Kalesiya 2:14 - ALLALA KUMƐ

¹⁴ N ya a yen tumɛ min ko anu sa ko-telennɛ kɛla iko kibara-nyimɛ ya a fɔ nya min. N ya a fɔ Pita ye anu dama yala ko, “Yahudiya le ile la kɔnɔ i sɔnta nun ka ma iko sibolo-gbɛrɛ. Nfenna worɔ, i si sibolo-gbɛrɛnu fɔrɔsɛ alako anu ni ma iko Yahudiyanu?”

Kalesiya 2:14 ပူးပေါင်းရင်းမြစ်များ

Yaburi 141:5

Ni telenbagɛ ya n gbesi, a ye n dɛnbɛn-koe le tɔ. Ni a ya n makuma, wo mani de iko a ara tuli le don n yakɔrɛ ma, ado n ti n ban a bolo. N bi madiyali kɛla ko-yogoma-kɛlɛnu denu kan ma.

Yaburi 15:2

Min bi Alla sako mumɛ bɛɛ kɛla ka ko-latelennɛ kɛ wati bɛɛ rɔ, ado a ti foninya fɔ.

Yaburi 58:1

Wole kun-tiginu, wo si ke kiti tɛgɛla a kilɛ fɛ lun-kelen-bɛrɛn? Wo si ke kiti tɛgɛla ni lafisayalɛ sa a rɔ, wa?

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Hɛnkilimaya-Kumɛnu 10:9

Minnu natelennɛ, wonu nafɛrɛni de! Kɔnɔ minnu natelenni ma, wonu si bira mɔrɔtɔ!

Hɛnkilimaya-Kumɛnu 2:7

Minnu natelennɛ, ale le ye hɛnkilimayɛ ladɛnna wo ye ka wo tanka ko-yogomɛ ma.

Saraka-Masɔlɛnuta Tɔnnu 19:17

“Mɔgɔ ta-nyɔgɛla koe kana to siginɛ i burɔ, fɔ i ni fɛrɛ nyini ka bɛnsɛnkɔninyɛ bɔ wo tɛma alako i kana yiliki sɔrɔn nde, Mari bolo i ta-nyɔgɔn wola ko la.

Kɛwɔlɛnu 10:28

A ya a fɔ anu ye ko ala Yahudiya-dinala ko la, a kana sibolo-gbɛrɛnu kɔndɔn, ado a kana ta-nyɔgɔnyɛ kɛ anu fɛ. Kɔnɔ Alla ara a yira a la ko a kana a miri mɔgɔ-wo-mɔgɔ ma ko mɔgɔ-sɛninyani ma, a kɔsɔnɛ.

Kɛwɔlɛnu 15:1

Pɔli anubɛ Banabasi ye Siriya-Antiyaki tumɛ min, mɔgɛ donu nara ka bɔ Yudiya nyamanɛ rɔ. Anu ya Marita mɔgɛnu karan ko mɔgɛ ti ke kisila fɔ a ni kemininya iko Musata tɔn ya a fɔ nya min.

Kɛwɔlɛnu 15:24

Ma ara a lamɔɛn ko mala mɔgɛ donu tara wo tɔrɔ tinɛ ka wo kɔndɔfili anuna kumɛ fɛ. Kɔnɔ male ma anu sɔ de!

Kɛwɔlɛnu 15:5

Kɔnɔ Farisi minnu bara dɛnkɛninya Yisa ma, wonu ya anu nasɔ. Anu ko a fɛrɛ sa fɔ sibolo-gbɛrɛ kɛnu ni kemininya iko anu denu, ado anu ya a fɔ anu ye fanan ko anu ni Musata tɔnnu bira iko anu denu.

Romu 14:14

N bi Mari Yisa rɔ min kɛ, wo ara a yira n na yati, ko dɔn-fen wo dɔn-fen sa min natinyanɛ Alla yala. Kɔnɔ ni mɔgɛ do lanɛ a la ko dɔn-fan do latinyanɛ le, a la ara tinya ale ye worɔ.

Kalesiya 1:18

San sawa wo kɔma, n tara Yerusalɛm ka kuma Pita ye. N tora a fɛ lɔgɔkun fila.

Kalesiya 1:6

N kawanɛ wole Kalesiya kɛnu ma! Wo ara Allata kilɛ boloka tiriya, ado ale le ya wo yabɔ ata hinɛ fɛ kɔnɔ wole lara ko-gbɛrɛkɛ la, anu bi min kelela ko kibara-nyimɛ.

Kalesiya 2:3

N ta-nyɔgɛ Taita, Kiriki le wo la kɔnɔ hali wo, chɔchi-kunyɛnu ma a fɔrɔsɛ kemininya-koe ma anuna tɔn fɛ.

Kalesiya 2:5

Kɔnɔ ma ye a fɛ ka kibara-nyimɛ mara wo ye nun a kilɛ fɛ, woletɔ ma ma sɔn lakɔrɔsilɛ wonu bolo hali doni bɛrɛni!

Kalesiya 2:7

Ado nfan, anu denu ya a yen ko Alla ara dunɛ di n ma ka kibara-nyimɛ-kawandili bɔ sibolo-gbɛrɛnu ye iko a ara dunɛ di Pita ma nya min ka kibara-nyimɛ-kawandili bɔ Yahudiyanu ye.

Kalesiya 2:9

Yemesi anubɛ Pita anubɛ Yɔni, mɔgɛnu ya minnu lɔn anuna mɔgɔ-banu na, kɔni, mɔgɛ wonu ya a yen ko Alla le ya wɔlɛ kɛ di n ma ata hinɛ fɛ. Anu ya anu bole sa mabɛ Banabasi bole tɔ alako ka a yira ko ma bɛɛ ara ma kelen na. Ma dama sɔnta ko male ni mata wɔlɛ kɛ sibolo-gbɛrɛnu tɛma, anu denu ni anuta wɔlɛ kɛ Yahudiyanu tɛma.

Kalesiya 6:12

Minnu bi a fɛ ka wo fɔrɔsɛ alako wo ni kemininya, wonu bi anu nyɛrɛ-matɔgɔ-koenu denu tɔ. Anu sa a fɛ, anu ni tɔrɔyɛ sɔrɔn Kirasiti-faga-kawandili dɔrɔn fɔɛla ko la.

Kɔlɔsi 1:5

ado kebi wo ya kibara-nyimɛ kɛ lamɔɛn a fɔlɔtɛ rɔ, wo tora lala wo la ka wo yigi sa a kuma gben! Wo ye wo mala bawo wota sewɛ maranɛ wo ye Arinyɛni tɔ.

1 Timoti 5:20

Minnu ti sɔn hakɛ bolokala wo tɛma, wonu makuma gbɛ rɔ, alako mɔgɔ-toenu si kilan nya min.

Hiburunu 12:13

Wo ni tagama kila-latelennɛnu fɛ, woletɔ minnu kian ra ma gbɛlɛ, wonu kana bui, ado anu kiannu ta si gbɛlɛya.

Hiburunu 9:10

bawo wonu bi dɔn-fen-koe anubɛ minni-fen-koe anubɛ fɛrɛ-sɛninya-koe denuna ko la dɔrɔn. Tɔn le wonu na dɔrɔn minnu siginɛ ha Alla ni koe bɛɛ yɛlɛma tumɛ min.