Kalesiya 3:17 - ALLALA KUMƐ

¹⁷ N bi min ma, wo le kɛ la. Alla ya lanyiri min kiri Iburayima ye, a ara wo kanbali. Nba, Nɛbi Musata tɔn-kitabu nara san kɛmɛ nani ani san bi-sawa (430) lanyiri wo kɔma. Tɔn wonu ti ke Allala lanyiri wo tinyana ka a ma fuyi la.

Kalesiya 3:17 ပူးပေါင်းရင်းမြစ်များ

Ko-Dabirɛnu 15:13

Mari ya a fɔ Burama ye kiyo rɔ ko, “I ni a lɔn serr ko i bɔnsɔnnu si ma sundan la nyamani-gbɛrɛ rɔ. Anu si ma yɔɔnnu na ka wɔli nyamanita-mɔgɛ wonu ye. Mɔgɛ wonu si anu tɔrɔ san kɛmɛ nani kɔrɔ.

Ko-Dabirɛnu 15:18

Tamasere le wo la Mari ya lanyiri min kiri anubɛ Burama tɛma tele wo nyɛrɛ rɔ ko, “N bara nyamanɛ kɛ di i bɔnsɔn ma. Kenanuna nyamanɛ anubɛ Kɛnasinuna nyamanɛ anubɛ Kadimɔnanuna nyamanɛ anubɛ Hɛtinuna nyamanɛ, anubɛ Perasanuna nyamanɛ anubɛ mɔgɔ-layan-bɛnuta nyamanɛ anubɛ Amoranuna nyamanɛ anubɛ Kenannuna nyamanɛ anubɛ Kagasanuna nyamanɛ anubɛ Yebusinuna nyamanɛ, ka a dabira Iyipiti bɛ ma ha ka ta ke Yufereti bɛ ma, n si wo bɛɛsi latenbi ile bɔnsɔnnu ma.”

Ko-Dabirɛnu 17:19

Alla ya a yabi ko, “N bara i kan lamɔɛn Sumanyilala ko la. Nta duwɛ si to ale kuma. Bɔnsɔn tan-ni-fila si bɔ ale rɔ. N si a bɔnsɔn wonu nasiyaya bɛrɛkɛ! Kɔnɔ ila musi Sira si den-kei sɔrɔn yati! I si a tɔgɔ sa Isiyaka. N si nta lanyiri latɔnbagaya ala dan wo ye ka a ma habadan-lanyiri la ale anubɛ a bɔnsɔnnu ye. Kɛ nyɔgɔn tumɛ yari, Sira si dan kɛ sɔrɔn i ye.”

Yobu 40:8

I ye a fɔla ko nna koenu ma telen, wa? A sɔgɛ ye i la, ile ni yo sɔrɔn nde ma?

Yaburi 33:10

Mari ya sibolo-gbɛrɛnuna miriya-yogenu tinya. A ya a ma, anuna miriya-yogenu tora anu burɔ.

Aiseya 14:27

Ale Mari Sɛnbɛ-Bɛɛ-Tigi ara ban kɛ latɛgɛla. A ara a kɔɛn kɔrɔbi duninya mumɛ tɔrɔ-koe la, ado mɔgɔ-wo-mɔgɔ ti ke a lakalala wo ma.

Aiseya 28:18

Wobɛ sayɛ ya sarama-kan min kiri wo nyɔgɔn tɛma, a ko a ara wo tinya pɔ! Wobɛ lakira ya sarama-kan min kiri, a ko a ya tɔn sigi wo la. Kasarɛ wa yigi wo kuma, a si wo ratɛntɛn dugu la.

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Yɔni 1:17

Alla ya tɔn don Nɛbi Musa bolo kɔnɔ hinɛ anubɛ tonyɛ, ale Yisa Kirasiti le nara wonu na.

Kɛwɔlɛnu 7:6

Alla ya kɛ le fɔ a ye, a ko, ‘I bɔnsɔnnu si ma sundannu na nyamani-gbɛrɛnu tɔ. Anu si to yɔɔnyɛ rɔ nyɔ. Mɔgɛnu si anu bira boloko-yogomɛ-kɛ san kɛmɛ nani kɔrɔ (400).’

Romu 3:25

Alla ya ale Yisa ma hakɛ-sarakɛ la alako a ni mɔgɛnuna hakɛ makoto ata sayɛ fɛ. Min ba dɛnkɛninya wo ma, wo tigi la si telen Alla yala worɔ. Fɔlɔ-nun, Alla ya a mun mɔgɛnuna hakɛ kɔrɔ

Romu 3:3

Kɔnɔ Yahudiyanubɛ Alla ya sarama-kan min kiri, ni Yahudiyanu bara anutɛ tinya, wo ti a ma, Alla ni atɛ tinya, wa?

