Kalesiya 1:6 - ALLALA KUMƐ

⁶ N kawanɛ wole Kalesiya kɛnu ma! Wo ara Allata kilɛ boloka tiriya, ado ale le ya wo yabɔ ata hinɛ fɛ kɔnɔ wole lara ko-gbɛrɛkɛ la, anu bi min kelela ko kibara-nyimɛ.

Kalesiya 1:6 ပူးပေါင်းရင်းမြစ်များ

Yaburi 106:13

Kɔnɔ a ara min bɛɛ kɛ anu ye, anu nyinara wonu ko tiriya! Anu gbaranta anu nyɛrɛ la. Anu ma Allata makawandilɛ makɔni.

Aiseya 29:13

Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Maraka 6:6

A kawara anuna dɛnkɛninyabɛlitayɛ ma kati! Wo kɔma, so-mɛsɛ minnu bi nyɔla foolɛ rɔ, Yisa tagamanta wo bɛɛ rɔ ka mɔgɛnu karan.

Yɔni 9:30

Ale fiyon-kɔrɛ wo ya anu yabi ko, “Nba, kabana-ko le kɛ la! Wo ma kei wo bɔ tinɛ lɔn kɔnɔ a ara n yɛ laka!

Kɛwɔlɛnu 15:11

Male ara dɛnkɛninya Mari Yisa ma nya min, anu fanan bi wo nya na le. Ma bɛɛ kisinɛ Mari Yisata hinɛ fɛ.”

Romu 10:3

Alla si mɔgɔ latelen a nyɛrɛ ye nya min, anu ma wo lɔn. Anu bara anu taya ka anu nyɛrɛta kilɛ nyini. Alla si mɔgɔ latelen a nyɛrɛ ye kilɛ min fɛ, anu ma sɔnnɛya Alla ye kilɛ wo ma.

Romu 5:2

Dɛnkɛninyɛ fɛ, Yisa ara ma lana Allala hinɛ kɔrɔ, ado ha kaka, ma ye hinɛ wo le kɔrɔ. Ma sewanɛ fanan bawo ma ya a lɔn ko wati do, ma si ala gbiliyɛ wo diya bɔ.

Romu 8:28

Minnu ya Alla keni, a ara minnu kele ala ko-latɛgɛnɛnu ma, kɔni, ma ya a lɔn ko fenfen wa wonu taran, Allatala si wo yɛlɛma ko-nyimɛ la anu ye,

Romu 8:30

Alla ara minnu yabɔ, a ya wonu denu kele. A ma a to kelelɛ wo dɔrɔn ma fɔ ka anu natelen a nyɛrɛ ye fanan, ado a ma a to latelan dɔrɔn ma fɔ ka a nyɛrɛta gbiliyɛ di anu ma fanan.

1 Kɔrɛnti 4:15

ado hali karan-mɔgɔ waga-yirika ye wo bolo Kirasiti rɔ, fa kelen de ye wo bolo. N bara kibara-nyimɛ lana wo ma min kɛ, n bara ma wo fa la Kirasiti Yisa rɔ wo nya le.

2 Kɔrɛnti 11:4

Min bɛɛ ye nala wo wara ka Yisala kawandili-dogbɛrɛ bɔ wo ye, wo sewanɛ wonu na ka wo munyu wonu kɔrɔ. Male ya Yisala kawandilɛ min bɔ, kelen ma wonu na. Nba, wo ara niyi anubɛ kibara-nyimɛ min bira foninya-kilayɛnu bolo, wonu faranɛ matɛ ma feu! Wo ya Allata Ni-Sɛnimɛ anubɛ kibara-nyimɛ min sɔrɔn male bolo, kelen ma anu na feu!

2 Kɔrɛnti 2:17

Male sa iko mɔgɔ siyaman bi nya min. Wonu bi Allala kumɛ mayirala iko fere-kɛ-fan min dɛ ma gbɛlɛ. Kɔnɔ Alla ara ma sɔ min kɛ, ma ye kumala gbɛ rɔ Alla yala iko Kirasitita wɔli-kɛlɛnu.

Kalesiya 1:11

N na-kelen-nyɔgɛnu, n ni kɛ fɔ wo ye. N bi kibara-nyima-kawandili min bɔla, wo ma bɔ hadama-den-miriya rɔ.

Kalesiya 1:15

Kɔnɔ yanni n ni sɔrɔn, Alla le ya n yabɔ ata hinɛ fɛ. A ya n kele ko n ni wɔlɛ a ye.

