Kalesiya 2:4 - ALLALA KUMƐ

⁴ Nba, mɔgɛ donu bara anu nyɛrɛ ma na kelannu na ka kofu ma ma ladɛn wo kuma. Mɔgɛ wonu donta ma kuma iko ko-lakɔrɔsilɛnu alako hɔrɔyɛ min bi ma bolo Yisa Kirasiti rɔ, anu ni wo bi ma bolo. Wonu bi nyinina a ma, ko ma ni ma yɔɔn la anuna tɔn kɔrɔ.

Kalesiya 2:4 ပူးပေါင်းရင်းမြစ်များ

Yaburi 119:45

N si to lafɛrɛ rɔ wo rɔ bawo n bara ita karan bira.

Yaburi 51:12

A ma, n ni ita kisi-ko-sewɛ sɔrɔn tun. I sako-kɛ-yisi ladon n burɔ.

Aiseya 51:23

A ko a si yi-lafɛ wo di wo tɔrɔlɛnu ma, anu denu minnu ya wo boloka belenna lu-kolenu ma, kɔni. Anu denu denu taranta wo ratɛntɛnna iko bore.

Luka 5:38

Kɔnɔ baan la ni mara gbolo-bɔrɔ-kurɛ rɔ!

Kɛwɔlɛnu 15:1

Pɔli anubɛ Banabasi ye Siriya-Antiyaki tumɛ min, mɔgɛ donu nara ka bɔ Yudiya nyamanɛ rɔ. Anu ya Marita mɔgɛnu karan ko mɔgɛ ti ke kisila fɔ a ni kemininya iko Musata tɔn ya a fɔ nya min.

Kɛwɔlɛnu 15:24

Ma ara a lamɔɛn ko mala mɔgɛ donu tara wo tɔrɔ tinɛ ka wo kɔndɔfili anuna kumɛ fɛ. Kɔnɔ male ma anu sɔ de!

Kɛwɔlɛnu 20:30

Mɔgɛ donu si bɔ wo nyɛrɛta kurɔn kɛ rɔ ka foninyɛ fɔ alako dɛnkɛninya-mɔgɛnu ni bila anu fɛ.

Romu 8:15

Wo ti wo ma yɔɔn la min si a ma, wo kuma ni kɔ kɔnɔ a ara wo ma a diyana-dannu na. Nba, Allata Ni-Sɛnimɛ baraka rɔ, ma ye dila Alla tole tɔ ko, “N Fa! N Fa!”

2 Kɔrɛnti 11:13

Kilayɛ wonu, kilaya-bɛrɛ ma anu na kɔnɔ anu bi anu nyɛrɛ mala iko Kirasitita kilayɛnu denu bi anu na serr! Foninya-kilayɛ le anu na minnu bi foninyɛ fɔla anuna wɔlɛla ko la.

2 Kɔrɛnti 11:17

Nba, n bi min fɔ tinɛ kaka, Mari ma n sɔ wo fɔ tinɛ. N bi n nyɛrɛ-matɔgɔla min kɛ, n bi kumala iko kuntan.

2 Kɔrɛnti 11:20

Ni mɔgɛ ya wo bira ka wo ma iko yɔɔn ka wo bolo labira ka wo kensunya ka yoo wo ma ka wo dɛ ratii, wo si wo munyu mɔgɔ-su wo kɔrɔ.

2 Kɔrɛnti 11:26

Nna tagama-siyamɛ rɔ, n taranta yi-fɛ-masibɛ rɔ anubɛ kankannu-masibɛ rɔ anubɛ n na-kelen-nyɔgɔ Yahudiyanu-masibɛ rɔ. Sibolo-gbɛrɛnu fanan ya a lagbɛlɛya n kuma. So-burɔ-masibɛ wo, wulɛrɔ-masibɛ wo, kɔgɔ-yirɔ-masibɛ wo, foninya-dɛnkɛninya-mɔgɛnu-masibɛ rɔ wo, n ya n munyu wo bɛɛ kɔrɔ.

