Kalesiya 5:22 - ALLALA KUMƐ

²² Kɔnɔ Allata Ni-Sɛnimɛ si wo labila min na, wo le kɛnu na, keninteyɛ wo, sewɛ wo, yisi-kimɛ wo, munyɛ wo, dinyɛ wo, nyimayɛ wo, lanayɛ wo,

Kalesiya 5:22 ပူးပေါင်းရင်းမြစ်များ

Yaburi 1:3

Mɔgɔ-sufa wo mani de iko kɔlɔma-kuri min kinɛ yi da la. A si gbɔ a tumɛ rɔ. A yanba-kunyɛ fanan ti gbala mumɛ! Mɔgɛ wo wa a bole don fenfen tɔ, wo ti sɛgi kɔma.

Yaburi 92:14

Hali anu bara kɔrɔya, anu si gbɔ iko kɔlɔma wonu. Anu nɔrɔnnɛ, ado anu tagbɛlɛyani de tolon!

Makawandili Kumɛnu 7:8

Ko-laban kin ko-dabirɛ ko, ado munyɛ fisa wasinteyɛ ko.

Yɛrɛmaya 33:6

Kɔnɔ a ko a si Yerusalɛm soe dandan anubɛ ala mɔgɛnu ka anu nasɛgi anu gbɛ rɔ. A si yisi-kimɛ di anu ma duk, ka anu nakanan.

Hoseya 14:8

Wole Isirɛla mɔgɛnu ti wo bolo bila bɛsɛ ko rɔ tun. N si wola madiyalɛnu yabi ka wo fɛ-bira a kila-bɛrɛbɛrɛ fɛ. Wo kuma-tuwalɛ le nde la iko kɔlɔma min nɔrɔnnɛ yabu-yabu bawo wola duwa-kunyɛ mumɛ bɛɛ le nde la.”

Matiyu 12:33

“Ka kɔn-gbɔ-nyimɛ sɔrɔn fɔ kɔlɔma-sabatinɛ ni taran i bolo. Kɔlɔma min sabatini ma, ni wo ye i bolo, wo gbɔɛ ti mɔgɔ munanfaga. Kɔlɔma si lɔn a gbɔɛ le fɛ.

Luka 13:9

Ni tore kɛ gbɔra yari, wo kin, ni wo ma, nba, i si a fɔ n ye ko n ni a kuri tɛgɛ.’ ”

Yɔni 15:16

Wole ma nde tɔnbɔn. Nde le ya wo yatɔnbɔn. N bara wo yatɔnbɔn alako wo ni ta gbɔ bɛrɛkɛ, ado gbɔɛ wo si to a la. Nba, wo wa ko-wo-ko tara n tɔgɔ rɔ, n Fa Alla si wo di wo ma.

Yɔni 15:2

Bolɔn min bɛɛ ye nde ma, minnu ti gbɔ, a si wonu gbendan a ma. Bolɔn min bɛɛ ye gbɔla, a si wonu matɛgɛ, woletɔ anu si gbɔ bɛrɛkɛ!

Yɔni 15:5

“Kɔlɔma-kuri le nde la, a bolɔnnu le wole la. Minnu ba to nde rɔ, nde ye wonu denu tɔ. Wo si gbɔ wɛ kɛ bawo wo ti ke ko-wo-ko kɛla nde kɔma.

Romu 14:17

Allala mansayɛ ma dɔn-fan anubɛ minni-fan la fɔ telenbagayɛ anubɛ yisi-kimɛ anubɛ sewɛ, Allata Ni-Sɛnimɛ ye min su dila, kɔni.

Romu 15:14

N na-kelen-nyɔgɛnu, nde lanɛ a la ko wo fanɛ ko-nyimɛ la, ado wo fanɛ lɔnnɛ bɛɛ la fanan. Tonyɛ le, wo si ke wo nyɔgɔn makawandila.

Romu 15:3

ado Kirasiti ma a raya a nyɛrɛ-hɛnɛ-koe la. A sɛbɛnɛ Yaburi kitabu rɔ ko, “Anu bi mɔɛn-kumɛ minnu natala ile Alla ma, wo ye sɛgila nde, ala wɔli-kɛlɛ le ma.”

Romu 15:30

N na-kelen-nyɔgɛnu, ka a tɛgɛ mala dɛnkɛninyɛ ma ma Mari Yisa, Allata-Mɔgɔ-Yabɔnɛ ma anubɛ ata Ni-Sɛnimɛ ye keninteyɛ min dila ma ma, n bi wo madiyala ko wo ni wo raya n fɛ Alla madiya tinɛ nde ye.