Kalesiya 1:7

Kɔnɔ kibara-nyima-gbɛrɛkɛ sa mumɛ! Mɔgɛ donu bi nyɔ minnu bi wo tɔrɔla. Anu bi anu tayala ka foninyɛ basan Kirasitila kibara-nyimɛ la.

Kalesiya 2:14

N ya a yen tumɛ min ko anu sa ko-telennɛ kɛla iko kibara-nyimɛ ya a fɔ nya min. N ya a fɔ Pita ye anu dama yala ko, “Yahudiya le ile la kɔnɔ i sɔnta nun ka ma iko sibolo-gbɛrɛ. Nfenna worɔ, i si sibolo-gbɛrɛnu fɔrɔsɛ alako anu ni ma iko Yahudiyanu?”

Kalesiya 2:2

N tara bawo Alla le ya a lagbɛ n ye ko n ni ta. Mabɛ chɔchi-mɔgɔ-banu ya ma kun nayigi. N ya kibara-nyimɛ-kawandili bɔ sibolo-gbɛrɛnu ye nya min, n ya wo faranfasi anu ye ladɛn wo rɔ. N bara wɔlɛ min kɛ fɔlɔ-nun wo, n bi min kɛla kaka wo, n sa a fɛ, wo fenfen ni ma fuyi la.

Kalesiya 2:5

Kɔnɔ ma ye a fɛ ka kibara-nyimɛ mara wo ye nun a kilɛ fɛ, woletɔ ma ma sɔn lakɔrɔsilɛ wonu bolo hali doni bɛrɛni!

Kalesiya 2:7

Ado nfan, anu denu ya a yen ko Alla ara dunɛ di n ma ka kibara-nyimɛ-kawandili bɔ sibolo-gbɛrɛnu ye iko a ara dunɛ di Pita ma nya min ka kibara-nyimɛ-kawandili bɔ Yahudiyanu ye.

Kalesiya 5:14

ado tɔn bɛɛ kuri le tɔn kelan kɛ la ko, “I ni i sigi-nyɔgɛ keni iko i nyɛrɛ.”

Kalesiya 5:4

Wole minnu bi wo rayala ka telen Alla ye tɔn-birɛ fɛ, wo ara wotɛ bɔ Kirasiti wara-koe rɔ feu! Wo sa Allata hinɛ kɔrɔ tun.

2 Tɛsalonaika 2:14

Ma ya kibara-nyimɛ min nake wo ma, wo sebu le ya wo kele Alla wara. A ya wo kele alako wo ni wotɛ sɔrɔn Mari Yisa, Allata-Mɔgɔ-Yabɔnɛta gbiliyɛ rɔ.

1 Timoti 1:14

Ma Mari Yisa ya ala hina-waranɛ labɔn n kuma ka dɛnkɛninyɛ anubɛ diyanayɛ di n ma, ado matɛ le wonu na Yisa Kirasiti baraka rɔ.

1 Timoti 1:3

N bi a fɛ, i ni to Ɛfɛsa soe burɔ iko n ya i madiya nya min wo tumɛ n bi tala Masidoniya nyamanɛ rɔ. Mɔgɛ donu bi mɔgɛnu karanna foninya-dinanu ma nyɔ. A fɔ anu ye ko anu ni fara wo la.

2 Timoti 1:9

Alla ya ma kisi ka ma yabɔ ko ma ni ma ata mɔgɔ-sɛnimɛnu na. A ma ma yabɔ mata kɛwɔlɛnuna ko la fɔ a nyɛrɛ sako anubɛ ata hinɛ baraka rɔ. Yanni duninya ni dan, a ya ata hina-wɛ yira ma la Yisa Kirasiti rɔ.

2 Timoti 2:1

Nba, nna dan, i ni Alla madiya ko a ni i sɛnbɛ makofu. A si i sɛnbɛ makofu ka a tɛgɛ ata hinɛ ma i wara la Yisa Kirasiti baraka rɔ.

1 Pita 1:15

Min fisa, wo ni sɛninya kɛ-nya-bɛɛ rɔ iko Alla min ya wo kele, wo sɛninyanɛ nya min,

2 Pita 1:3

Alla ye a fɛ, ma ni ata gbiliyɛ anubɛ ata nyimayɛ sɔrɔn a fɛ bawo ma ya a lɔn min ya ma kele. Lɔnnɛ wo baraka rɔ, ma makoe ye fan min bɛɛ la ka Alla diyana-koe kɛ, wo bɛɛ dinɛ ma ma.

Lankɛnimayɛ 22:21

Alamɛ Mari Yisata hinɛ tora wo dama fɛ.