Kalesiya 2:9 - ALLALA KUMƐ

⁹ Yemesi anubɛ Pita anubɛ Yɔni, mɔgɛnu ya minnu lɔn anuna mɔgɔ-banu na, kɔni, mɔgɛ wonu ya a yen ko Alla le ya wɔlɛ kɛ di n ma ata hinɛ fɛ. Anu ya anu bole sa mabɛ Banabasi bole tɔ alako ka a yira ko ma bɛɛ ara ma kelen na. Ma dama sɔnta ko male ni mata wɔlɛ kɛ sibolo-gbɛrɛnu tɛma, anu denu ni anuta wɔlɛ kɛ Yahudiyanu tɛma.

Kalesiya 2:9 ပူးပေါင်းရင်းမြစ်များ

2 Mansɛnu 10:15

Mansa Yehu ban mɔgɛ kɛnu fagala, a ya Samariya kilɛ bira tun. A ya Rekabula den Yonadabu taran kilɛ la. Mansa Yehu ya wo kɔndɔn ka a fɔ a ye ko, “N lanɛ a la, ile wo, nde wo, sɔndɔma kelen de ma bolo. I ti kofu n ma?” Yonadabu ko, “Tana ma wo la.” Mansa Yehu ya a fɔ a ye ko, “Ni i wara sɔn, i bole lana.” A ya a bole lata. Mansa Yehu ya a layɛlɛ ala kirindi rɔ.

Matiyu 16:18

N bi i tɔgɛ sala Pita. Wo kɔrɛ le farɛ. N si nta chɔchi sɔ farɛ wo kuma. Hali sayɛ ti nɔ-ko sɔrɔn a ma mumɛ!

Luka 22:8

Yisa ya Pita anubɛ Yɔni sɔ. A ya a sara anu na ko, “Wo ta Kanan-Ko-kimanɛ rabɛn ma ye.”

Yɔni 1:42

Wo kɔma, a nara Saimon la Yisa wara. Yisa ya a mafɛlɛn tumɛ min, a ko, “Saimon le ile la, Yɔnila dan. I tɔgɛ si kele Sifasi.” (Tɔgɛ kɛ anubɛ Pita, tɔgɔ kelen de! A kɔrɛ le, “Farɛ.”)

Kɛwɔlɛnu 12:17

A ya a bole sa a dɛ la ko anu kana kuma. Mari ya a labɔ yele la nya min, a ya wo bɛɛ rakaran anu ye. A ko, “Wo ni a fɔ Yemesi anubɛ ma na-kelen-nyɔgɔn toe bɛɛ ye min mara.” A bɔra ka ta kan-tina-gbɛrɛ.

Kɛwɔlɛnu 15:13

Anu banta kumala tumɛ min, Yemesi ya a fɔ anu ye ko, “N na-kelen-nyɔgɛnu, wo ni wo wɔlɔ matɔlɔ!

Kɛwɔlɛnu 15:7

Anu mɛra sɔsɔli siyaman sala. Tɔ-a-la, Pita ya a lasɔ. A ko, “N na-kelen-nyɔgɛnu, wo ya a lɔn ko Alla ara nde yabɔ wo tɛma kebi fɔlɔ ka Yisata kibara-nyima-kawandili bɔ sibolo-gbɛrɛnu ye alako anu fanan ni a lamɔɛn ka dɛnkɛninya.

Kɛwɔlɛnu 4:36

Lifayi bɔnsɔn-mɔgɛ do ye nyɔ nun min sɔrɔnta yi-tɛma-dugi do rɔ min tɔgɛ Saiparasi. A tɔgɛ Yusufu. Yisata kilayɛnu ya a kele ko Banabasi. (Tɔgɛ wo kɔrɛ le ko, “Min si mɔgɛ yisi-kimɛ.”)

Romu 1:5

Alla ara fɛrɛ di nde, Pɔli ma Yisa baraka rɔ ko n ni ma ata kilayɛ la. A ya wo ma alako sibole bɛɛ ni la ale Yisa la ka ala kumɛ bira.

Romu 12:3

Alla ara n kɔ ata hinɛ rɔ alako n ni kɛ fɔ wo kelen-kelennamɛ-bɛɛ ye. Wo kana wo miri wo nyɛrɛ ma ko wo nyɔgɔn sa. Min fisa, wo ni wo famayigi wo miriya rɔ. Alla ara dɛnkɛninyɛ min nyɔgɔn di wo ma, a bɛnta, wo kelen-kelennamɛ-bɛɛ ni wo lɔn wo nyɛrɛ ma.