Romu 6:22

Kɔnɔ kaka, wo ara hɔrɔya hakɛ ma ka ma Allala yɔɔnnu na. Woletɔ wo si tɔnɛ min sɔrɔn, wo le sɛninyɛ la Alla ye, ado tɔ-a-la, wo si habadan-nimayɛ sɔrɔn.

Romu 7:4

N na-kelen-nyɔgɛnu, wole fanan bi wo nya le. A manɛ iko wole ara faga ka bɔ tɔn-kitabu kɔrɔ ka kofu Kirasiti ma. Kaka, wo ara ma aletɛ la, ado a wulita ka bɔ furinu tɛma alako wo ni ma gbɔ-nyimɛ la Alla ye.

Romu 8:5

Ado nfan, minnu bi ko ladanna iko anu kɛ-nya-kɔrɛ ye wɔlila anu tɔ nya min, wonu niyi sanɛ hadama-dan diyana-koenu denu kuma. Minnu bi ko ladanna iko Allata Ni-Sɛnimɛ ye a fɔla anu ye nya min, wonu niyi sanɛ Allata Ni-Sɛnimɛ diyana-koenu denu kuma.

1 Kɔrɛnti 13:13

Nba, kɛ sawɛ le tonɛ, dɛnkɛninyɛ wo, yigi wo, anubɛ keninteyɛ kɔnɔ keninteyɛ le kolo kɛ bɛɛ ko.

Kalesiya 5:13

N na-kelen-nyɔgɛnu, wo keleta hɔrɔyɛ le ma kɔnɔ wola hɔrɔyɛ kana ma masigima-koe la wo fɛrɛ-natanu ma-tinɛ. Min fisa, wo ni to wo nyɔgɔn dɛnbɛna keninteyɛ rɔ,

Ɛfɛsa 4:23

A fɛrɛ sa fɔ wo yisi anubɛ wo hɛnkili ni kuraya tun feu!

Ɛfɛsa 5:9

Minnu bi waan rɔ, wonu si to ko-nyimɛnu kɛla ka ko-telennɛnu ma ka tonyɛ fɔ mɔgɛnu ye.

Filipai 1:11

Yisa Kirasiti kelen pe si ke wo lafala ko-nyimɛ minnu na, alamɛ wo yisi fara wonu na. Alamɛ Alla ya gbiliyɛ anubɛ tantolɛ sɔrɔn wo bɛɛ rɔ.

Kɔlɔsi 1:10

Ni wo mara, wo si ke ko ladanna iko Mari ye a fɛ, wo ni ko ladan nya min. Wo si a hɛnɛ koe bɛɛ rɔ tumɛ bɛɛ. Wo kɔma, wo si to ko-nyimɛ kɛla mɔgɛnu ye. Wo bɛɛ rɔ, wo si to koloyala Alla-lɔn-koe rɔ.

2 Tɛsalonaika 3:2

Wo ni tarali kɛ ko Alla ni ma tanka kalabantenu anubɛ ko-yogoma-kɛlɛnu ma bawo bɛɛ ma dɛnkɛninya Mari ma wɛ.

1 Timoti 3:11

Anuna musinu fanan ni ma sɔn-nyima-tiginu na. Anu kana ma mɔgɔ-dan-tinyanɛnu na. Anu ni ma sɛbɛna-mɔgɛnu na ka lanayɛ kɛ koe bɛɛ rɔ.

1 Timoti 4:12

I kana sɔn, mɔgɔ-wo-mɔgɔ ni yoo i ma ila fonikeyɛla ko la. I kuma-nya wo, i kɛ-nya wo, ila keninteyɛ wo, ila dɛnkɛninyɛ wo, ila sɛninyɛ wo, i ni ma misala-nyimɛ la dɛnkɛninya-mɔgɛnu ye wo bɛɛ rɔ.

1 Pita 1:22

Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.

1 Pita 1:8

Wo ma Yisa yen bɛ kɔnɔ wo ara a keni. Wo ma a yen bɛ wo yɛ la, hali wo, wo dɛnkɛninyanɛ a ma. Woletɔ wo ye nyagalenna ka sewa-makawani-wɛ kɛ, hadama-dan dɛ ti ke min fɔla.

1 Pita 5:12

Sailasi ara n dɛnbɛ kɛdi-kundu-nɛ kɛ sɛbɛla wo ma, ado n bara ale yatɛ n na-kelen-nyɔgɛ lanaya-mɔgɛ la. N bi a fɛ ka wo makawandi anubɛ ka nta sereyɛ bɔ wo ye ko Allala hina-bɛrɛ le kɛ la. Wo ni wo sɔ a rɔ yiri!