Kalesiya 2:20 - ALLALA KUMƐ

²⁰ Woletɔ nde belini ma tun fɔ Kirasiti min belinɛ nde rɔ. N bi nya min kaka, n bi wo nya dɛnkɛninyɛ le fɛ Allala den Yisa rɔ. Wo le ya n keni ka faga ndela ko la.

Kalesiya 2:20 ပူးပေါင်းရင်းမြစ်များ

Keninteya-Siginu 7:10

Nde ladaganɛ n keninte dɔrɔn de ye. A yili sa mɔgɔ-wo-mɔgɔ ma fɔ nde.

Matiyu 20:28

ado nde, Hadama-dan ma na ko mɔgɛ ni wɔlɛ kɛ n ye, fɔ ka wɔlɛ kɛ mɔgɛnu ye ka n niyi ni mɔgɔ siyaman kunka-koe la.”

Matiyu 4:3

Setanɛ nara a wara. A ko, “Ni Allatalala dan le ile la, kuri kɛnu yɛlɛma biredi la.”

Yɔni 1:49

Nataniyɛli ya a yabi ko, “Karan-mɔgɔ, Allatalata dan le ile la, Isirɛla mɔgɛnuna mansɛ!”

Yɔni 10:11

“Saga-fɛ-birala-nyimɛ le nde la. Saga-fɛ-birala-nyimɛ si sɔn ka faga ala sagɛnuna ko la.

Yɔni 15:13

Mɔgɔ wa faga a diyana-mɔgɛnuna ko la, keninteyɛ ti koloya wo ko.

Yɔni 17:21

N bi madiyali kɛla ko anu bɛɛ ni ma kelen na. E, n Fa! Iko i ye nde rɔ nya min, anubɛ nde ye ile rɔ nya min, anu fanan ni taran nde rɔ wo nya le. Wo le si a ma, duninya-mɔgɛnu si la a la ko ile le ya n sɔ.

Yɔni 3:16

Alla le ya duninya keni ha a ya ala den-kei kelen pe ni. Mɔgɔ-wo-mɔgɔ wa dɛnkɛninya a ma, wo ti halaki fɔ ka habadan-nimayɛ sɔrɔn.

Yɔni 3:35

Ma Fa Alla ara nde, ala dan keni ka fan bɛɛ ladon nta sɛnbɛ kɔrɔ.

Yɔni 6:57

N Fa min ya n sɔ duninya rɔ, wo ye a niyi la, ado ale le ya niyi di nde fanan ma. Mɔgɛ min ba n bagbuyi dɔn, ale fanan si niyi sɔrɔn nde baraka rɔ.

Yɔni 6:69

Nba, ma ara dɛnkɛninya i ma ka i lɔn Allatalata mɔgɔ-sɛnimɛ la.”

Kɛwɔlɛnu 8:36

Anu bi tala kilɛ la tumɛ min, anu kera yi do ma. Woletɔ kun-tigi wo ko, “Yi kɛ mafɛlɛn. Nfen bi a tola gbɛ, n sa batasila?” [

Kɛwɔlɛnu 9:20

Wo kɔma, a wulita ka ta Yahudiya-dina-bɔnnu na Yisala koe fɔ tinɛ anu ye. A ko Yisa le Allatalata dan la.

Romu 1:17

Kibara-nyimɛ ye a ragbɛla ko Alla ye mɔgɛnu natelenna a nyɛrɛ ye dɛnkɛninyɛ le fɛ. A da si bira dɛnkɛninyɛ fɛ, ado a la si ban dɛnkɛninyɛ ma. Iko a sɛbɛnɛ Allala kitabu rɔ nya min, a ko, “Alla si mɔgɛ min natelen a nyɛrɛ ye dɛnkɛninyɛ fɛ, wo le si habadan-nimayɛ sɔrɔn.”

Romu 14:7

Ado nfan, ma fenfen sa belila ma nyɛrɛ ma. Ma fenfen sa fagala ma nyɛrɛ ma. Ni ma belita, ma belinɛ Mari hɛnɛ-koe la.

Romu 3:22

A si bɛɛ latelen dɛnkɛninyɛ fɛ Yisa, Allata-Mɔgɔ-Yabɔnɛ ma, kɔni. Mɔgɛ bɛɛ kelen Alla ya la bawo

Romu 4:25

Yisa fagara alako ma hakɛnu ma ni koto. A wulita alako ma la ni telen Alla ye.

Romu 5:2

Dɛnkɛninyɛ fɛ, Yisa ara ma lana Allala hinɛ kɔrɔ, ado ha kaka, ma ye hinɛ wo le kɔrɔ. Ma sewanɛ fanan bawo ma ya a lɔn ko wati do, ma si ala gbiliyɛ wo diya bɔ.