2 Kɔrɛnti 3:17

Nba, Mari wo, ata Ni-Sɛnimɛ le, ado Marita Niyi wo ye kan min, hɔrɔyɛ ye nyɔ le.

Kalesiya 1:7

Kɔnɔ kibara-nyima-gbɛrɛkɛ sa mumɛ! Mɔgɛ donu bi nyɔ minnu bi wo tɔrɔla. Anu bi anu tayala ka foninyɛ basan Kirasitila kibara-nyimɛ la.

Kalesiya 4:25

Hega le Sinayi kɔnkɛ misalɛ la. Kɔnkɛ wo ye Arebiya nyamanɛ le tɔ. Kɔnkɛ wonubɛ Yerusalɛm soe min bi duninya kɛ rɔ, misali kelen de wonu na. Wonubɛ nyɔ-mɔgɛnu bi yɔɔnyɛ rɔ.

Kalesiya 4:3

Male fanan, yanni ma ni koloya tumɛ min, ma taranta yɔɔnyɛ rɔ wo nya na duninya-nyina-kun-tiginu kɔrɔ.

Kalesiya 5:1

Kirasiti ara ma hɔrɔya feu! Wo ara hɔrɔya min kɛ, wo ni wola hɔrɔyɛ bira gben! Wo kana sɔn ko Nɛbi Musata tɔn-kitabu ni wo ma yɔɔn la tun!

Kalesiya 5:10

Kɔnɔ Maritɛ le wole la. N lanɛ wole la feu! Wo ti bila mɔgɔ-gbɛrɛta karan fɛ tun fɔ nde ara wo karan min na, ado min bi wo tɔrɔla, a mara mɔgɔ-wo-mɔgɔ la, Alla si wo tigi tɔrɔ.

2 Timoti 3:6

Anu donu si don denbaya-tiginuna bɔnnu na yanfɛ la alako anu si anuna musinu mayuwaya nya min. Musi wonu ma a lɔn anu bi min kun na. Anu hakɛ ara siyaya. Anu bi anu diyana-koe kɛla tolon!

Yemesi 1:25

Kɔnɔ Allala tɔn-kanbalinɛ min si mɔgɔ hɔrɔya, mɔgɛ ni to wo mafɛlɛnna. Mɔgɔ-wo-mɔgɔ wa a yigi sa a rɔ, ado a ma a tole masɔ dɔrɔn ka a yili bɔ kumɛ wonu ko, Allatala ye nyinina min ma, a ye wo bɛɛsi mala. Wo tigi wa a bole bila ko-wo-ko rɔ, Alla si a lasabati.

1 Pita 2:16

Mɔgɔ-hɔrɔyanɛ le wole la kɔnɔ wo kana wola ko-yogomɛnu dogon wola hɔrɔyɛ fɛ. Wo ni ma yɔɔnnu na Alla ye.

2 Pita 2:19

Anu bi lanyiri kirila wonu ye hɔrɔyɛla ko la kɔnɔ anu nyɛrɛ ye yɔɔnyɛ rɔ halakiyi bolo, ado fenfen si mɔgɔ nɔ, wola yɔɔn le ile la.

1 Yɔni 4:1

N diyana-mɔgɛnu, mɔgɛ min ko Allata Ni-Sɛnimɛ ye a bolo, wo kana la wo bɛɛ la fɔ ka a kɔrɔbɔ. Wo ni wo ma alako niyi min bi a bolo, wo ni a lɔn ni wo bɔnɛ Alla le bolo. Wo ni wo ma bawo foninya-nɛbi-siyaman bara wuli kan bɛɛ rɔ.

Yude 1:4

ado Alla-lɔnbɛlɛ donu bara basan ma la kewuyɛ la anu bolo. Anu bi a fɔla ko kinikinɛ ye Alla rɔ min kɛ, anu ba ko-sufa-bɛɛ ladan, Alla ti anu yiliki. Anu ya anu ban Yisa Kirasiti la, ma tigi anubɛ Mari kelen pe, kɔni. Anu bara yilikiyi min sɔrɔn, Allala kitabu ya wola koe fɔ kebi fɔlɔ.