Kalesiya 5:21 - ALLALA KUMƐ

²¹ Anu sa nyinina ko-nyima wo ko-nyima ma anu bɔnuna ko la. Anu manɛ gbɛɛtoenu na. Anu bi anu fɛrɛ-bɔnku-natanu denu wasala tolon! Anu bi ko-sufa wo bɛɛ mala. N bi a fɔla wo ye tun ko minnu bi ko-sufa wo bɛɛ kɛla, wonu ti Allala mansayɛ sɔrɔn muk!

Kalesiya 5:21 ပူးပေါင်းရင်းမြစ်များ

Aiseya 3:11

Kɔnɔ ko-yogoma-kɛlɛnu tinya-koe ara to a ma. Anu ya koe min sigi mɔgɛnu na fɔ wo wa sigi anu denu fanan ma.

Matiyu 25:34

Wo kɔma, nde, mansɛ si a fɔ n bolo-nyimarɔ-mɔgɛnu ye ko, ‘N Fa Alla ara ata duwɛ layigi wole min kuma, wo na! Wo na mansayɛ sɔrɔn min tabɛnnɛ wo ye kebi duninya danta.

Luka 21:34

“Wo ni a ma wo fɛrɛma wo nyɛrɛla ko la! Wo kana wo nyɛrɛ ma nugulamɛ anubɛ gbɛɛ-minnɛnu na. Wo kana hɔn niyi-kɛ-koenu na. Ni wo ya wonu ma, tele wo si wo latɛrɛna.

Romu 13:13

Ma ni mala ko-ladan-nyanu natelen iko mɔgɛ minnu tonɛ waan rɔ. Manamanatoyɛ wo, gbɛɛ-min-wɛ wo, yɛlɛnyɛ wo, kisimiriya-koe wo, nyɔgɔn-tiran wo, keliyɛ wo, ma kana basan wonu fenfen na.

Romu 8:13

Ni wo tora ko ladanna iko wo kɛ-nya-kɔrɛnu bi nya min, wo ye fagala le. Kɔnɔ ni Allata Ni-Sɛnimɛ ya wo dɛnbɛ ka hakɛ-koe faga wo rɔ, wo si ni-bɛrɛ sɔrɔn serr!

1 Kɔrɛnti 15:50

N na-kelen-nyɔgɛnu, n bi min ma, wo le kɛ la. Min danta fɛrɛ anubɛ yele la, wo ti ke Allala mansayɛ sɔrɔnna. Ma fɛrɛ-bɔnku-tulutɛ kɛnu ti to habadan!

1 Kɔrɛnti 5:11

N bi min ma nun, wo le ko ni yɛlan le, ni wasabɛlɛ le, ni bɛsi-kɔlɛ le, ni min bi nafigiyɛ kɛla, ni min bi baan-minyɛ kun na, ni kankan le—ni mɔgɛ wo ye a fɔla ko wo na-kelen-nyɔgɛ le ale la dɛnkɛninyɛ rɔ, wo kana wo bole layigi miran kelen tɔ lefan wo mɔgɔ-sufanu fɛ.

Ɛfɛsa 5:18

Wo kana sɔn, gbɛɛ ni wo rabunden. Yanni wo ni wo ma, wo fanɛ ni to ata Ni-Sɛnimɛ la.

Tɔn-Fɔɛ-Fila-Nyɔgɛ 21:20

Dan wo sɔrɔnnɛnu si a fɔ ko, ‘Mala dan kɛ tengberenta, a murutiyani de! A ti ma kuman-kan bira. A kelan, a ye mala wodi rakese-kesenna ma ma, a kelan, gbɛɛtoe le ale la.’

Kɔlɔsi 3:6

Koe kɛnu bi a mala, Allala diminyɛ si na ala kuma-birabɛlɛnu kan ma.

1 Tɛsalonaika 5:7

Kinɔgɔlɛnu si kinɔgɔ suyi le tɔ. Gbɛɛtoenu fanan si gbɛɛ min suyi le tɔ.

2 Tɛsalonaika 2:5

N bi wo fɛ tumɛ min nun, n ya kɛ bɛɛ rakaran wo ye. Wo hɛnkili ma to wo ko, wa?

Hiburunu 13:4

Mɔgɛ bɛɛ ni furi gbiliya. Keinubɛ musinu ni telen anu nyɔgɔn ye dɛɛ, ado Alla si sɔn-yogoma-tiginu anubɛ yɛlannu kiti.

1 Pita 4:3

ado wo ara wati min kɛ fɔlɔ-nun Alla-batobɛlɛnuta koenu kɛ tinɛ, wo ara a bɔ. Nyɛrɛ-latinya-koe wo, nata wo, gbɛɛ-minyɛ wo, kisimiriya-koe wo, yabatoyɛ wo, bɛsi-kɔ-koe wo, wo ya wola siyi duni wonu denu kɛ tinɛ nun.

Lankɛnimayɛ 21:27

Kɔnɔ fen-kɔsɔni wo fenfen ti don soe wo burɔ. Mɔgɛ min si kisimiriya-koe kɛ, wonu ti don soe wo burɔ mumɛ! Hali foninya-fɔlɛnu ti don. Fɔ minnu tɔgɛ sɛbɛnɛ saga-danta nimaya-buku rɔ, wonu denu dɔrɔn si don soe wo burɔ.

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.