Yɔni 8:48 - ALLALA KUMƐ

⁴⁸ Yahudiyanuna kun-tiginu ya Yisa manyinika ko, “Ma ya a fɔ min kɛ ko Samariya kɛ le ile la, ko nyinatoe le ile la, ma ma tonyɛ le fɔ wo la, wa?”

Yɔni 8:48 ပူးပေါင်းရင်းမြစ်များ

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Aiseya 53:3

Mɔgɛnu bara anu ban a la ka a magboya. Tɔrɔyɛ anubɛ dumɛ da ra kolo a kuma ha a mapɛsɛkɛrɛyara. Wo ya a ma, mɔgɔ ma ke a mafɛlɛnna. Mɔgɔ ma a yakɔrɔ yira a la bawo anu ma a yatɛ fenfen na.

Matiyu 10:25

Nba, karan-dan wa ke a karan-mɔgɔ rɔ, a bɛnta, wo ni a wasa. Yɔɔn fanan ba ke a tigi rɔ, a bɛnta, wo ni a wasa. Ni anu ya denbaya-tigi kele ko, Biyɛsiba, denbayɛ toenu si tɔgɔ-yogomɛ sɔrɔn ka tenbi ale la!

Matiyu 10:5

Yisa ya mɔgɔ tan-ni-filɛ wonu masara ka anu nata ko, “Wo kana ta sibolo-gbɛrɛnuna nyamani-wo-nyamani rɔ, hali Samariya kɛnuna soenu tɔ.

Matiyu 11:18

Nba, Yɔnila nɛ, a ma na fen-dɔn anubɛ minni-koe la dɔrɔn. Bɛɛ ko nyinatoe le ale la!

Matiyu 12:24

Farisinu ya wo lamɔɛn tumɛ min, anu ya a fɔ nyama ye ko, “A ye nyinɛnu gbenna bawo sɛnbɛ wo bɔnɛ nyina-kun-tigi bolo, Biyɛsiba, kɔni.”

Matiyu 12:31

Wo le ya a to, n bi a fɔla wo ye ko mɔgɛnu bi hakɛ min bɛɛ kɛla anubɛ anu bi kuma-yogomɛ min bɛɛ fɔla, anu ma si koto wo bɛɛ la. Kɔnɔ min bi kuma-yogomɛ fɔla Allala Ni-Sɛnimɛ ma, a ma ti koto wo la.

Matiyu 15:7

Wole nyɛrɛ-mayiralɛnu! Nɛbi Aiseya ya wɔlɔyiyɛ kɛ a kin na wolela ko la, yɔ! A ko,

Yɔni 1:19

Yahudiyanuna kun-tigi minnu bi Yerusalɛm, wonu ya saraka-masɔlɛnu anubɛ Lifayi bɔnsɔnnu nata Yɔni ma ka a manyinika ko, “Yon bi ile la?” Yɔni ya min fɔ, wo le kɛ la.

Yɔni 10:20

Anu siyaman ya a fɔ ko, “Nyinatoe le! A ara yuwaya! Mɔgɔ si a tole masɔ wo la nfenna?”

Yɔni 13:13

Wo ye n kelela ko karan-mɔgɔ anubɛ Mari. Wo fɔɛ bɛnta bawo wo le nde la.

Yɔni 4:9

Musi wo ya Yisa yabi ko, “Yahudiya le ile la. Samariya kɛ le nde la. I ye n tarala yi ma?” (Ado nfan, Yahudiyanu ti yi min Samariya kɛnuna yi-lafɛ rɔ.)

Yɔni 7:20

Nyama ya a yabi ko, “Nyinatoe le ile la! Yon bi a rayala i faga-koe ma?”

Yɔni 8:22

Nba, Yahudiyanuna kun-tiginu ya a fɔ anu nyɔgɔn ye ko, “A ko a ye tala kan min, ma ti ke tala nyɔ. Kɛ kɔrɛ ye nfen na? A ye nyinina a nyɛrɛ faga-koe rɔ?”

Yɔni 8:52

Yahudiyanuna kun-tiginu ya a fɔ a ye ko, “Ma ara la a la serr, ko nyinatoe le ile la. Iburayima ara faga, nɛbinu bara faga, hali wo, ile ko min ba ila kumɛ bira, wo ti faga habadan!

Romu 15:3

ado Kirasiti ma a raya a nyɛrɛ-hɛnɛ-koe la. A sɛbɛnɛ Yaburi kitabu rɔ ko, “Anu bi mɔɛn-kumɛ minnu natala ile Alla ma, wo ye sɛgila nde, ala wɔli-kɛlɛ le ma.”

Hiburunu 13:13

Nba, male wa tɔrɔyɛ sɔrɔn tumɛ min, ma ni ta Yisa wara Yahudiyanu daga tinɛ kɔma alako ma bɛɛsi ni ala miliyɛ wo sɔrɔn ale fɛ,

Yemesi 2:19

I lanɛ a la ko Alla kelen pe le nyɔ, nyɛ? Wo kin! Nyinɛnu fanan lanɛ wo la ka yɛrɛyɛrɛn kilan bolo.