Yɔni 8:39 - ALLALA KUMƐ

³⁹ Anu ya a yabi ko, “Ma benba le Iburayima la.” Yisa ya anu yabi ko, “Ni Iburayimala bɔnsɔn-bɛrɛ le wole la nun, wola ko-ladan-nyanu anubɛ atɛ si ma kelen na.

Yɔni 8:39 ပူးပေါင်းရင်းမြစ်များ

Matiyu 3:9

Wo ya wo miri ko Iburayima manɛ wo benba la min kɛ, wo ti tɔrɔyɛ sɔrɔn. N bi a fɔla wo ye, hali kuri kɛnu, Alla si ke wonu mala dannu na Iburayima ye!

Matiyu 5:45

Wo le si a ma, i si ma iko i Fa Alla min bi Arinyɛni tɔ bawo a ye ala tele labɔla mɔgɔ-nyimɛ anubɛ mɔgɔ-yogomɛ bɛɛ ye nya-kun-kelen. Ko-latelenni-kɛla wo, ko-yogoma-kɛla wo, Alla ye bandɛ lanala wo bɛɛ ye.

Yɔni 8:33

Anu ya a yabi ko, “Iburayima bɔnsɔn le male la. Ha bi, ma ma ma wɛ mɔgɔna-yɔɔn la. Ka a fɔ ko ma si hɔrɔya, i miriya ye kama?”

Yɔni 8:37

N ya a lɔn ko Iburayima bɔnsɔn le wole la. Hali wo, wo ye wo rayala n faga-koe ma bawo nna karan ma sigi tinɛ sɔrɔn wo yisi rɔ bɛ.

Yɔni 8:43

N bi min fɔla, nfenna wo sa wo nya-yenna? Ado nfan, wo ti ke wo nya-yenna bawo wo sa sɔnna nna kumɛ lamɔɛnna.

Yɔni 8:56

Wo benba Iburayima sewara bɛrɛkɛ, bawo Alla ya a yira a la n bi nala wati min. A ya a yen min kɛ, a sewara dɔgɔma-ma-de!”

Romu 4:12

Minnu kemininyanɛ, wonu fanan benba le ale Iburayima la kɔnɔ ka a tɛgɛ anuna kemininyɛ, wo ma. Iburayima mara anu benba la bawo yanni a ni keminiya tumɛ min, a ye dɛnkɛninyɛ min tɔ nun, anu denu fanan taranta dɛnkɛninya kelan wo rɔ.

Romu 4:16

Alla ya lanyiri min kiri, mɔgɛ si wo tɔnɛ sɔrɔn dɛnkɛninyɛ fɛ. Wo mara le alako lanyiri wo ni ma di-ma-le la. Lanyiri wo kirita Iburayima anubɛ a bɔnsɔnnu ye kɔnɔ a sa tɔn-biralɛnu dɔrɔn ye. Minnu bara dɛnkɛninya Alla ma iko Iburayima ya a ma nya min, a ye wonu fanan ye, ado ma dama benba le Iburayima la dɛnkɛninyɛ fɛ.

Romu 9:7

ado Iburayima bɔnsɔn bɛɛ ma ma ala den-bɛrɛ la bawo Alla ya a fɔ Iburayima ye ko, “Ila den Isiyaka kebilɛ le dɔrɔn si ma itɛ la.” Wo kɔrɛ le ko fɔ dan minnu sɔrɔnnɛ iko Allala lanyiri ye nya min, wonu denu kofura Allata kebilɛ ma,

Kalesiya 3:29

Ni Kirasititɛ le wole la, Iburayima bɔnsɔn le wole la worɔ, ado Alla ara lanyiri kiri Iburayima ye min na, wo si wotɛ sɔrɔn lanyiri wo rɔ.

Kalesiya 3:7

Wo ni a lɔn ko dɛnkɛninyɛ ye min bolo, Iburayima bɔnsɔn-bɛrɛbɛrɛ le wo tigi la.