Kalesiya 2:6 - ALLALA KUMƐ

⁶ Wonu donu bara anu nyɛrɛ ma mɔgɔ-banu na kɔnɔ hali anu mara mɔgɔ-banu na, nna ko sa wo rɔ. Alla ti mɔgɔ ma mɔgɔ-ba la ala yanyɛ anubɛ ala kinyɛ fɛ, ado mɔgɔ-ba wonu ma a fɔ n ye ko n ni nta kumɛ yɛlɛma sibolo-gbɛrɛnuna ko la.

Kalesiya 2:6 ပူးပေါင်းရင်းမြစ်များ

Yobu 34:19

Ka a fɔ kun-tigi le mɔgɛ la, Alla ti kawa wo ma. A ti lafisayalɛ kɛ fen-tiginu anubɛ bolo-kolɔnnu tɛma bawo ale le ya anu dama dan.

Matiyu 22:16

Anu ya anuna karan-dan donubɛ Mansa Hɛrodila fɛ-bilalɛnu nata Yisa ma. Wonu ko, “Karan-mɔgɔ, ma ya a lɔn ko mɔgɔ-telennɛ le ile la. I ye mɔgɛnu karanna tonyɛ la Alla sako rɔ. I ti kilan mɔgɔ-wo-mɔgɔ la, ado bɛɛ rakɛn ile yala.

Maraka 12:14

Anu nara a wara, anu ko, “Karan-mɔgɔ, ma ya a lɔn ko mɔgɔ-telennɛ le ile la. I ti kilan mɔgɔ-wo-mɔgɔ la, ado bɛɛ rakɛn ile yala. I ye mɔgɛnu karanna a kilɛ fɛ ka a bɛn Alla wara-koe ma. Nba, i miriya ye kama? Ka duti sara Romu nyamani-kun-tigi ma, mala tɔn-tinyɛ le wo la, ka, a sa wo nya?”

Luka 20:21

Mɔgɛ kɛnu ya a fɔ a ye ko, “Karan-mɔgɔ, ma ya a lɔn ko i ye min fɔla anubɛ i ye mɔgɛnu karanna min na, wo telenta. Ma ya a lɔn ko i sa lafisayalɛ kɛla, ado Alla ye a fɛ, mɔgɛ ni min ma, i ye mɔgɛnu karanna wo la a kilɛ fɛ.

Kɛwɔlɛnu 10:34

Pita ya kumɛ dabira. A ko, “N bara a lɔn de gbɛ ko tonyɛ le, mɔgɛ bɛɛ kelen Alla yala. A ti lafisalayɛ kɛ hali!

Kɛwɔlɛnu 5:36

Wati tenbinɛ, Tudasi wulita ka a nyɛrɛ ma tɔgɔlamɛ la, ado kemini kɛmɛ nani nyɔgɔn (400) bilara a fɛ. Kɔnɔ mɔgɛ do ya wo faga. A gba-fɛ-bilalɛ bɛɛ nyɛnsɛnta. Ala koe mara fuyi la.

Romu 2:11

ado Alla ti mɔgɔ do lafisaya do ko.

2 Kɔrɛnti 11:5

N mirini ma ko nde dɔgɔ ka tenbi wola kilaya-makawanɛ wonu na hali doni!

2 Kɔrɛnti 12:11

Wole le wara a ma, n bara kun-takolonyɛ kɛ. A bɛnta wole ni n matɔgɔ nun. Hali fen ma nde la wo yala, wola kilaya-makawanɛ wonu fenfen ma tenbi nde la.

2 Kɔrɛnti 5:16

Nba, ma ti mɔgɛ mafɛlɛn tun iko hadama-dan miriya ye nya min. Fɔlɔ-nun, ma ya Kirasiti mafɛlɛn iko hadama-dan miriya ye nya min kɔnɔ ma ti wo ma tun.

Kalesiya 2:2

N tara bawo Alla le ya a lagbɛ n ye ko n ni ta. Mabɛ chɔchi-mɔgɔ-banu ya ma kun nayigi. N ya kibara-nyimɛ-kawandili bɔ sibolo-gbɛrɛnu ye nya min, n ya wo faranfasi anu ye ladɛn wo rɔ. N bara wɔlɛ min kɛ fɔlɔ-nun wo, n bi min kɛla kaka wo, n sa a fɛ, wo fenfen ni ma fuyi la.

Kalesiya 6:3

Ni mɔgɛ do ye a mirila ko fen de ale la, ado fenfen ma a la, a ye a nyɛrɛ le mayuwayala wo la dɔrɔn.

Tɔn-Fɔɛ-Fila-Nyɔgɛ 10:17

Ale wota Mari Alla tenbira bɛsɛ mumɛ bɛɛ la. Ale tenbira kun-tiginu na. Alla-makawanɛ le ale la. Ata sɛnbɛ kolo. A bɛnta wo ni a gbiliya ka yɛrɛyɛrɛn a kɔrɔ. A ti lafisayalɛ kɛ. A ti sɔn gbundu-koe ma.

Hiburunu 13:17

Wo ni wola chɔchi-mɔgɔ-banuna kumɛ bira ka wo famayigi anu ye. Anu bi wo niyi lakandan tinɛ le dɛɛ! Anu sa anu sulenna bawo anu si anu dantɛgɛ Alla ye anuta wɔlɛla ko la. Ni wo ya anuna kumɛ bira, anu si anuna wɔlɛ kɛ sewɛ rɔ. Ni wo ma, anu si a kɛ yisi-magboyɛ la, ado wo ti wo munanfaga.

Hiburunu 13:7

Wola kun-tigi-fɔlɔtɛ minnu ya wo karan Allala kumɛ la, wo ni wo hɛnkili to wonu ko. Wonu manɛ nya min ha anu fagara, wo ni wo miri wonu ma ka wo sanka anuna dɛnkɛninyɛ ma.

1 Pita 1:17

Wo tenbi Alla matarala, wo ye a fɔla ko, “Ma Fa,” ado ale le ye mɔgɛ bɛɛ kiti tɛgɛla nya-kun-kelen iko mɔgɔ kelen-kelennamɛ-bɛɛta kɛwɔlɛ ye nya min. A ti lafisayalɛ kɛ. Woletɔ wo siyi-toe min tonɛ dugu-kole kɛ kuma gbɛ, wo ni wo laban a gbiliya tinɛ.