Kalesiya 5:14 - ALLALA KUMƐ

¹⁴ ado tɔn bɛɛ kuri le tɔn kelan kɛ la ko, “I ni i sigi-nyɔgɛ keni iko i nyɛrɛ.”

Kalesiya 5:14 ပူးပေါင်းရင်းမြစ်များ

Saraka-Masɔlɛnuta Tɔnnu 19:18

Ni mɔgɛ do ya ko-yogomɛ ma i la, i kana i tayili sara a la. I kana ala ko sigi i burɔ. Kɔnɔ yanni mɔgɛ ni wo sufa ma, a ni a ta-nyɔgɛ keni iko a nyɛrɛ. Nde, wota Mari Alla ya kɛ le fɔ wo ye.

Saraka-Masɔlɛnuta Tɔnnu 19:34

Wo ni anu bira iko wo ye wo nyɔgɔn birala nya min. Wo ni anu keni iko wo nyɛrɛ. Wo ni a lɔn yati, ko wole fanan bi sundanyɛ la Iyipiti nyamanɛ rɔ nun. Nde, wota Mari Alla ya kɛ le fɔ wo ye.

Matiyu 7:12

“Alla ya tɔn min di Nɛbi Musa ma anubɛ nɛbinuta karan, wo kɔrɛ le kɛ la ko, ‘Wo ye a fɛ, mɔgɛ donu ni min ma wo ye, wole fanan ni wo ma anu ye.’

Maraka 12:31

A fila nyɔgɛ min tugunnɛ wo la, wo le kɛ la ko, ‘I ni i sigi-nyɔgɛ keni iko i nyɛrɛ.’ Tɔn-gbɛrɛkɛ sa min kolo tɔn kɛnu ko.”

Maraka 12:33

Woletɔ mɔgɛ ni Alla keni a yisi bɛɛ la, a hɛnkili bɛɛ la, anubɛ a sɛnbɛ bɛɛ la. I ni i sigi-nyɔgɛ keni iko i nyɛrɛ, ado yanni mɔgɛ ni na sogenu na ka anu mintan saraka-bɔ-tinɛ kuma anubɛ ka saraka-gbɛrɛnu di Alla ma, a fisa, mɔgɛ ni tɔn filɛ kɛnu bira.”

Yɔni 13:34

“N bara tɔn-kurɛ di wo ma ko wo ni wo nyɔgɔn keni. Wo ni wo nyɔgɔn keni iko n bara wo keni nya min.

Kalesiya 1:6

N kawanɛ wole Kalesiya kɛnu ma! Wo ara Allata kilɛ boloka tiriya, ado ale le ya wo yabɔ ata hinɛ fɛ kɔnɔ wole lara ko-gbɛrɛkɛ la, anu bi min kelela ko kibara-nyimɛ.

Kalesiya 6:2

Wo wa wo nyɔgɔnna dunɛ bi tumɛ min, wo ara Kirasitita tɔn le bira worɔ.

1 Timoti 1:5

Min ya a ma, n bi kɛ fɔla alako keninteya-bɛrɛ ni sabati wo yisi rɔ. Wo ye bɔla yisi-sɛnimɛ anubɛ sɔndɔma-nyimɛ anubɛ dɛnkɛninya-bɛrɛ le tɔ.