Romu 15:15

Kɔnɔ kɛdi kɛ rɔ, Alla ara n yisi ragbɛlɛya ka wo hɛnkili bila koe donu ko. Ka ma Kirasiti Yisala wɔli-kɛlɛ la sibolo-gbɛrɛnu ye, Alla ya wo fɛrɛ di n ma. N tenbi Allala kibara-nyimɛ-kawandili bɔla, n bi saraka-masɔ-wɔlɛ le kɛla. N ya wo ma le alako sibolo-gbɛrɛnu ni ma kɔ-fen-nyimɛ la Alla ye. Anu sɛninyanɛ a yala ata Ni-Sɛnimɛ baraka rɔ.

1 Kɔrɛnti 15:10

Kɔnɔ n mara kilayɛ la ka a tɛgɛ Allata hinɛ ma, ado a ya keninteyɛ min yira n na wo la, wo ma ma fuyi la. N wɔlita bɛrɛkɛ ka tenbi kilaya-toe bɛɛ la, hali n nyɛrɛla kɛwɔli ma kɔnɔ Allala hinɛ ye wɔlila n tɔ.

2 Kɔrɛnti 11:5

N mirini ma ko nde dɔgɔ ka tenbi wola kilaya-makawanɛ wonu na hali doni!

2 Kɔrɛnti 12:11

Wole le wara a ma, n bara kun-takolonyɛ kɛ. A bɛnta wole ni n matɔgɔ nun. Hali fen ma nde la wo yala, wola kilaya-makawanɛ wonu fenfen ma tenbi nde la.

2 Kɔrɛnti 8:4

Anu ya ma madiya bɛrɛkɛ ko anu bole ni taran Allala mɔgɛnu dɛnbɛn-koe rɔ Yudiya nyamanɛ rɔ,

Kalesiya 1:16

A ya a latɛgɛ ko a ni ala dan labɔ gbɛ rɔ n ye. A ko n ni ala kibara-nyima-kawandili bɔ wole sibolo-gbɛrɛnu ye, ado n ma ta mɔgɔ-wo-mɔgɔ wara alako n ni hɛnkili sɔrɔn.

Kalesiya 1:18

San sawa wo kɔma, n tara Yerusalɛm ka kuma Pita ye. N tora a fɛ lɔgɔkun fila.

Kalesiya 2:1

San tan-ni-nani kɛ kɔma, mabɛ Banabasi tara Yerusalɛm tun. Taita fanan bilara n fɛ.

Kalesiya 2:2

N tara bawo Alla le ya a lagbɛ n ye ko n ni ta. Mabɛ chɔchi-mɔgɔ-banu ya ma kun nayigi. N ya kibara-nyimɛ-kawandili bɔ sibolo-gbɛrɛnu ye nya min, n ya wo faranfasi anu ye ladɛn wo rɔ. N bara wɔlɛ min kɛ fɔlɔ-nun wo, n bi min kɛla kaka wo, n sa a fɛ, wo fenfen ni ma fuyi la.

Kalesiya 6:3

Ni mɔgɛ do ye a mirila ko fen de ale la, ado fenfen ma a la, a ye a nyɛrɛ le mayuwayala wo la dɔrɔn.

Ɛfɛsa 2:20

Kilayɛnu anubɛ nɛbinu mara bon-kurukɛ-fan la min kɛ, wole ara ma a bon-dagɛ la, ado Kirasiti nyɛrɛ le bɔn wo sɛbɛna-kuru-tɔnɔnamɛ la.

Ɛfɛsa 3:8

Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.

Kɔlɔsi 1:29

N bi wɔlila wola ko la ka n taya bɛrɛkɛ! Kirasiti ye fanka min dila ma ma, fanka wo ye wɔlila n tɔ.

1 Timoti 3:15

Kɔnɔ ni n mɛra, a bɛnta, ma kɛ-nya ni ma nya min Allata denbayɛ tɛma, kɛdi kɛ si i lalɔn wonu ma. Denbayɛ wo, Alla-nimɛta chɔchi le wo la. Denbayɛ kɛ si tonyɛ lamara iko sɛnbɛrɛn-kɔn anubɛ bon-kurukɛ-fan si bɔn bira nya min.

1 Yɔni 1:3

Ma ara min yen ka a lamɔɛn, ma ye wo lela ko fɔla wo ye alako wo si kofu ma ma nya min. Ta-nyɔgɔnyɛ ye ma bolo ma Fa Alla anubɛ ala den Yisa Kirasiti fɛ gben!

Lankɛnimayɛ 3:12

Minnu ba nɔlɛ kɛ, n si wonu ma sɛnbɛrɛn-kɔn la n fa Alla-Bato-Bɔn la. Anu ti bɔ nyɔ mumɛ! N si n fa Alla tɔgɛ anubɛ ata so-kurɛ tɔgɛ sɛbɛ anu ma, Yerusalɛm so kurɛ, kɔni. Soe wo si yigi ka bɔ Arinyɛni tɔ nta Alla bolo. N si n nyɛrɛ tɔgɔ-kurɛ fanan sɛbɛ anu ma.