Kalesiya 4:26 - ALLALA KUMƐ

²⁶ Kɔnɔ Yerusalɛm min bi Arinyɛni tɔ, misalɛ wo le hɔrɔ-musi la, ma na Sira, kɔni.

Kalesiya 4:26 ပူးပေါင်းရင်းမြစ်များ

Aiseya 50:1

Mari ko i miri ko a ara a ban wole, ata mɔgɛnu na iko mɔgɛ si a ban ala musi la nya min? Ni tonyɛ le wo la, boloka-kɛdi wo ye mintɔ? A ko i miri ko a ara anu mayira iko yɔɔn ka anu ma yili-sarɛ la? Ade, anu hakɛ le ya a ma, Mari ya a ban anu na iko mɔgɛ wa a ban ala musi la. Ni i ya a yen wo mara bawo ile fɔlɔn bara to i kan-kɔ sɔla a la.

Aiseya 52:9

Ile Yerusalɛm so-makeri-kerinɛ, i ni a lasɔnkɔ sewɛ bolo. Mari si Yerusalɛm kunyɛ bɔ gbaran rɔ, a nyɛrɛta soe, kɔni ka ala mɔgɛnu to lafɛrɛ rɔ.

Aiseya 65:18

Ka a tɛgɛ ko-kurɛ wonu ma, ala mɔgɛnu si to sewala. A si Yerusalɛm ladan alako a la ni fa sewɛ la. A si a ma, ala mɔgɛnu fanan ni sewa.

Aiseya 66:10

Ile Yerusalɛm, i ni sewa. Nyɔ di wole min ye, wo ni nyagalen. Wole min donu yisi-magboyanɛ Yerusalɛm wara-koe la nun, wo ni sewa ala ko la gbɛ!

Hoseya 2:2

Nna dannu, wo ni wo na makawandi bawo nna musu ma a la tun, ado ala kei ma n na tun. Wo ni wo na madiya alako a ni fara kei-gbɛrɛ-makiyi anubɛ yɛlɛnyɛ la.

Hoseya 4:5

Wo ye buila hakɛ rɔ su-ni-tele, ado wole, nɛbinu ma tenbi wo la nya-wo-nya. N si wole, Isirɛla mɔgɛnu nato.

Yowɛli 3:17

A ko wole, Isirɛla mɔgɛnu si a lɔn wati wo rɔ ko wota Mari Alla le ale la. A ko ale le ye a mayigila ata kɔnkɔ-sɛnimɛ kuma. A ko Yerusalɛm soe si ma so-sɛnimɛ la. Sibolo-gbɛrɛnu ti nɔ-ko sɔrɔn a ma tun!

Yɔni 8:36

Ni nde, Allala dan ya wo hɔrɔya, wo si hɔrɔya feufeu!

Romu 6:14

ado nɔ-wo-nɔ sa hakɛ bolo wo kuma tun bawo wo sa Nɛbi Musata tɔnnu kɔrɔ tun fɔ Allata hinɛ.

Romu 6:18

Nba, wo ara hɔrɔya hakɛ ma ka ma yɔɔn la telenbagayɛ ye.

Kalesiya 4:22

A ko Iburayima ya den-kei fila sɔrɔn. Yɔɔn-musi ya kelen sɔrɔn a ye, hɔrɔ-musi ya kelen fanan sɔrɔn a ye.

Kalesiya 4:25

Hega le Sinayi kɔnkɛ misalɛ la. Kɔnkɛ wo ye Arebiya nyamanɛ le tɔ. Kɔnkɛ wonubɛ Yerusalɛm soe min bi duninya kɛ rɔ, misali kelen de wonu na. Wonubɛ nyɔ-mɔgɛnu bi yɔɔnyɛ rɔ.

Kalesiya 5:1

Kirasiti ara ma hɔrɔya feu! Wo ara hɔrɔya min kɛ, wo ni wola hɔrɔyɛ bira gben! Wo kana sɔn ko Nɛbi Musata tɔn-kitabu ni wo ma yɔɔn la tun!

Filipai 3:20

Kɔnɔ Arinyɛnitɔ-duguran le male la. Ma ye gbaranna mala kisilɛ Mari Yisa, Allata-Mɔgɔ-Yabɔnɛ la ko a ni na ka bɔ Arinyɛni tɔ.

Hiburunu 12:22

Kɔnɔ wole ara ke Sayɔn kɔnkɛ min ma, Mansa Dawudata kɔnkɛ le wo la anubɛ Alla-nimɛta soe, Yerusalɛm min bi Arinyɛni tɔ, kɔni. Allata melika waga siyamɛ minnu nadɛnnɛ nyɔ, sewɛ ye wonu yisi rɔ.

1 Pita 2:16

Mɔgɔ-hɔrɔyanɛ le wole la kɔnɔ wo kana wola ko-yogomɛnu dogon wola hɔrɔyɛ fɛ. Wo ni ma yɔɔnnu na Alla ye.

Lankɛnimayɛ 12:1

Wo kɔma, kabana-ko-gbɛrɛ bɔra Arinyɛni tɔ. Musi do bɔra gbɛ rɔ nyɔ min fɛrɛya bɔnɛ tele la. Karɛ ye a kin kɔrɔ. Lolo tan-ni-fila mara mansaya-fulɛ la a kunyɛ la.

Lankɛnimayɛ 17:5

Tɔgɛ do sɛbɛnɛ ale musi wo telɛ ma min nya-yen-koe gbɛlɛ. A sɛbɛnɛ a ma ko, “Yɛlan bɛɛ anubɛ dugu-kolo-haramu-koe na le Babilɔn so-wɛ la.”

Lankɛnimayɛ 21:2

Nba, n ya Yerusalɛm-So-Sɛnima-kurɛ yen yigila ka bɔ Arinyɛni tɔ Alla bolo. Soe wo makirinɛ, ado a rabɛnnɛ iko kɔɛn-kurɛ rabɛnnɛ nya min ala keila ko la.

Lankɛnimayɛ 3:12

Minnu ba nɔlɛ kɛ, n si wonu ma sɛnbɛrɛn-kɔn la n fa Alla-Bato-Bɔn la. Anu ti bɔ nyɔ mumɛ! N si n fa Alla tɔgɛ anubɛ ata so-kurɛ tɔgɛ sɛbɛ anu ma, Yerusalɛm so kurɛ, kɔni. Soe wo si yigi ka bɔ Arinyɛni tɔ nta Alla bolo. N si n nyɛrɛ tɔgɔ-kurɛ fanan sɛbɛ anu ma.