Kalesiya 4:12 - ALLALA KUMƐ

¹² N na-kelen-nyɔgɛnu, n bi wo madiyala, wo ni ma iko nde ye nya min. N hɔrɔyanɛ koe kɛnuna ko la, ado nde ya n taya ka ma iko wole sibolo-gbɛrɛnu bi nya min. N hɔrɔyanɛ tɔn wara-koe ma.

Kalesiya 4:12 ပူးပေါင်းရင်းမြစ်များ

Ko-Dabirɛnu 34:15

Anu ko, “Ko kelen pe wo le si a ma, ma ni sɔn wola furu-koe kɛ ma, ni kei bɛɛ kemininyara iko male.

1 Mansɛnu 22:4

Mansa Ehabu ya Mansa Yɛhosafati manyinika, a ko, “I si kofu ma ma, wa? Ma ni ta Ramɔti kɛnu kɛlɛ?” Mansa Yɛhosafati ya a fɔ a ye ko, “I wulita tuma-wo-tuma, n bi i fɛ. I halalɛ le nna kɛlɛ-dannu anubɛ nna soeenu na.

Kɛwɔlɛnu 21:21

A fɔra anu ye nun ko Yahudiya min bɛɛ siginɛ sibolo-gbɛrɛnuna nyamanɛnu tɔ ko i ye wonu karanna ko hali anu ma Musata tɔn bira. Anu ya a lamɔɛn ko anu kana anuna dannu nakemininya anubɛ anu kana Yahudiyanuna namunyɛ bira.

2 Kɔrɛnti 2:5

Nba, ale min ya tɔrɔyɛ kɛ bɛɛ lana wo tɛma, a ya wola chɔchi mumɛ tɔrɔya ka tenbi a ya nde tɔrɔ nya min. N ya wo fɔ min kɛ, n sa a makawala.

2 Kɔrɛnti 6:11

Wole n diyana-mɔgɛ minnu bi Kɔrɛnti soe burɔ, ma wa a fɔ ko ma burɛ lakanɛ wo ye, tonyɛ le wo la!

2 Kɔrɛnti 6:13

N bi kumala wo ye kaka iko nna dannu. Ma ara wo keni nya min, wo fanan ni wo nyɔgɔn keninteyɛ yira ma la. Wo ni wo sɔndɔmɛ lagbɛ ma ye bɛrɛkɛ!

Kalesiya 2:14

N ya a yen tumɛ min ko anu sa ko-telennɛ kɛla iko kibara-nyimɛ ya a fɔ nya min. N ya a fɔ Pita ye anu dama yala ko, “Yahudiya le ile la kɔnɔ i sɔnta nun ka ma iko sibolo-gbɛrɛ. Nfenna worɔ, i si sibolo-gbɛrɛnu fɔrɔsɛ alako anu ni ma iko Yahudiyanu?”

Kalesiya 4:11

ado n hɔnnɛ wo kuma kati! N bara wɔlɛ min bɛɛ kɛ wo ye, wonu kana to fu!

Kalesiya 4:13

N ya kawandili bɔ wo ye a fɔlɔtɛ rɔ, wo ma ko-yogoma ma n na nun. Wo ya a lɔn ko nna kirayɛ le ya a ma, n tara wo tɛma.

Kalesiya 6:14

Kɔnɔ nde si n kɔgɔ raka ma Mari Yisa, Allata-Mɔgɔ-Yabɔnɛ faga-kɔlɔma dɔrɔn dela ko la. Ka a tɛgɛ ata fagɛ kɔlɔma ma, nde faganɛ duninya rɔ, duninya fanan faganɛ nde rɔ.

Kalesiya 6:18

Nba, n na-kelen-nyɔgɛnu, ma Mari Yisa, Allata-Mɔgɔ-Yabɔnɛta hinɛ ni to wo dama fɛ. Amina.