Kalesiya 1:18 - ALLALA KUMƐ

¹⁸ San sawa wo kɔma, n tara Yerusalɛm ka kuma Pita ye. N tora a fɛ lɔgɔkun fila.

Kalesiya 1:18 ပူးပေါင်းရင်းမြစ်များ

Yɔni 1:42

Wo kɔma, a nara Saimon la Yisa wara. Yisa ya a mafɛlɛn tumɛ min, a ko, “Saimon le ile la, Yɔnila dan. I tɔgɛ si kele Sifasi.” (Tɔgɛ kɛ anubɛ Pita, tɔgɔ kelen de! A kɔrɛ le, “Farɛ.”)

Kalesiya 2:11

Pita nara Antiyaki tumɛ min, n ya a makuma dɛnkɛninya-mɔgɛnu yala bawo a ma ko-telennɛ kɛ.

Kalesiya 2:14

N ya a yen tumɛ min ko anu sa ko-telennɛ kɛla iko kibara-nyimɛ ya a fɔ nya min. N ya a fɔ Pita ye anu dama yala ko, “Yahudiya le ile la kɔnɔ i sɔnta nun ka ma iko sibolo-gbɛrɛ. Nfenna worɔ, i si sibolo-gbɛrɛnu fɔrɔsɛ alako anu ni ma iko Yahudiyanu?”

Kalesiya 2:7

Ado nfan, anu denu ya a yen ko Alla ara dunɛ di n ma ka kibara-nyimɛ-kawandili bɔ sibolo-gbɛrɛnu ye iko a ara dunɛ di Pita ma nya min ka kibara-nyimɛ-kawandili bɔ Yahudiyanu ye.

Kalesiya 2:9

Yemesi anubɛ Pita anubɛ Yɔni, mɔgɛnu ya minnu lɔn anuna mɔgɔ-banu na, kɔni, mɔgɛ wonu ya a yen ko Alla le ya wɔlɛ kɛ di n ma ata hinɛ fɛ. Anu ya anu bole sa mabɛ Banabasi bole tɔ alako ka a yira ko ma bɛɛ ara ma kelen na. Ma dama sɔnta ko male ni mata wɔlɛ kɛ sibolo-gbɛrɛnu tɛma, anu denu ni anuta wɔlɛ kɛ Yahudiyanu tɛma.