Kalesiya 6:10 - ALLALA KUMƐ

¹⁰ Woletɔ ma wa fɛrɛ sɔrɔn tumɛ min, ma ni ko-nyimɛ kɛ mɔgɛ bɛɛ ye kɔnɔ katarala ma na-kelen-nyɔgɛnu ma dɛnkɛninyɛ rɔ.

Kalesiya 6:10 ပူးပေါင်းရင်းမြစ်များ

Yaburi 37:27

I fara ko-yogoma-kɛ la ka ko-nyimɛ kɛ. Wo si a ma, nyamanɛ kɛ ni ma wo kegeyɛnu halalɛ la

Yaburi 37:3

La Mari la. I ni ko-nyimɛ kɛ. Wo si a ma, i ni sigi i fanbolo ila nyamanɛ rɔ.

Hɛnkilimaya-Kumɛnu 3:27

Ni ko-nyimɛ kɛ-fɛrɛ ye i bolo, minnu makoe ye i la, i ni wo kɛ anu ye.

Makawandili Kumɛnu 3:12

Nba, min fisa, mɔgɔ tenbi a niyi la, a ni to a nyɛrɛ ladiyala a siyi-tele-bɛɛ kɔrɔ.

Makawandili Kumɛnu 9:10

Mɔgɛ ye ko-wo-ko kun na, i sɛbɛ don wo le ma bawo i kɛ-nya wo, i miriya wo, ila hɛnkilimaya wo, ila ko-lɔn wo, wo bɛɛla ban le lakira la, ado i kunyɛ telennɛ nyɔ le la.

Matiyu 10:25

Nba, karan-dan wa ke a karan-mɔgɔ rɔ, a bɛnta, wo ni a wasa. Yɔɔn fanan ba ke a tigi rɔ, a bɛnta, wo ni a wasa. Ni anu ya denbaya-tigi kele ko, Biyɛsiba, denbayɛ toenu si tɔgɔ-yogomɛ sɔrɔn ka tenbi ale la!

Matiyu 12:50

N Fa Alla min bi Arinyɛni tɔ, min bi a diyana-koe kɛla, n na-kelen-nyɔgɛ anubɛ n na le wonu na.”

Matiyu 25:40

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ya wo ma wo mɔgɔ kelen na, wo ya a ma nde le la wo la!’

Matiyu 5:43

“Wo ara a lamɔɛn nun ko, ‘I ni i diyana-mɔgɛnu keni. I yogenu ni gboya i ye.’

Maraka 3:4

Wo kɔma, a ya mɔgɛnu manyinika ko, “Mala tɔn ko kama? Ma ni nfen ma Sulen-Tele ma, ma ni mɔgɔ dɛnbɛ, ka, ma ni mɔgɔ tɔrɔ? Ma ni mɔgɔ niyi lakanan, ka, ma ni a halaki?” Kɔnɔ anu ya a sigi-a-la don!

Luka 6:35

Wo ni wo yogenu keni ka ko-nyimɛ kɛ anu ye. Wo ni anu dɔndɔ, hali wo ma wo hɛnkili lamiri fen-sɔrɔn-koe ma anu bolo tun. Wo si barayi-ba sɔrɔn. Alla min bi Fan Bɛɛ Kun na, wo si ma ale Allata dannu na, ado Alla ye ko-nyimɛ kɛla fisiriwɔlɛnu anubɛ wunduyogenu ye.

Yɔni 12:35

Yisa ya anu yabi ko, “Waan si to wo fɛ wati-ni fɔlɔn. Yanni pinpi ni burun wo ma, wo ni to tagamana waan wo rɔ, ado min bi tagamana pinpi rɔ, wo ma a ta tinɛ lɔn.

Yɔni 9:4

Min ya n sɔ, fɔ ni ma tora wola wɔli kɛla tele rɔ. Suyi ketoe le, ado suyi wa ke tumɛ min, wo si a taran, wɔli-wo-wɔli ti taran tun.

Kɛwɔlɛnu 6:7

Woletɔ Allala kumɛ tora nyɛnsɛnna. Karan-dannu yatɛ siyayara Yerusalɛm ha ka siyaya. Hali saraka-masɔlɛ siyaman dɛnkɛninyara.

2 Kɔrɛnti 2:8

N bi wo madiyala ko wo ni a yira a la ko wo ya a keni bɛrɛkɛ!

Kalesiya 1:23

Anu bi a lamɔɛnna le dɔrɔn ko, “Kei min ya a lagbɛlɛya ma kuma fɔlɔ-nun, a ye dɛnkɛninya-ko-kawandili bɔla kaka, ado a ya a raya ka mala dɛnkɛninyɛ wo tinya nun!”

