Kalesiya 3:19 - ALLALA KUMƐ

¹⁹ Nba, Nɛbi Musata tɔn-kitabu dira nfenna worɔ? A kofura lanyiri ma le alako ka mala ko-yogomɛnu nabɔ gbɛ ma, ado tɔn-kitabu wo ni to ha lanyiri kirita Iburayima bɔnsɔn minna ko la, wo ni na tumɛ min. Alla ya ata tɔn-kitabu di melikanu ma alako anu ni a don Nɛbi Musa bolo. Ale le ya a latenbi mɔgɛnu ma.

Kalesiya 3:19 ပူးပေါင်းရင်းမြစ်များ

Yaburi 106:23

A fɔɛ Alla bolo ko a ye ala mɔgɛnu kasarala, ata wɔli-kɛla-yabɔnɛ Musa ya a sɔ Allata mɔgɛ wonuna ko la gben! A ya anu kanan Allata fondo-bɔɛ ma.

Saraka-Masɔlɛnuta Tɔnnu 15:32

Wo tɔn le kɛnu na keinu kuma ka a tɛgɛ kirayɛ bɔ-koe ma a yatelenmɛ rɔ anubɛ a keiya-yi bɔ-koe.

Luka 16:31

Kɔnɔ Iburayima ko, ‘Ni anu ti anu tole masɔ Nɛbi Musa anubɛ nɛbi doinu na, hali ni mɔgɛ do wulita ka bɔ furinu tɛma ka ta anu makawandi, anu ti la a la.’ ”

Yɔni 1:17

Alla ya tɔn don Nɛbi Musa bolo kɔnɔ hinɛ anubɛ tonyɛ, ale Yisa Kirasiti le nara wonu na.

Yɔni 15:22

Ni n ma kuma anu ye nun, anu ti yiliki hakɛla ko la nun. Kɔnɔ kaka, masigima-ko-fɔ sa anu bolo tun ka a tɛgɛ anuna hakɛ ma.

Kɛwɔlɛnu 7:38

Isirɛla mɔgɛ minnu nadɛnta wulɛ rɔ, ale Musa taranta wonu fɛ nun. Melika min kumara a ye Sinayi kɔnkɛ kuma wo, ale Musa ya kumɛ wo latenbi ma benbanu ma. Allala kumɛ min si niyi di mɔgɛ ma, ale Musa ya wo sɔrɔn nyɔ ka wonu natenbi ma ma.

Kɛwɔlɛnu 7:53

Wole le ya Allala tɔn sɔrɔn melikanu bolo. Kɔnɔ hali wo, wo ma sɔn a birala!”

Romu 2:13

Ka tɔn-kitabu wara-koe lamɔɛn dɔrɔn, wo ti mɔgɔ latelen Alla ye. Kɔnɔ ka ata tɔn-kitabu bira, wo le si mɔgɔ latelen Alla ya la.

Romu 4:15

Nɛbi Musata tɔn-kitabu wara-koe ara a ma, Allala diminyɛ ara yigi ma kan ma. Kɔnɔ Allata tɔn-kitabu sa kan min, tɔn-tinyɛ sa nyɔ hali!

Kalesiya 3:16

Nba, Alla ara lanyiri kiri Iburayima anubɛ a bɔnsɔn do ye, ado a ma sɛbɛ ko lanyiri wo kirinɛ a bɔnsɔn bɛɛ le ye fɔ mɔgɔ kelen pe, Kirasiti, kɔni.

Tɔn-Fɔɛ-Fila-Nyɔgɛ 33:2

A ya a fɔ ko, “Mari ya a nyɛrɛ yira ma la Sinayi kɔnkɛ kuma. A bɔra gbɛ rɔ ma ye iko sun-tele-tiyi Idɔm nyamanɛ rɔ, Sira kɔnkɛ ye kan min. A ya waan raka ma ma Paran kɔnkɛ dafɛ. Mari nara melika waga tan tɛma. Ta-mɛlan ye dugula wara la.

Tɔn-Fɔɛ-Fila-Nyɔgɛ 5:5

Wo wati rɔ, n sɔnɛ wole anubɛ Mari tɛma ka a kuman-kan latenbi wole ma bawo wo ye kilanna tɛ la, woletɔ wo ma sɔn ka yɛlɛ kɔnkɛ kuma. “Mari ya a fɔ ko

Hiburunu 2:2

Alla ya tɔn minnu di ma benbanu ma melikanu baraka rɔ, wonu gbɛlɛ ma kuma, ado minnu ma tagama iko tɔn wo ya a fɔ nya min, a bɛnta, a ni tɔrɔyɛ min nyɔgɛ sɔrɔn, a si wo sɔrɔn.

Hiburunu 2:5

N bi kɛ-nya-kurɛ-su min ma, Alla ma wo ladon melikanuna kun-tigiyɛ kɔrɔ.