Kalesiya 6:12 - ALLALA KUMƐ

¹² Minnu bi a fɛ ka wo fɔrɔsɛ alako wo ni kemininya, wonu bi anu nyɛrɛ-matɔgɔ-koenu denu tɔ. Anu sa a fɛ, anu ni tɔrɔyɛ sɔrɔn Kirasiti-faga-kawandili dɔrɔn fɔɛla ko la.

Kalesiya 6:12 ပူးပေါင်းရင်းမြစ်များ

Matiyu 23:27

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo mani de iko kanba-magbɛnɛnu minnu mafɛlɛn-nya kin a kɔma kɔnɔ a burɛ fanɛ mɔgɔ-faganɛnu kolenu na anubɛ fen-tulinɛnu.

Matiyu 23:28

Wo ye wo nyɛrɛ mala mɔgɔ-nyimɛnu na mɔgɛ bɛɛ yala wo nya le. Wo kɔmɛ kin kɔnɔ wo burɛ fanɛ foninyɛ anubɛ hakɛnu na.

Matiyu 23:5

Anu si anuna ko-nyimɛ bɛɛ kɛ alako mɔgɛ ni anu yen dɔrɔn! Allala kumɛ min sɛbɛnɛ ata kitabu rɔ, anu bi wo mala lɛsimɔgɛnu na ka wonu kiri anu telɛnu anubɛ anu bolenu ma. Wonu mafɛlɛn! Anuna duruku-yan bunsannu yanyɛ-nya fanan mafɛlɛn!

Matiyu 5:10

Mɔgɔ-sewanɛ le wo mɔgɛ la anu bi min tɔrɔla ala ko-latelennɛla ko la bawo Alla min bi Arinyɛni tɔ, a si wota mansayɛ sɔrɔn!

Matiyu 6:16

“Wo wa sunyɛ don tumɛ min, wo kana wo yakɔrɛ sa-a-rɔ iko nyɛrɛ-mayiralɛnu si a ma nya min. Anu kɛnɛna anu nyɛrɛ makinikinina alako mɔgɛnu ni a lɔn ko anu bi sunyɛ le tɔ. Wo ni wo hɛnkili to kɛ ko! Anu bara ban anu sarɛ sɔrɔnna feu!

Matiyu 6:2

“Ni i ye a fɛ ka bolo-kolɔn kɔ, i kana a mayon alako mɔgɛ bɛɛ ni i yen mɔgɛ kɔla iko nyɛrɛ-mayiralɛnu. Wonu denu si wo ma Yahudiya-dina-bɔnnu na anubɛ barɛnu tɔ bawo anu bi a fɛ, mɔgɛnu ni anu matɔgɔ. Wo ni wo hɛnkili to kɛ ko! Wonu bara ban anu sarɛ sɔrɔnna feu!

Matiyu 6:5

“Wo tenbi madiyali kɛla, wo kana a ma iko nyɛrɛ-mayiralɛnu! A di wonu ye ka madiyali kɛ anu kulu-mayɛlɛnɛ la Yahudiya-dina-bɔnnu na anubɛ sere tɛma alako mɔgɛnu ni anu yen. Wo ni wo hɛnkili to kɛ ko! Anu bara ban anu sarɛ sɔrɔnna feu!

Luka 16:15

Yisa ya a fɔ anu ye ko, “Minnu bi anu nyɛrɛ yen-nya rabɛnna mɔgɛnu yala, wole le wonu na kɔnɔ Alla ya wo burɛ lɔn, ado mɔgɛ ye a mirila min ma ko a kolo, kisimiriya-koe le wo la Alla yala.

Luka 20:47

Anu bi kɛɛ-musinu kensunyala ka anuna bɔnnu bi anu bolo, wo kɔma ka anu nyɛrɛ mayira madiyali-lafasayannɛnu fɛ! Anuna tɔrɔyɛ si yogoya bɛɛtɛ ko!”

Yɔni 7:18

Mɔgɛ min bi kumala a nyɛrɛta miriya rɔ, a di a ye, a ni matɔgɔlɛ sɔrɔn mɔgɛnu bolo. Kɔnɔ ni mɔgɛ min ye a fɛ ka a sɔlɛ gbiliya, tonya-fɔlɛ le wo la, foninya-wo-foninya sa a da rɔ.

