Kalesiya 2:21 - ALLALA KUMƐ

²¹ N ti n kan-kɔ sɔ Allala hinɛ la mumɛ! Ni mɔgɛ si ke telenna Alla ye tɔn-birɛ fɛ, Kirasiti fagara le worɔ fufafu!

Kalesiya 2:21 ပူးပေါင်းရင်းမြစ်များ

Yaburi 33:10

Mari ya sibolo-gbɛrɛnuna miriya-yogenu tinya. A ya a ma, anuna miriya-yogenu tora anu burɔ.

Aiseya 49:4

Kɔnɔ nde ko n bara wɔli-gbɛlɛmɛ kɛ fu! N bara n sɛbɛ don kɔnɔ n ma ko-bɛrɛ yen a rɔ. Fɔ Mari, wo le si nna wɔlɛ tɔnɛ yen. Alla si n barayi nna wɔlɛla ko la.

Yɛrɛmaya 8:8

Mari ko wo ye a fɔla wo nyɛrɛ ma ko wo hɛnkili kolo. Wo ko wo ara hɛnkili sɔrɔn ale Marita karan rɔ. Kɔnɔ wola tɔn-sɛbɛlɛnu bi Allata kumɛnu gba-yɛlɛmanna. Wonu fanan bara foninyɛ sɛbɛ anuna kalɛ la.

Maraka 7:9

A ko fanan, “Ado nfan, halliya-kilɛ ye wo bolo ka wo ban Allala tɔn la alako wo ni wo nyɛrɛla namu bira nya min!

Romu 10:3

Alla si mɔgɔ latelen a nyɛrɛ ye nya min, anu ma wo lɔn. Anu bara anu taya ka anu nyɛrɛta kilɛ nyini. Alla si mɔgɔ latelen a nyɛrɛ ye kilɛ min fɛ, anu ma sɔnnɛya Alla ye kilɛ wo ma.

Romu 11:6

Alla ya wonu yatɔnbɔn ala hinɛ le fɛ. A ma tɛgɛ anuta kɛwɔlɛnu ma, ado ni wonu yatɔnbɔnta anuna kɛwɔlɛnu denuna ko la nun, hinɛ wo ti ma hina-bɛrɛ la feu!

Romu 4:25

Yisa fagara alako ma hakɛnu ma ni koto. A wulita alako ma la ni telen Alla ye.

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

1 Kɔrɛnti 15:14

Nba, ni Kirasiti la ma wuli ka bɔ furinu tɛma, kawandili-kun sa ma bolo worɔ, ado wo dɛnkɛninya-kun sa fanan.

1 Kɔrɛnti 15:17

Ni Kirasiti la ma wuli, wola dɛnkɛninyɛ ara ma fuyi la worɔ, ado ha bi, wo ye wo hakɛ rɔ.

1 Kɔrɛnti 15:2

Ni wo ya a bira iko n bara wo makawandi nya min nun, wo si kisi kibara-nyimɛ wo fɛ. Kɔnɔ ni wola dɛnkɛninyɛ mara fuyi la, wo si baya.

Kalesiya 2:16

Hali wo, ma ya a lɔn ko mɔgɔ wa dɛnkɛninya Yisa Kirasiti ma, a telennɛ le Alla yala dɛnkɛninyɛ wo fɛ worɔ. Mɔgɔ ti ke telenna tɔn-birɛ fɛ mumɛ! Male fanan bara dɛnkɛninya Kirasiti Yisa ma alako ma ni telen Alla yala mala dɛnkɛninyɛ fɛ nya min.

Kalesiya 2:18

N bara tɔn wara-koe min wayan, ni n ya wo sɔ tun, wo ye a yirala ko nde ara sama ka ma tɔn-tinyalɛ la.

Kalesiya 3:21

Nba, Nɛbi Musata tɔn-kitabu ye Allata lanyiri kan ma, wa? Ade, a sa wo nya na de! Ni tɔn do ya niyi di mɔgɛnu ma nun, mɔgɔ si telen Alla ye tɔn-birɛ fɛ nun.

Hiburunu 7:11

Nɛbi Musata tɔnnu anubɛ Lifayi bɔnsɔnta saraka-masɔlayɛ ye wɔlila anu nyɔgɔn fɛ. Nba, Lifayi bɔnsɔn saraka-masɔlɛnu, ni wonuna tɔnnu si ke mɔgɛnu natelenna le nun, ma mako ti taran saraka-masɔla-gbɛrɛ la nun. Kɔnɔ ma mako ye saraka-masɔla-gbɛrɛ la, Mɛlikisidaki su, kɔni, Aruna su ma de,