1 Kɔrɛnti 1:12

N bi min ma, wo le kɛ la. Wo sa kan kelen tɔ. Mɔgɔ kelen ko, “Nde ye Pɔli le fɛ.” Mɔgɔ-gbɛrɛ ko, “Nde ye Apalasi le fɛ.” Dogbɛrɛ ko, “Nde ye Pita le fɛ.” Dogbɛrɛ fanan ko, “Nde ye Kirasiti le fɛ.”

1 Kɔrɛnti 1:17

Kirasiti ma n sɔ batasi-koe la. A ya n sɔ kibara-nyimɛ fɔ-koe la, ado n sa kibara-nyimɛ wo fɔla darɔ-diyɛ anubɛ hadama-danta hɛnkilimayɛ la. Ni n ya wo ma, Kirasitita sayɛ ma mɔnɛ bɔ worɔ.

1 Kɔrɛnti 10:19

N bi nfen ma kɛ la? Mɔgɛnu bi bɛsɛ min kɔla wo, anu bi a kɔla dɔn-fan min na wo, fen-kolomɛ le wonu na, wa?

1 Kɔrɛnti 7:29

N na-kelen-nyɔgɛnu, n bi min ma, wo le kɛ la. Wati ma yan tun. Ka a bi bi ma, musu-tiginu ni to iko musu sa minnu bolo.

2 Kɔrɛnti 1:20

Kirasiti le Allata lanyiri bɛɛ lakanbalila. Wo le ya a to, ma ye a fɔla ko, “Amina” Yisa Kirasiti baraka rɔ Allata gbiliyɛla ko la.

2 Kɔrɛnti 9:6

Wo ni wo hɛnkili to kɛ ko. Mɔgɛ min si sugi doni fui, wo si doni de tɛgɛ. Min si sugi siyaman fui, wo si a siyaman tɛgɛ.

Kalesiya 3:15

N na-kelen-nyɔgɛnu, n bi a fɛ ka Allata lanyiri sanka koe do ma min bi mala tuma-wo-tuma. Mɔgɔ fila wa sara min ma, mɔgɔ-wo-mɔgɔ ti sarama-kan wo tinya, ado mɔgɔ ti fenfen kofu wo ma tun. A sa wo nya na le?

Kalesiya 3:21

Nba, Nɛbi Musata tɔn-kitabu ye Allata lanyiri kan ma, wa? Ade, a sa wo nya na de! Ni tɔn do ya niyi di mɔgɛnu ma nun, mɔgɔ si telen Alla ye tɔn-birɛ fɛ nun.

Kalesiya 5:16

N bi min ma, wo le kɛ la. Ni wo bilara Allata Ni-Sɛnimɛ fɛ, wo ti wo fɛrɛ-bɔnkɛ diyana-koenu kɛ worɔ.

Kalesiya 5:4

Wole minnu bi wo rayala ka telen Alla ye tɔn-birɛ fɛ, wo ara wotɛ bɔ Kirasiti wara-koe rɔ feu! Wo sa Allata hinɛ kɔrɔ tun.

Ɛfɛsa 2:12

Wo ye nya min nun fɔlɔ, wo ni wo hɛnkili to wo ko. Wo wati ya a taran, wo ma ma wɛ Kirasititɛ la. Wo ye sibolo-gbɛrɛyɛ la nun. Wo sa Allata mɔgɔ-yabɔnɛnu tɛma nun. Wo kɔma, Alla ya sarama-kan min kiri anubɛ ala mɔgɛnu tɛma, wota fenfen sa wo rɔ nun. Wo tumɛ ya a taran, Alla sa wo bolo nun, ado yigi sa wo ma mumɛ!

Ɛfɛsa 4:17

Marita kilayɛ le kɛ la n bi min nagbɛlɛyala wo kuma gben! Wo kana tagama tun iko Alla-batobɛlɛnu. Wonu miriya manɛ fuyi le la.

Kɔlɔsi 2:4

Nba, n bi kɛ fɔla wo ye, wo kana sɔn, mɔgɔ-wo-mɔgɔ ni wo mayuwaya sɔsɔli-takolɔn fɛ, hali anu kusanyara kumala nya-wo-nya.

Hiburunu 11:13

Mɔgɛ wonu bɛɛ fagara anuna dɛnkɛninyɛ rɔ. Alla ya lanyiri min kiri anu ye, anu ma wo sɔrɔn kɔnɔ anu ya wo yen wula-yan la pon! Anu ya min yen, anu sewara wo la ka sɔn ko sundan anubɛ yilan-yilantoe le anu na dugu-kole kuma.

Hiburunu 7:18

Nba, tɔn-kɔrɔmɛ wo ara to a dan na bawo a sɛnbɛ sa, ado a ti ko nyinya mɔgɔ ma tun.

1 Pita 1:20

Alla ya Yisa yabɔ, yanni duninya ni dan. A bɔra gbɛ rɔ tele-laban kɛnu tɔ wole, ata mɔgɛnuna ko la.