Yɔni 8:40 - ALLALA KUMƐ

⁴⁰ N bi tonyɛ fɔla wo ye tolon, iko n ya a lamɔɛn Alla bolo nya min. Kɔnɔ hali wo, wo ye wo rayala n faga-koe ma, ado Iburayima ma ko-su wo ladan nun.

Yɔni 8:40 ပူးပေါင်းရင်းမြစ်များ

Yaburi 37:12

Karagbɛlɛnu si mɔgɔ-nyimɛnu yanfa. Anu si to anu wunu-wununa gboyanayɛ bolo.

Yaburi 37:32

Karagbɛlɛ si a yɛ sa mɔgɔ-latelennɛ fɛ kɛlɛlɛ! A si wo ma alako a si a bila nanparan rɔ nya min ha anu ni wo faga.

Yɔni 7:1

Wo kɔma, Yisa ya Kalili sigisɔn ratagama. A ma sɔn tala Yudiya nyamanɛ rɔ bawo Yahudiyanuna kun-tigi minnu bi nyɔ, wonu bi a faga-koe rɔ.

Yɔni 8:26

Ko siyaman ye nyɔ, n si min fɔ ka a bɛn wole ma, ado ko siyaman ye nyɔ, n si wo yiliki min na. Min ya n sɔ, tonya-tigi le wo la. N bara min namɔɛn ale bolo, n bi wo le fɔla duninya ye.”

Yɔni 8:56

Wo benba Iburayima sewara bɛrɛkɛ, bawo Alla ya a yira a la n bi nala wati min. A ya a yen min kɛ, a sewara dɔgɔma-ma-de!”

Romu 4:12

Minnu kemininyanɛ, wonu fanan benba le ale Iburayima la kɔnɔ ka a tɛgɛ anuna kemininyɛ, wo ma. Iburayima mara anu benba la bawo yanni a ni keminiya tumɛ min, a ye dɛnkɛninyɛ min tɔ nun, anu denu fanan taranta dɛnkɛninya kelan wo rɔ.

Kalesiya 4:16

N bara ma wo yoge la bawo n bi tonyɛ fɔla wo ye, wa?

Kalesiya 4:29

Wo wati rɔ, dan min ma sɔrɔn iko Allata lanyiri-latɛgɛnɛ ye nya min, a sɔrɔnta hadama-danta kilɛ le fɛ. Wo ya a lagbɛlɛya dan doi wo kuma min sɔrɔnta Allata Ni-Sɛnimɛ baraka rɔ, ado ha bi, a ye wo nya na le.

Lankɛnimayɛ 12:17

Ninkinankɛ diminyara musi wo ma kati! Musi wo bɔnsɔn-toe min ya Allata tɔnnu bira ka Yisala tonyɛ yira, ninkinankɛ wo tara wo bɛɛ kɛlɛ tinɛ.

Lankɛnimayɛ 12:4

Lolɛnu faranɛ sigi tina sawa la, a ya wo sigi tina kelan sagan a fɔɛn la ka bɔ san-kole rɔ ka anu nafili dugi ma. Musi min buyi gbiliyanɛ, a sɔra wo yakɔrɔ alako wo wa dan sɔrɔn nya min wo, a ni dan wo dɔn.