Ɛfɛsa 2:19

Woletɔ wole sibolo-gbɛrɛnu, mɔgɔ-gbɛrɛ ma wo la tun, ado sundan ma wo la tun. Wo ara ma duguran la kaka Allata mɔgɛnu tɛma. Wo ye Allata denbayɛ rɔ gbɛ!

Ɛfɛsa 3:15

nima-fan bɛɛ ya a niyi sɔrɔn ale min bolo, san-kole anubɛ dugu-kole ma.

Ɛfɛsa 4:28

Ni min bara duru kankanyɛ la, wo ni kankanyɛ boloka ka a sɛbɛ don wɔlɛ ma. Wo si a ma, a ni ke a nyɛrɛ-beli-fannu sɔrɔnna ka bolo-kolɔnnu fanan dɛnbɛ.

Ɛfɛsa 5:16

Wo kana wo nyɛrɛ matanbani. Wo ni wo raya ko-nyima-kɛ koe ma bawo tele kɛnu ma kin.

Filipai 4:10

N sewanɛ Mari rɔ kati! A ara wati-yan bɔ, wo ma wo miri n ma n dɛnbɛn-koe la kɔnɔ tɔ-a-la, nna ko-nyimɛ ye wo burɔ. N bara a lɔn ko nna hɔnya ye wo la. Wo ma fɛrɛ le sɔrɔn ka a mayira gbɛ rɔ dɔrɔn.

Kɔlɔsi 4:5

Wo ni ma hɛnkilimɛnu na dɛnkɛninyabɛlɛnu bara la. Wo ye fɛrɛ min bɛɛ sɔrɔnna, wo kana wo tinya.

1 Tɛsalonaika 5:15

Wo kana sɔn, mɔgɔ-wo-mɔgɔ ni ko-yoge sara ko-yoge la. Tuma-wo-tuma, wo ni to ko-nyimɛ kɛla wo nyɔgɔn ye anubɛ mɔgɛ bɛɛ.

1 Tɛsalonaika 5:21

Wo ni koe bɛɛ fɛsɛfɛsɛ. Min kin, wo ni wo mara gben!

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Taita 3:8

Tonyɛ le kɛ la. N bi a fɛ, i ni karan wonu bira bɛrɛkɛ, woletɔ minnu dɛnkɛninyanɛ Alla ma, wonu si to ko-nyimɛ kɛla wati bɛɛ. Wo kin, ado a bɛnnɛ mɔgɛ bɛɛ ma.

Hiburunu 13:16

Wo kana nyina ka ko-nyimɛ kɛ wo nyɔgɔn dɛnbɛn tinɛ bawo sarakɛ le wo la min di Alla ye.

Hiburunu 3:6

Kɔnɔ Kirasiti le dan wo la min bi lanayɛ kɛla a fa Allata mɔgɛnu kuma. Ni ma tora mata yisi-latɛgɛ rɔ ka ma yigi sa ale rɔ, Allata mɔgɛnu denu bi male la worɔ.

Hiburunu 6:10

Alla telenta. Wo ya wo ta-nyɔgɛnu dɛnbɛ ka keninteyɛ yira anu na min kɛ, ale Alla ti nyina wo ko, ado ha bi, wo ye wo ta-nyɔgɛnu dɛnbɛna.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,

1 Pita 4:17

Kiti-tɛgɛ-dabira-wati ara ke. Nba, Alla si ala mɔgɛnu fɔlɔn kiti. Ni kiti gbɛlɛ da si bira male le ma, a laban si ma kama worɔ wonu kuma minnu ma Allala kibara-nyimɛ bira?

1 Yɔni 5:1

Min lanɛ a la ko Allata-Mɔgɔ-Yabɔnɛ le Yisa la, Allala dan le wo tigi la. Ma Fa Alla di min ye, ma Fa Allala dan di wo fanan ye.

3 Yɔni 1:10

N ba ta tumɛ min, n si a labɔ gbɛ ma wo ye ko a ara tɔgɛ sa ma la, ado a ma tonya fɔ wo la mumɛ! Kɔnɔ a ma dan wo dɔrɔn ma. Ma na-kelen-nyɔgɛnu ba ta nyɔ tuma-wo-tuma, a ti wonu fanan tabira. Minnu bi a fɛ ka wonu tabira, a si wonu nakala ka anu gben chɔchi la!

3 Yɔni 1:11

N diyana-mɔgɛ, i kana bila ko-yogomɛ fɛ fɔ ka ko-nyimɛ ma wola misalɛ la. Min bi ko-nyimɛ kɛla, Allatɛ le wo tigi la. Min bi ko-yogomɛ kɛla, wo tigi ma Alla lɔn.

3 Yɔni 1:3

Ma na-kelen-nyɔgɛ donu nara tumɛ min, anu ya ila lanayɛ fɔ n ye. I tonɛ tonyɛ rɔ nya min, wo ya a ma, n sewara bɛrɛkɛ!