Romu 5:6

Allata-Mɔgɔ-Yabɔnɛ fagara male hakɛ-tiginu ye a wati-latɛgɛnɛ rɔ bawo ma ti ke ma nyɛrɛ dɛnbɛna.

Romu 5:8

Ma di Alla ye nya min, a ara wo yira ma la bawo ma ye hakɛ-tigiyɛ la wati min, Allata-Mɔgɔ-Yabɔnɛ fagara ma ye.

Romu 6:13

Wo kana wo nyɛrɛ bagbuyi lasɔnnaya hakɛ ye. Fɔ ka wo nyɛrɛ lasɔnnaya Alla ye telenbagaya-kɛ-tinɛ bawo wo ara bɔ sayɛ rɔ ka sɛgi nimayɛ rɔ,

Romu 6:8

Mabɛ Kirasiti fagara ma nyɔgɔn fɛ min kɛ, ma lanɛ a la ko mabɛ ale si na nimayɛ kɛ fanan ma nyɔgɔn fɛ,

Romu 8:10

Hali wo bagbuyi min si faga ka a tɛgɛ hakɛ ma, ni Kirasiti siginɛ wo yisi rɔ, Allala Ni-Sɛnimɛ si a ma, wo ni niyi sɔrɔn, ado wo si a taran, Kirasiti ara koe bɛɛ latelen wole anubɛ Alla tɛma.

Romu 8:37

Kɔnɔ nɔlɛ ye ma bolo koe kɛ bɛɛ rɔ feu! Ale min bara ma keni, ma ara nɔ-ko sɔrɔn ale le baraka rɔ,

1 Kɔrɛnti 6:17

Kɔnɔ ni min si a nyɛrɛ tugun Mari la, wonubɛ Mari kelen de.

2 Kɔrɛnti 1:24

Male sa kun-tigiyɛ kɛla ka a fɔ wo ye wo si dɛnkɛninya min ma! Ma ye wɔlila ma nyɔgɔn fɛ wo nyɛrɛta sewɛla ko la bawo ma ya a lɔn ko wo sɔnɛ dɛnkɛninyɛ rɔ yiri!

2 Kɔrɛnti 10:3

Tonyɛ le, ma ye duninya kɛ rɔ kɔnɔ ma sa kɛlɛ kɛla iko duninya kɛ si kɛlɛ kɛ nya min.

2 Kɔrɛnti 11:10

N bara n keli Kirasitita tonyɛ rɔ min bi n tɔ. Akeya sigisɔn-mɔgɛ fenfen ti ke n nakalala n nyɛrɛ-matɔgɛ kɛ la.

2 Kɔrɛnti 13:3

N tenbi kumala, n si a yira wo la kuma tinɛ ko Kirasiti le kumala wo ye. Kirasiti wa a lagbɛlɛya wo kuma tumɛ min, wo si a yira ko a rafagani ma. A sɛnbɛ kolo wo tɛma.

2 Kɔrɛnti 13:5

Wo ni wo nyɛrɛ fɛsɛfɛsɛ ka a lɔn ni wo ye tagamana dɛnkɛninya-mɔgɛnuna kilɛ fɛ. Wo si a lɔn worɔ, ni Kirasiti Yisa siginɛ wo yisi rɔ. Kɔnɔ ni a sigini ma wo yisi rɔ, wo ara foo dɛnkɛninyɛ wo la.

2 Kɔrɛnti 5:14

Kirasitita keninteyɛ ye ma marala bawo ma ara a lɔn ko mɔgɔ kelen fagara mɔgɛ bɛɛ ye, woletɔ mɔgɛ bɛɛ fagara a fɛ ka bɔ anuna hakɛnu tɔ.

2 Kɔrɛnti 5:15

Ale Yisa fagara mɔgɛ bɛɛ ye, woletɔ minnu belinɛ, wonu kana beli anu nyɛrɛ ye tun fɔ ka beli ale ye min fagara anu ye, ado a wulita anu ye fanan.

2 Kɔrɛnti 5:7

Ma ye ko-ladanna mala dɛnkɛninyɛ le fɛ. Ma sa ko-ladanna iko ma ye a yenna nya min.

Kalesiya 1:4

Kirasiti ya ma Fa Alla sako kɛ ka a nyɛrɛ niyi ni male hakɛ-tiginuna ko la. A ya wo ma alako ma ni hɔrɔya wati-yogomɛ kɛ ma.

Kalesiya 2:16

Hali wo, ma ya a lɔn ko mɔgɔ wa dɛnkɛninya Yisa Kirasiti ma, a telennɛ le Alla yala dɛnkɛninyɛ wo fɛ worɔ. Mɔgɔ ti ke telenna tɔn-birɛ fɛ mumɛ! Male fanan bara dɛnkɛninya Kirasiti Yisa ma alako ma ni telen Alla yala mala dɛnkɛninyɛ fɛ nya min.

