Yɔni 8:7 - ALLALA KUMƐ

⁷ Anu tora nyinikalɛnu kɛla min kɛ, Yisa ya a lasɔ ka a fɔ anu ye ko, “Ni min ya a lɔn ko a ma hakɛ kɛ bɛ wo tɛma, wo fɔlɔn ni kuri lakɛ a ma.”

Yɔni 8:7 ပူးပေါင်းရင်းမြစ်များ

Hɛnkilimaya-Kumɛnu 12:18

Kuma-yogoma-fɔlɛla kumɛ si to mɔgɔ-sɔn sɔgɔla a rɔ kɔnɔ hɛnkilimɛta kumɛnu si to mɔgɔ yisi-kimɛla.

Yɛrɛmaya 23:29

Mari ko ata sarakanɛ mani de fanan iko tɛ. A ko a mani de iko kundu-wɛ min bi fara-kole ratiila.

Yɔni 7:46

Kandannɛ wonu ya anu yabi ko, “Ha bi, mɔgɔ-wo-mɔgɔ ma kuma iko kei kɛ kumara nya min!”

Yɔni 8:10

Yisa ya a lasɔ ka musi wo manyinika ko, “I maburilɛnu bi mintɔ? Mɔgɔ ma to min si i yiliki?”

Yɔni 8:8

A ya a madu tun ka sɛbɛli kɛ dugi ma.

Kɔlɔsi 4:6

Wola kumɛ ni mɔgɔ hɛnɛ ka diya tumɛ bɛɛ. Wo ni mɔgɛ bɛɛ yabi a kilɛ fɛ.

Lankɛnimayɛ 1:16

Lolo wɔrɔnfilɛ biranɛ a bolo-nyimɛ rɔ. Faan-da-filɛ min dɛ ye a la bɛrɛkɛ, wo ye bɔla a da rɔ. A yakɔrɛ ye malanna iko tele tenbi bɔla tele latelan.

Lankɛnimayɛ 19:15

Faan-da-diyamɛ ye bɔla a da rɔ a si sibolenu nɔ min na. A si mansayɛ kɛ anu kun na ka anu mara nɛgɛ-gbelekɛ la. A si nɔnbɔ-gbɔɛ radɔn a kian la ka a yi labɔ iko baan, ado Alla Sɛnbɛ Bɛɛ Tigita diminya-belebele-wɛ si anu sugun kan min a radɔn tinɛ wo la.

Lankɛnimayɛ 2:16

Nba, wo ni wo kɛ-nya yɛlɛma! Ni wo ma, faan-da-filɛ min bi bɔla n da rɔ, n si na yona ka mɔgɛ wonu kɛlɛ wo la.