Yɔni 8:56 - ALLALA KUMƐ

⁵⁶ Wo benba Iburayima sewara bɛrɛkɛ, bawo Alla ya a yira a la n bi nala wati min. A ya a yen min kɛ, a sewara dɔgɔma-ma-de!”

Yɔni 8:56 ပူးပေါင်းရင်းမြစ်များ

Ko-Dabirɛnu 22:18

Duninya-mɔgɛ bɛɛ si duwɛ sɔrɔn ile bɔnsɔn fɛ kamasɔrɔn i wara n kuman-kan to a gbɛ rɔ.”

Matiyu 13:17

Wo ni wo hɛnkili to kɛ ko! Wo ye min yenna, a sɔgɛ ye nɛbi siyaman anubɛ Allata mɔgɔ siyaman na nun ka wo yen kati! Kɔnɔ anu ma ke a yenna. Wo ye min namɔɛnna kɛ, anu denu ma ke wo lamɔɛnna.

Luka 10:24

ado n bi tonyɛ fɔla wo ye, wo ye min yenna, a sɔgɛ ye nɛbi siyaman anubɛ mansa siyaman na nun ka wo rayen kɔnɔ anu ma fɛrɛ sɔrɔn ka wonu tayen. Wo ara min namɔɛn, anu bi a fɛ ka wo lamɔɛn nun kɔnɔ anu denu ma ke wo lamɔɛnna.”

Yɔni 10:25

Yisa ya anu yabi ko, “N bara ban wo fɔla wo ye nun kɔnɔ wo ma la n na. N ya kɛwɔlɛ minnu kɛ n Fala sɛnbɛ rɔ, kɛwɔlɛ wonu fanan bi sereyɛ bɔla nna ko la.

Yɔni 8:37

N ya a lɔn ko Iburayima bɔnsɔn le wole la. Hali wo, wo ye wo rayala n faga-koe ma bawo nna karan ma sigi tinɛ sɔrɔn wo yisi rɔ bɛ.

Yɔni 8:39

Anu ya a yabi ko, “Ma benba le Iburayima la.” Yisa ya anu yabi ko, “Ni Iburayimala bɔnsɔn-bɛrɛ le wole la nun, wola ko-ladan-nyanu anubɛ atɛ si ma kelen na.

Hiburunu 11:13

Mɔgɛ wonu bɛɛ fagara anuna dɛnkɛninyɛ rɔ. Alla ya lanyiri min kiri anu ye, anu ma wo sɔrɔn kɔnɔ anu ya wo yen wula-yan la pon! Anu ya min yen, anu sewara wo la ka sɔn ko sundan anubɛ yilan-yilantoe le anu na dugu-kole kuma.

Hiburunu 11:39

Mɔgɛ wo bɛɛ malɔnnɛ anuna dɛnkɛninyɛla ko la. Hali wo, Alla ya lanyiri kiri anu ye fan minna ko la, anu ma ke wo sɔrɔnna