Kalesiya 1:10 - ALLALA KUMƐ

¹⁰ N sa n tayala ka mɔgɛ hɛnɛ koe kɛnu tɔ! N bi a fɛ ka Alla kelen pe le hɛnɛ. Wo miri ko n bi n tayala ka diya mɔgɛnu ye, wa? Ni n bi n tayala ka diya mɔgɛnu ye, n ti ma Kirasitila wɔli-kɛlɛ la nun mumɛ!

Kalesiya 1:10 ပူးပေါင်းရင်းမြစ်များ

Matiyu 22:16

Anu ya anuna karan-dan donubɛ Mansa Hɛrodila fɛ-bilalɛnu nata Yisa ma. Wonu ko, “Karan-mɔgɔ, ma ya a lɔn ko mɔgɔ-telennɛ le ile la. I ye mɔgɛnu karanna tonyɛ la Alla sako rɔ. I ti kilan mɔgɔ-wo-mɔgɔ la, ado bɛɛ rakɛn ile yala.

Matiyu 28:14

Nba, ni kun-tigi Pailɛti ya wo lamɔɛn, ma si a madiya, hali wo ma hɔn fenfenna ko la.”

Matiyu 6:24

“Mɔgɔ ti ke wɔli-kɛla tigi fila ye wati kelan rɔ. Ni a ya wo ma, kelen si diya a ye, kelen si gboya a ye. A si kelan gbiliya ka kelan lafɛya. Wole fanan bi wo nya le. Wo ti Alla anubɛ nɔnfuli nyini nya-kun-kelen.

Kɛwɔlɛnu 12:20

Mansa Hɛrodi diminyara Taya anubɛ Saidon so-burɔ-mɔgɛnu ma kati! Kɔnɔ anuna nyamanita-mɔgɛnu bi anuna dɔn-fannu sɔrɔnna Mansa Hɛrodila nyamanɛ le tɔ. Woletɔ anu ya anu nadɛn ka ta Hɛrodi yen. Bilasita min bi Hɛrodila mɔgɔ-ba do la, anu ya wo fɔlɔn ma anu yatigi la bawo wo le kun-tigiyɛ la nyɔ. Wo kɔma, anubɛ Bilasita tara Hɛrodi wara ka a madiya ni a si kɛlɛ ban.

Kɛwɔlɛnu 5:29

Pita anubɛ Marita kilayɛnu ya a yabi ko, “A fɛrɛ sa fɔ ma ni Allala kumɛ bira ka mɔgɛnutɛ to nyɔ.

Romu 1:1

Nde, Pɔli le ye kɛdi kɛ sɛbɛla wo ma. Alla ara nde yabɔ alako n ni ma Yisa Kirasitila wɔli-kɛlɛ la anubɛ ata kilayɛ. A ya n kele Allala kibara-nyimɛ-lake-wɔli ma.

Romu 2:29

Kɔnɔ Yahudiya-bɛrɛ le wo mɔgɛ la min telennɛ Alla ye. Woletɔ kemininya-bɛrɛ ye mɔgɔ-yisi le tɔ. Allala Ni-Sɛnimɛta wɔlɛ le wo la. Tɔn-birɛ mako sa wo la. Yahudiya-bɛrɛ si matɔgɔlɛ sɔrɔn Alla bolo. A ti a sɔrɔn mɔgɛ bolo.

Romu 2:8

Kɔnɔ donu si anu nyɛrɛ keni dɔrɔn ka anu ban ko-telennɛ-kɛ-koe ma. Koe minnu ma telen, anu bilanɛ wonu denu fɛ. Alla si ala diminyɛ anubɛ ala mɔninyɛ rawuya wonu kuma.

1 Kɔrɛnti 10:33

Wo ni a ma wo fɛrɛma iko nde ye a mala nya min. N bi n tayala ka mɔgɛ bɛɛ hɛnɛ koe bɛɛ rɔ. N sa n mirila ko-nyimɛ ma n nyɛrɛ ye dɔrɔn fɔ mɔgɛ bɛɛ ye alako anu denu ni kisi.

2 Kɔrɛnti 12:19

Tumado, wo ye wo mirila ko ma ye ma rayala wati bɛɛ ka ma nyɛrɛ fɛka wo ye. Ade! Ma ye kumala iko Kirasiti ye a fɛ, ma ni kuma nya min Alla yala. Ma diyana-mɔgɛ le wole la. Ma ye koe min bɛɛ mala, ma ye wo kɛla wo dɛnbɛn-koe le la.

Ɛfɛsa 6:6

Wo ni wola wɔlɛ kɛ wo sɛbɛ la hali anu kɔma. Wo kana a ma alako anu ni wo matɔgɔ. Wo ni Alla-diyana-koenu kɛ wo yisi bɛɛ la iko wo ye wɔlila Kirasiti ye nya min.

Filipai 1:1

Nde, Pɔli anubɛ Timoti ye kɛdi kɛ sɛbɛla. Yisa Kirasitila wɔli-kɛlɛ le male la. Kɛ sɛbɛnɛ wole, Allata mɔgɛnu ma minnu bi Filipai soe burɔ ka a lake wobɛ chɔchi-mɔgɔ-banu ma anubɛ minnu bi dɛnbɛnɛ kɛla nyɔ. Wo bɛɛ ye Kirasiti Yisa rɔ dɛnkɛninya-kilɛ fɛ.

Kɔlɔsi 3:22

Wole yɔɔnnu, wo ni wo tiginuna kumɛ bira koe bɛɛ rɔ. Wo ni wola wɔlɛ kɛ, hali anu ya sa wo la. Wo ni anu hɛnɛ wo yisi bɛɛ la alako Mari ni gbiliyɛ sɔrɔn wo bolo.

1 Tɛsalonaika 2:4

Iko Alla ara ma lakɔrɔsi nya min, a ye a fɛ, ma ni kibara-nyimɛ fɔ mɔgɛnu ye wo nya na le. A ya wɔlɛ wo bɛɛ kerifa ma la. Ma wa kuma, ma sa ma rayala ka mɔgɛnu hɛnɛ fɔ Alla min bi ma yisi lakɔrɔsila.

Yemesi 4:4

Wole lanayabɛlɛnu, ka a fɔ ko ni duninya kɛ diyara mɔgɔ-wo-mɔgɔ ye, Alla yoge le wo tigi la, wo ma wo lɔn, wa? N ni a fɔ tun, mɔgɛ min bi mala duninya kɛ diyana-mɔgɛ la, wo si a nyɛrɛ ma Alla yoge la.

1 Yɔni 3:9

Allala dan ye minnu na, wonu ti to hakɛ kɛla bawo Alla sɔn ye wonu bolo, ado anu Fa ye Alla la min kɛ, anu ti ke tola hakɛ kɛla worɔ.

1 Samuwɛli 21:7

Wo ya a taran, Mansa Sɔlila saga-kandanna-kun-tigi min tɔgɛ Dowɛgi, wo ye saraka-masɔlɛ wo fɛ. A matanbaninɛ nyɔ bawo a tara min na Marita Fani-Bɔn la, a ma wo ka wɛ a la anubɛ Alla tɛma. Idɔm kɛ le ale la.