Kalesiya 4:3 - ALLALA KUMƐ

³ Male fanan, yanni ma ni koloya tumɛ min, ma taranta yɔɔnyɛ rɔ wo nya na duninya-nyina-kun-tiginu kɔrɔ.

Kalesiya 4:3 ပူးပေါင်းရင်းမြစ်များ

Matiyu 11:28

“Min bɛɛ ara bandan ala dunu-gbilimɛ kɔrɔ, wo ni na nde wara. N si sulen di wo tigi ma.

Yɔni 8:31

Wo kɔma, Yahudiya minnu dɛnkɛninyara a ma, Yisa kumara wonu ye. A ko, “Ni wo ya nna karan bira, nna karan-den-bɛrɛ le wole la.

Kɛwɔlɛnu 15:10

Nfenna worɔ, wo ye a fɛ ka Alla ladiminya ka dunɛ sa dɛnkɛninya-mɔgɛ kɛnu kuma? Ado nfan, mabɛ ma benbanu ma ke dunɛ wo dununa.

Romu 7:14

Ma ya a lɔn ko Alla le ya tɔn-kitabu di n ma kɔnɔ mɔgɔni-gbuyi le nde la. A manɛ iko n bi yɔɔnyɛ la hakɛ bolo.

Romu 8:15

Wo ti wo ma yɔɔn la min si a ma, wo kuma ni kɔ kɔnɔ a ara wo ma a diyana-dannu na. Nba, Allata Ni-Sɛnimɛ baraka rɔ, ma ye dila Alla tole tɔ ko, “N Fa! N Fa!”

2 Kɔrɛnti 11:20

Ni mɔgɛ ya wo bira ka wo ma iko yɔɔn ka wo bolo labira ka wo kensunya ka yoo wo ma ka wo dɛ ratii, wo si wo munyu mɔgɔ-su wo kɔrɔ.

Kalesiya 2:4

Nba, mɔgɛ donu bara anu nyɛrɛ ma na kelannu na ka kofu ma ma ladɛn wo kuma. Mɔgɛ wonu donta ma kuma iko ko-lakɔrɔsilɛnu alako hɔrɔyɛ min bi ma bolo Yisa Kirasiti rɔ, anu ni wo bi ma bolo. Wonu bi nyinina a ma, ko ma ni ma yɔɔn la anuna tɔn kɔrɔ.

Kalesiya 3:19

Nba, Nɛbi Musata tɔn-kitabu dira nfenna worɔ? A kofura lanyiri ma le alako ka mala ko-yogomɛnu nabɔ gbɛ ma, ado tɔn-kitabu wo ni to ha lanyiri kirita Iburayima bɔnsɔn minna ko la, wo ni na tumɛ min. Alla ya ata tɔn-kitabu di melikanu ma alako anu ni a don Nɛbi Musa bolo. Ale le ya a latenbi mɔgɛnu ma.

Kalesiya 4:2

A dennɛ tumɛ min, a makololɛnu si to a fɛ-birala ha a fala wati-latɛgɛnɛ ni ke ala ko la.

Kalesiya 4:24

Koe kɛnu manɛ misalɛ la. Allata tamasere sarama-kan le musu filɛ wonu na Alla sarata minnu ma anubɛ ala mɔgɛnu tɛma. Alla ya sarama-kan min kiri Sinayi kɔnkɛ kuma, Hega le nyɛrɛ ye sarama-kan wo misalɛ la. Wola dan bɛɛ sɔrɔnnɛ yɔɔnyɛ le tɔ.

Kalesiya 4:25

Hega le Sinayi kɔnkɛ misalɛ la. Kɔnkɛ wo ye Arebiya nyamanɛ le tɔ. Kɔnkɛ wonubɛ Yerusalɛm soe min bi duninya kɛ rɔ, misali kelen de wonu na. Wonubɛ nyɔ-mɔgɛnu bi yɔɔnyɛ rɔ.

Kalesiya 4:31

Woletɔ n na-kelen-nyɔgɛnu, yɔɔn-musila den ma male la fɔ hɔrɔ-musi.

Kalesiya 4:8

Yanni wole sibolo-gbɛrɛ ni ma Allatɛ la tumɛ min, wo taranta yɔɔnyɛ la wonu sɛnbɛ kɔrɔ, Alla ma minnu na.

Kalesiya 4:9

Nba kaka, wo ya Alla lɔn, ado min fisa, n ni a fɔ ko Alla ya wole le lɔn ata dannu na. Nfenna worɔ, wo ye a fɛ ka sɛgi nyina-sɛnbɛbɔnɔ-fuyi wonu ma tun? Nfenna wo ye a fɛ ka ma wonuna yɔɔn la tun?

Kɔlɔsi 2:20

Wobɛ Kirasiti ara faga wo nyɔgɔn fɛ worɔ. Ale ya wo hɔrɔya ka wo bɔ nyina-kun-tiginu fanka kɔrɔ duninya kɛ rɔ. Nfenna worɔ, wo ye ko ladanna iko duninya kɛtɛ le wole la? Nfenna wo ye tɔn kɛ sufanu birala? Wo ye a fɔla ko—

Kɔlɔsi 2:8

Wo ni a ma wo fɛrɛma. Mɔgɔ-wo-mɔgɔ kana wo yanfa anuta kun-takolonya-karan fɛ ha wo ni ma yɔɔn la. Karan wo bɔnɛ mɔgɔya-kɛ-nya anubɛ duninya-nyina-kun-tiginu de tɔ. Yanfɛ wo sa bɔla Kirasiti bolo muk,

Hiburunu 5:12

A bɛnta, wo ni ma karan-mɔgɛnu na kɔnɔ ha kaka, wole bɛrɛn makoe ye karan-mɔgɔ la. Ha bi, wo makoe ye Allala kumɛ dabira koenu na. Wo ti ke dɔn-fen-bɛrɛ dɔnna fɔ ka to wo susunna dɛɛ,

Hiburunu 7:16

A ma ma saraka-masɔlɛ la hadama-danta tɔn fɛ min ko a ni bɔ bɔnsɔn do rɔ. A mara saraka-masɔlɛ la ka a tɛgɛ ata habadan-nimayɛ ma.