Kalesiya 4:27 - ALLALA KUMƐ

²⁷ A sɛbɛnɛ Allala kitabu rɔ ko, “Musu-gbandɛ, i ni sewa! Kaka, ile min ma den-sɔrɔn-dumɛ lɔn, i ni i kuli mayɛlɛ ka nyagalen-sigi sa. Bawo musu-bolokani-kɔrɛ, wo si yiri ka tenbi musi bɛɛ la.”

Kalesiya 4:27 ပူးပေါင်းရင်းမြစ်များ

2 Samuwɛli 13:20

A kɔrɔ Abasalɔm ya a dimatoe yen min kɛ, a ya a fɔ a ye ko, “Aminɔ le wara i layarabi, wa?” A dɔgɔ-musi ya a fɔ a ye ko, “Ɔn.” A ya a fɔ a dɔgɔ-musi wo ye ko, “Hali i yisi ma tinya ka a dan-natenbi. I kana kɛ fɔ mɔgɔ-wo-mɔgɔ ye bawo i kɔrɔ le.” Tema yisi-magboyanɛ siginɛ tora a kɔrɔ Abasalɔm warɛ bɔn la.

Yaburi 113:9

Den sa musi min bolo, a si gbiliyɛ di wo ma kei-wara-sigi bɔn la ka dannu sɔrɔn. Wo si ma na sewanɛ la. N si Mari tanto!

Aiseya 49:21

Nba ile Yerusalɛm, i si a fɔ i nyɛrɛ ma ko, “Yon ya den-siyamɛ kɛ bɛɛ sɔrɔn n ye?” I si a fɔ ko i wara foo ila dan bɛɛ la ko i ti den-gbɛrɛ sɔrɔn tun. I ko anu bara i gben ka i to biralɛ rɔ kɔnɔ yon ya dan kɛ damasi labɔ a rɔ i ye? I si a fɔ tun ko i bolokanɛ tora min kɛ, dan kɛ bɛɛ bɔra mintɔ gbɛ?

Kalesiya 4:19

Kɔnɔ n diyana-dannu, n bi dumɛ rɔ wola ko la iko musu buyi wa a lamaga, ado a si to wo nya na ha wo sɔn ni ma iko Kirasititɛ.

1 Timoti 5:5

Kɛɛ-musi min kun makolɔn, wo si a yigi sa Alla kuma fasai! A si to Alla matarala ata dɛnbɛnɛla ko la su-ni-tele.

1 Samuwɛli 2:5

Mɔgɛ min sako sanɛ dɔn-fan rɔ nun, kaka wonu denu bi wɔli-wo-wɔli kɛla. Kɔnɔ kɔnkɔto-kɔrɛnu, kɔnkɛ ara bɔ wonu na feu! Gbandɛ ara den mɔgɔ wɔrɔnfila sɔrɔn. Kɔnɔ dan siya min bolo nun, wo ye yisi-kɔrɔtɛ rɔ.