya-mɔgɛnu bi ladɛn wo rɔ. Anu dama lakofunɛ mɔgɔ kɛmɛ ani mɔgɔ mogan nyɔgɔn (120). Pita ya a lasɔ ka a fɔ anu ye ko,

Romu 1:13

N na-kelen-nyɔgɛnu, wo ni a lɔn ko tumɛ siyaman, n bara n tabɛn ka ta wo kɔndɔn tinɛ kɔnɔ koe do ye n nasɛgila wo bɛɛ rɔ. N bi a fɛ ka mɔgɛnu nana Yisa ma wole fanan tɛma iko n bara a ma sibolo-gbɛrɛ doinu tɛma nya min.

Romu 16:20

Alla min bi yisi-kimɛ dila ma ma, wo ti mɛ Setanɛ kasarala wo kin kɔrɔ. Ma Mari Yisala hinɛ ni to wo fɛ.

Romu 16:23

N yiyalɛ, Keyasi, chɔchi si ladɛn minna bɔn la, a ye wo kɔndɔnna. Irasita min bi soe-wodi-lamarala anubɛ ma na-kelen-nyɔgɔn Kuwata, wonu fanan bi wo kɔndɔnna. [

Kalesiya 3:15

N na-kelen-nyɔgɛnu, n bi a fɛ ka Allata lanyiri sanka koe do ma min bi mala tuma-wo-tuma. Mɔgɔ fila wa sara min ma, mɔgɔ-wo-mɔgɔ ti sarama-kan wo tinya, ado mɔgɔ ti fenfen kofu wo ma tun. A sa wo nya na le?

Kalesiya 4:12

N na-kelen-nyɔgɛnu, n bi wo madiyala, wo ni ma iko nde ye nya min. N hɔrɔyanɛ koe kɛnuna ko la, ado nde ya n taya ka ma iko wole sibolo-gbɛrɛnu bi nya min. N hɔrɔyanɛ tɔn wara-koe ma.

Kalesiya 4:28

Nba, n na-kelen-nyɔgɛnu, iko Sirata den Isiyaka ya Allata sarama-kan dafa nya min, wole mara Allata dan la ka ata sarama-kan wo dafa wo nya na le.

Kalesiya 6:1

N na-kelen-nyɔgɛnu, wole min bilanɛ Allata Ni-Sɛnimɛ fɛ, ni wo ya mɔgɛ do bira ko-yogoma-kɛ la, wo ni a latelen. Wo ni a kɛ dinyɛ rɔ. Kɔnɔ wo ni a ma wo fɛrɛma alako wo fanan kana na ko-yogomɛ ma.

2 Timoti 4:22

Mari ni i niyi kandan. Allala hinɛ ni to wo dama fɛ.

Failiman 1:25

Alamɛ Mari Yisa, Allata-Mɔgɔ-Yabɔnɛla hinɛ tora wo dama fɛ.

Lankɛnimayɛ 22:21

Alamɛ Mari Yisata hinɛ tora wo dama fɛ.