Yɔni 8:36 - ALLALA KUMƐ

³⁶ Ni nde, Allala dan ya wo hɔrɔya, wo si hɔrɔya feufeu!

Yɔni 8:36 ပူးပေါင်းရင်းမြစ်များ

Yaburi 119:133

I kana sɔn, n ni bui iko i wara n yili-madiya nya min. I kana sɔn, hakɛ ni don n kun na.

Yaburi 119:32

I wara n hɛnkili ya maka min kɛ, ita sereyanu bira-sɔgɛ ye n yisi la dɔgɔma-ma-de!

Yaburi 19:13

N bi a lawulila a ma ka hakɛ minnu kɛ, wonu fanan masɛgi n na. Anu kana na nɔ-ko sɔrɔn n ma. Fɛɛ ti taran n na worɔ. N na si fɛrɛ hakɛ-kɛ-koe ma.

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

Luka 4:18

“Marita Sɛnbɛ ye n tɔ. A ara n yabɔ alako n ni kibara-nyimɛ lake bolo-kolɔnnu ma. Minnu bi biralɛ rɔ, a ya n sɔ ka wonu boloka-koe fɔ anu ye anubɛ ka fiyɔnnu yɛ laka. Nɔɛ sanɛ minnu kuma, n si wonu hɔrɔya.

Romu 8:2

bawo Allata Ni-Sɛnimɛ min bi niyi dila ma ma, wo ara ma hɔrɔya Yisa Kirasiti baraka rɔ. A ya ma hɔrɔya ka ma bɔ hakɛta sɛnbɛ kɔrɔ min si na sayɛ la ma kuma.

1 Kɔrɛnti 7:22

Ni min bi yɔɔnyɛ rɔ, Mari ya i kele tumɛ min, i wara hɔrɔya i hakɛnu ma Mari bolo. Ni hɔrɛ le ile la Kirasiti ya i kele tumɛ min, i wara ma yɔɔn la Kirasiti kɔrɔ wo rɔ.

2 Kɔrɛnti 3:17

Nba, Mari wo, ata Ni-Sɛnimɛ le, ado Marita Niyi wo ye kan min, hɔrɔyɛ ye nyɔ le.

Kalesiya 5:1

Kirasiti ara ma hɔrɔya feu! Wo ara hɔrɔya min kɛ, wo ni wola hɔrɔyɛ bira gben! Wo kana sɔn ko Nɛbi Musata tɔn-kitabu ni wo ma yɔɔn la tun!