Kalesiya 3:11

Nba, a ara gbɛ feu, ko mɔgɔ-wo-mɔgɔ ti ke telenna Alla ye tɔn-birɛ fɛ, ado a sɛbɛnɛ Allata kitabu rɔ fanan ko, “Min ba telen Alla ye dɛnkɛninyɛ fɛ, wo tigi si nimayɛ sɔrɔn.”

Kalesiya 5:24

Wole min bara ma Kirasiti Yisatɛ la, wo ara wo sɔn-yogomɛ anubɛ nata bɛɛ faga.

Kalesiya 6:14

Kɔnɔ nde si n kɔgɔ raka ma Mari Yisa, Allata-Mɔgɔ-Yabɔnɛ faga-kɔlɔma dɔrɔn dela ko la. Ka a tɛgɛ ata fagɛ kɔlɔma ma, nde faganɛ duninya rɔ, duninya fanan faganɛ nde rɔ.

Ɛfɛsa 3:17

N bi a matarala ko Kirasiti ni sigi tinɛ sɔrɔn wo yisi rɔ dɛnkɛninyɛ fɛ. Alamɛ wo suli banbanta ka sabati keninteyɛ rɔ.

Ɛfɛsa 5:2

Wo ni wo nyɔgɔn keni iko Kirasiti ya wo keni nya min. A ara a nyɛrɛ niyi ma sarakɛ la malela ko la iko sarakɛ min sumɛ si a diya don Alla rɔ.

Ɛfɛsa 5:25

Wole keinu, wo ni wola musinu keni iko Kirasiti ya ala mɔgɛnu keni nya min ka a nyɛrɛ niyi ni anuna ko la.

Filipai 1:21

N bi n niyi la nfenna? Nde yala, Kirasiti le wo kɔrɛ la! Nba, sayɛ le si ma tɔnɛ la worɔ nde yala.

Filipai 4:13

Sɛnbɛ ye n bolo ka koe bɛɛ kɛ Kirasiti le baraka rɔ.

Kɔlɔsi 1:27

ado Allata ko-rabɛn le wo la alako ata mɔgɛnu ni ala gbundu-koe lɔn. Gbundu-koe wo makawara, a gbiliyanɛ. Gbundu-koe wo le ko Kirasiti siginɛ wole sibolo-gbɛrɛnu fanan yisi rɔ. Yigi le wo la alako wo fanan ni wotɛ sɔrɔn Allata gbiliyɛ wo rɔ iko male Yahudiyanu.

1 Tɛsalonaika 1:10

Wo ye Allala den Yisa makɔnɔna ko a ni bɔ Arinyɛni tɔ. Alla le ya Yisa kelan wo lawuli ka bɔ furinu tɛma. Allatalata fondo-bɔɛ min bi nala, ale Yisa le ye ma kisila wo ma.

1 Tɛsalonaika 5:10

Yisa fagara ma ye alako ni ala nɛ ya ma kɛndɛ taran, ni wo ma, ma faganɛ, wo bɛɛ rɔ, ma si nimayɛ sɔrɔn a bolo.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Hiburunu 8:3

Saraka-masɔla-kun-tigi-wɛ bɛɛta wɔlɛ ye min na, wo le ka kɔ-fannu anubɛ sarakɛnu masɔ Alla ye. Woletɔ fɔ fan do ni taran mata saraka-masɔla-kun-tigi-wɛ fanan bolo a si min bɔ.

1 Pita 1:8

Wo ma Yisa yen bɛ kɔnɔ wo ara a keni. Wo ma a yen bɛ wo yɛ la, hali wo, wo dɛnkɛninyanɛ a ma. Woletɔ wo ye nyagalenna ka sewa-makawani-wɛ kɛ, hadama-dan dɛ ti ke min fɔla.

1 Yɔni 1:7

ado ma sa ko-latelennɛ kɛla kɔnɔ ni ma tora waan rɔ iko ale ye waan rɔ nya min, ta-nyɔgɔnyɛ ye ma bolo ma nyɔgɔn fɛ worɔ. Allala den Yisa yele si ma sɛninya ka ma bɔ ma hakɛ bɛɛ rɔ.

1 Yɔni 4:14

Ma ara a yen ka a fɔ doinu ye ko ma Fa Alla ara ala dan, Yisa lana alako a ni ma duninya kisilɛ la.

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.

Lankɛnimayɛ 1:5

Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.

Lankɛnimayɛ 3:20

Wo ni wo tole masɔ! N sɔnɛ dɛ la ka a matugu. Ni mɔgɔ-wo-mɔgɔ ya n kan lamɔɛn ka dɛ laka n ye, n si don wola bɔn la ka fen-dɔn-kɛ a fɛ. Ale fanan si fen-dɔn-kɛ n fɛ.