Kɛwɔlɛnu 15:1

Pɔli anubɛ Banabasi ye Siriya-Antiyaki tumɛ min, mɔgɛ donu nara ka bɔ Yudiya nyamanɛ rɔ. Anu ya Marita mɔgɛnu karan ko mɔgɛ ti ke kisila fɔ a ni kemininya iko Musata tɔn ya a fɔ nya min.

Kɛwɔlɛnu 15:5

Kɔnɔ Farisi minnu bara dɛnkɛninya Yisa ma, wonu ya anu nasɔ. Anu ko a fɛrɛ sa fɔ sibolo-gbɛrɛ kɛnu ni kemininya iko anu denu, ado anu ya a fɔ anu ye fanan ko anu ni Musata tɔnnu bira iko anu denu.

2 Kɔrɛnti 10:12

Nba, minnu bara anu nyɛrɛ ma fen na, ma ti sisi ma nyɛrɛ sankala wonu ma. Anu hɛnkili sa mumɛ! Anu bi anu nyɛrɛ sankala anu nyɔgɔn ma! Anu miri a ma ko min telenta anu nyɛrɛ yala, anu bi anu nyɛrɛ kitila wonu denu fɛ.

2 Kɔrɛnti 11:13

Kilayɛ wonu, kilaya-bɛrɛ ma anu na kɔnɔ anu bi anu nyɛrɛ mala iko Kirasitita kilayɛnu denu bi anu na serr! Foninya-kilayɛ le anu na minnu bi foninyɛ fɔla anuna wɔlɛla ko la.

Kalesiya 2:14

N ya a yen tumɛ min ko anu sa ko-telennɛ kɛla iko kibara-nyimɛ ya a fɔ nya min. N ya a fɔ Pita ye anu dama yala ko, “Yahudiya le ile la kɔnɔ i sɔnta nun ka ma iko sibolo-gbɛrɛ. Nfenna worɔ, i si sibolo-gbɛrɛnu fɔrɔsɛ alako anu ni ma iko Yahudiyanu?”

Kalesiya 2:3

N ta-nyɔgɛ Taita, Kiriki le wo la kɔnɔ hali wo, chɔchi-kunyɛnu ma a fɔrɔsɛ kemininya-koe ma anuna tɔn fɛ.

Kalesiya 5:11

N na-kelen-nyɔgɛnu, wo ni nta tɔrɔyɛ mafɛlɛn. N sa kawandili bɔla ko fɔ mɔgɛnu ni kemininya kɔnɔ ha bi, anu bi n tɔrɔla. N bi Kirasiti faga-koe min kawandili bɔla, ni n ya kemininya-koe sa wo kuma nun, wo ti Yahudiyanu tɔrɔ.

Kalesiya 6:13

Hali minnu kemininyanɛ anu tɛma, wonu sa tɔn-kitabu birala. Anu bi a fɛ, wole ni kemininya alako anu si ke ka anu nyɛrɛ matɔgɔ ko wo ara sɔn kemininya-koe ma anu bolo.

Filipai 1:15

Nba, minnu bi Kirasitila kawandili-koe bɔla, anu donu bi wo bɔla keliyɛ anubɛ sɔsɔlɛ la anu bolo. Donu bi ala kawandili-koe bɔla anu kɔntɔ-nyimɛ la.

Filipai 2:4

Wo kana to hɔnna wo nyɛrɛ la dɔrɔn, wo ni hina doinu fanan na.

Filipai 3:18

N bara kɛ fɔ wo ye fɔlɔ-nun ko siyaman, ado kaka, n bi a fɔla tun, n ya-yi ye bɔla. Mɔgɔ siyaman bi nyɔ minnu bi anu tayala ka Kirasiti faga-ko-kɔrɛ tinya.

Kɔlɔsi 2:23

Nba, melika-batoe fɔrɔsɛ la wo, foninya-famayigiyɛ wo, nyɛrɛ-bagbuyi-tɔrɛ wo, tɔn wonu mani de iko hɛnkili ye anu tɔ kɔnɔ wonu ti ko-wo-ko nyinya bagbuyi-natanu-bira-koe rɔ.