Kalesiya 1:17 - ALLALA KUMƐ

¹⁷ Minnu mara kilayɛnu na n yarɔ nun Yerusalɛm, n ma ta wonu fanan bara. N tara Arebiya nyamanɛ le rɔ kelenna. Wo kɔma, n sɛgira Damasika soe burɔ.

Kalesiya 1:17 ပူးပေါင်းရင်းမြစ်များ

Kɛwɔlɛnu 9:10

Yisata mɔgɛ do ye Damasika nun, a tɔgɛ Ananayasi. Mari kumara wo ye ko-rayirɛ rɔ ko, “Ananayasi.” A ya a labira ko, “Mari, n bi yan.”

Kɛwɔlɛnu 9:19

A ya fen-dɔn-kɛ tumɛ min, a ya sɛnbɛ sɔrɔn tun. Sɔli tora Yisata mɔgɛnu fɛ Damasika soe burɔ wati-ni kɔrɔ.

Kɛwɔlɛnu 9:2

ka kɛdinu manyinika a bolo minnu si ale Sɔli wara-koe fɔ Yahudiyanuna dina-bon-kun-tiginu na Damasika soe burɔ. Kɛdi wonu ko ni a ya mɔgɔ-wo-mɔgɔ taran Marita kilɛ fɛ nyɔ, a ni wo bira ka ta wo la Yerusalɛm, kei wo, musu wo.

Kɛwɔlɛnu 9:8

Sɔli ya a lasɔ gbɛ! A ya a yɛ laka kɔnɔ a ma ke fen yenna. Woletɔ anu ya a bole bira ka ta a la Damasika soe burɔ.

Kalesiya 1:18

San sawa wo kɔma, n tara Yerusalɛm ka kuma Pita ye. N tora a fɛ lɔgɔkun fila.