Kalesiya 3:10 - ALLALA KUMƐ

¹⁰ Kɔnɔ minnu yigi sanɛ anuna tɔn-birɛ kuma, wonu bi dankɛ kɔrɔ bawo a sɛbɛnɛ Allala kitabu rɔ ko, “Ni min ti tɔn bɛɛsi bira, wo tigi ye Allata dankɛ kɔrɔ!”

Kalesiya 3:10 ပူးပေါင်းရင်းမြစ်များ

Ko-Dabirɛnu 4:11

Ile min bara i dɔgɛ faga, i si dankɛ sɔrɔn ka tenbi dugi wo la min bara a dɛ laka ka i dɔgɛ yele lakunu i bolo, ado i ti tɔnɔ sɔrɔn dugi rɔ tun.

Aiseya 43:28

Mala mɔgɔ-banu ya a bato tinɛ latinya. Ka a tɛgɛ koe wonu ma, a ya kasarɛ lana male Isirɛla mɔgɛnu kuma. A ya a ma, male ala mɔgɛnu tora yarabiyi rɔ.

Yɛrɛmaya 11:3

A ko ale Isirɛlata Mari Alla ko ni min ma ata sarama-kan latɔnbagaya, a si wo tigi tɔrɔ.

Yɛrɛmaya 32:23

Nyamanɛ kɛ sɔrɔn anu bolo, anu ma ita tɔnnu bira. Anu ma i kan-wo-kan bira. Wo le ya a ma, i ya kasarɛ latugun anu ma.

Isikiyɛli 18:4

Nde leta ye mɔgɛ bɛɛ niyi la, a denba wo, a den wo. Min bi hakɛ kɛla, wo le ye fagala.

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Romu 4:15

Nɛbi Musata tɔn-kitabu wara-koe ara a ma, Allala diminyɛ ara yigi ma kan ma. Kɔnɔ Allata tɔn-kitabu sa kan min, tɔn-tinyɛ sa nyɔ hali!

Romu 6:23

Hakɛ sarɛ le sayɛ la kɔnɔ Allala sanbɛ le habadan-nimayɛ la ma Mari Yisa, Allata-Mɔgɔ-Yabɔnɛ baraka rɔ.

Romu 8:7

Mɔgɛ min niyi sanɛ hadama-dan diyana-koenu kuma, wo tigi ara ma Alla yoge la bawo a sa Allata tɔn birala, ado a ti ke a birala mumɛ!

2 Kɔrɛnti 3:7

Nɛbi Musa ya tɔn min sɛbɛ kuru-walan ma, wo nara sayɛ la a bolo. Kɔnɔ a dira mɔgɛnu ma tumɛ min, Allala gbiliyɛ bɔra gbɛ rɔ, ado Nɛbi Musa yakɔrɛ malanta ha Isirɛla mɔgɛnu ma ke anu yɛ gbangbanna a rɔ hali gbiliya-tamasere min bi malan-malanna a yakɔrɛ ma, wo kɔ fagara.

Kalesiya 2:16

Hali wo, ma ya a lɔn ko mɔgɔ wa dɛnkɛninya Yisa Kirasiti ma, a telennɛ le Alla yala dɛnkɛninyɛ wo fɛ worɔ. Mɔgɔ ti ke telenna tɔn-birɛ fɛ mumɛ! Male fanan bara dɛnkɛninya Kirasiti Yisa ma alako ma ni telen Alla yala mala dɛnkɛninyɛ fɛ nya min.

Tɔn-Fɔɛ-Fila-Nyɔgɛ 27:26

“ ‘Alamɛ Allata dankɛ taranta wo mɔgɛnu kuma minnu ti sɔn tɔn kɛnu bira-koe ma.’ “Anu si a labira ko, ‘Amina.’ ”

Tɔn-Fɔɛ-Fila-Nyɔgɛ 29:20

Mari ti mɔgɔ-sufa wo to nyɔ rɔ. Wo si a ma, Mari fonde si bɔ ka sisi lugbu-lugbu! Tɔrɔyɛ min bɛɛsi sɛbɛnɛ kitabu kɛ rɔ, wonu si sigi ale mɔgɛ wo kuma ha Mari si a kasara pɔɔ!