Kalesiya 5:11 - ALLALA KUMƐ

¹¹ N na-kelen-nyɔgɛnu, wo ni nta tɔrɔyɛ mafɛlɛn. N sa kawandili bɔla ko fɔ mɔgɛnu ni kemininya kɔnɔ ha bi, anu bi n tɔrɔla. N bi Kirasiti faga-koe min kawandili bɔla, ni n ya kemininya-koe sa wo kuma nun, wo ti Yahudiyanu tɔrɔ.

Kalesiya 5:11 ပူးပေါင်းရင်းမြစ်များ

Aiseya 8:14

Ka a tɛgɛ ata sɛninya-makawanɛ ma, a ko ale si ma kuri la, mɔgɛnu si anu kian latugu min na. A ko a si ma gbɛrɛ fanan na min si Yuda anubɛ Isirɛla anubɛ Yerusalɛm kɛnu bira.

Kɛwɔlɛnu 16:3

A sɔgɛ ya Pɔli bira ka ta Timoti la a bolo. A ya a lakemininya ka a tɛgɛ Yahudiya min bɛɛ siginɛ kan tinɛ wonu tɔ. Wonu ya a lɔn ko Timoti fa, Kiriki le minnu ti anuna dannu nakemininya.

Kɛwɔlɛnu 21:21

A fɔra anu ye nun ko Yahudiya min bɛɛ siginɛ sibolo-gbɛrɛnuna nyamanɛnu tɔ ko i ye wonu karanna ko hali anu ma Musata tɔn bira. Anu ya a lamɔɛn ko anu kana anuna dannu nakemininya anubɛ anu kana Yahudiyanuna namunyɛ bira.

Kɛwɔlɛnu 21:28

Anu ya a lasɔnkɔ ko, “Isirɛla mɔgɛnu! Wo ni ma dɛnbɛ! Kei kɛ le ye tala dinkirɛ bɛɛ. A ye mɔgɛ bɛɛ karanna Isirɛla mɔgɛnu kan ma anubɛ Musata tɔn kan ma anubɛ Alla-Bato-Bɔn kɛ kan ma. Nba kaka, a ara na sibolo-gbɛrɛnu na Alla-Bato-Bɔn la ka kan-tina-sɛnimɛ kɛ latinya!” (

1 Kɔrɛnti 1:18

Minnu bi nala halakila, yuwaya-kumɛ le Kirasiti faga-koe la kɔlɔma ma wonu yala. Kɔnɔ male minnu bi nala kisila, Allata sɛnbɛ mayiranɛ le wo la male yala,

1 Kɔrɛnti 1:23

Kɔnɔ Kirasiti gbangban-koe kɔlɔma ma, male ye wo le dɔrɔn fɔ tinɛ. Yahudiyanuna tanama-koe le wo la. Yuwaya-koe le wo la sibolo-gbɛrɛ wonu yala.

1 Kɔrɛnti 15:30

Nba, male don? Ni furinu na ti wuli, nfenna worɔ, tuma-wo-tuma, ma ye ma nyɛrɛ donna gbalo kɛ kɔrɔ wola ko la?

Kalesiya 2:3

N ta-nyɔgɛ Taita, Kiriki le wo la kɔnɔ hali wo, chɔchi-kunyɛnu ma a fɔrɔsɛ kemininya-koe ma anuna tɔn fɛ.

Kalesiya 3:1

Wole Kalesiya kɛnu, kuntan le wole la! Nfen bara don wo rɔ? Yisa Kirasiti fagara kɔlɔma ma nya min, n bara wo labɔ gbɛ ma wo ye feu!

Kalesiya 4:29

Wo wati rɔ, dan min ma sɔrɔn iko Allata lanyiri-latɛgɛnɛ ye nya min, a sɔrɔnta hadama-danta kilɛ le fɛ. Wo ya a lagbɛlɛya dan doi wo kuma min sɔrɔnta Allata Ni-Sɛnimɛ baraka rɔ, ado ha bi, a ye wo nya na le.

Kalesiya 6:12

Minnu bi a fɛ ka wo fɔrɔsɛ alako wo ni kemininya, wonu bi anu nyɛrɛ-matɔgɔ-koenu denu tɔ. Anu sa a fɛ, anu ni tɔrɔyɛ sɔrɔn Kirasiti-faga-kawandili dɔrɔn fɔɛla ko la.

Kalesiya 6:17

A laban, bosa-pɛrɛ minnu bi n fɛrɛ ma, wonu bi a yirala ko Yisala yɔɔn le nde la. Woletɔ mɔgɔ-wo-mɔgɔ kana n tɔrɔ tun.