Kalesiya 3:9 - ALLALA KUMƐ

⁹ Iburayima dɛnkɛninyara min kɛ, a ya Allata duwɛ sɔrɔn. Woletɔ min bɛɛ dɛnkɛninyanɛ, wonu bi duwɛ sɔrɔnna le iko ale.

Kalesiya 3:9 ပူးပေါင်းရင်းမြစ်များ

Ko-Dabirɛnu 24:1

Mari tora ata duwɛ yigila Iburayima kuma koe bɛɛ rɔ ha a kɔrɔyara kɔbɔkɔbɔ!

Romu 4:11

Iburayima telenta Alla yala ka a tɛgɛ ata dɛnkɛninyɛ ma. Wo kɔma, a kemininyara alako ala kemininyɛ ni ma koe kɛnu tamasere la. Woletɔ minnu bara dɛnkɛninya Alla ma, Iburayima mara wonu bɛɛsi benba la. Alla ara wonu lɔn mɔgɔ-latelennɛ la, hali anu kemininyabɛlɛ.

Romu 4:16

Alla ya lanyiri min kiri, mɔgɛ si wo tɔnɛ sɔrɔn dɛnkɛninyɛ fɛ. Wo mara le alako lanyiri wo ni ma di-ma-le la. Lanyiri wo kirita Iburayima anubɛ a bɔnsɔnnu ye kɔnɔ a sa tɔn-biralɛnu dɔrɔn ye. Minnu bara dɛnkɛninya Alla ma iko Iburayima ya a ma nya min, a ye wonu fanan ye, ado ma dama benba le Iburayima la dɛnkɛninyɛ fɛ.

Romu 4:24

Anu sɛbɛnɛ male fananna ko la. Alla ya male yatɛ mɔgɔ-latelennɛnu na bawo ma ara dɛnkɛninya Alla ma, min ya ma Mari Yisa lawuli ka a bɔ furinu tɛma, kɔni.

Kalesiya 3:14

Wo bɛɛ mara le alako male fanan ni Allata Ni-Sɛnimɛ sɔrɔn dɛnkɛninyɛ fɛ iko Alla ya lanyiri kiri ma ye nya min nun. Alla ya lanyiri min kiri Iburayima ye, sibolo-gbɛrɛnu fanan ni lanyiri kelan wo sɔrɔn ka a tɛgɛ Yisa Kirasiti ya min ma ma ye.

Kalesiya 3:29

Ni Kirasititɛ le wole la, Iburayima bɔnsɔn le wole la worɔ, ado Alla ara lanyiri kiri Iburayima ye min na, wo si wotɛ sɔrɔn lanyiri wo rɔ.

Kalesiya 4:28

Nba, n na-kelen-nyɔgɛnu, iko Sirata den Isiyaka ya Allata sarama-kan dafa nya min, wole mara Allata dan la ka ata sarama-kan wo dafa wo nya na le.