Yɔni 8:31 - ALLALA KUMƐ

³¹ Wo kɔma, Yahudiya minnu dɛnkɛninyara a ma, Yisa kumara wonu ye. A ko, “Ni wo ya nna karan bira, nna karan-den-bɛrɛ le wole la.

Yɔni 8:31 ပူးပေါင်းရင်းမြစ်များ

Matiyu 24:13

Kɔnɔ min si a munyu ha ala ban, wo si kisi,

Yɔni 1:47

Yisa ya Nataniyɛli yen nala a wara tumɛ min, a ya kɛ fɔ ala ko la. A ko, “Ma benba Isirɛla bɔnsɔn mɔgɔ-bɛrɛ le ye nala kɛ la. A raduni ma hali doni!”

Yɔni 2:2

Anu bara Yisa anubɛ ala karan-dannu fanan kele nun furu-kiri wo rɔ.

Yɔni 6:55

ado dɔn-fen-bɛrɛ le n bagbuyi la. Minni-fen-bɛrɛ le n yele la.

Yɔni 8:36

Ni nde, Allala dan ya wo hɔrɔya, wo si hɔrɔya feufeu!

Kɛwɔlɛnu 13:43

Mɔgɛnu bɔra ladɛn rɔ tumɛ min, Yahudiya anubɛ sibolo-gbɛrɛ siyaman minnu bi Yahudiyanuna dina rɔ, wonu bilara Pɔli anubɛ Banabasi fɛ. Kilayɛnu ya anu makawandi ko anu ni to Allata hinɛ rɔ.

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

Kɛwɔlɛnu 26:22

Kɔnɔ ha bi, Alla ye n dɛnbɛna. Woletɔ n sɔnɛ yan ka sereyɛ bɔ mɔgɛ bɛɛ ye, a nɔnfulu-tigi wo, a bolo-kolon wo, a filɛ bɛɛ. Nɛbi Musa anubɛ nɛbi doinu ya wɔlɔyiya-kumɛ minnu fɔ, n bi wonu denu fɔla anu ye.

Romu 11:22

Wole minnu bara bui, Alla ara a ragbɛlɛya wole le kuma kɔnɔ ni wo tora ala nyimayɛ rɔ, a si to ko-nyimɛ kɛla wo ye. Kɔnɔ ni wo ma wo ma, wole bɛrɛn si keri a la. Wo si ala nyimayɛ lɔn kɛ le ma kɔnɔ a si mɔgɛ bira yisi-gbɛlɛyɛ la nya min, wole si wo fanan lɔn.

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

Kɔlɔsi 1:23

Nba, wo ni wo sɔ yiri, wola dɛnkɛninyɛ rɔ. Wo kana sɔn, wo ni maga ka bɔ yigi wo rɔ. Wo ya kibara-nyimɛ lamɔɛn tumɛ min, wo ya yigi wo sɔrɔn. Nde, Pɔli le mara kibara-nyimɛ wota wɔli-kɛlɛ la, ado kibara-nyimɛ wo ara ke duninya-mɔgɛ bɛɛ ma.

1 Timoti 2:15

Kɔnɔ tɔ-a-la, musinu si kisi den-sɔrɔn fɛ ni anu tora dɛnkɛninyɛ anubɛ keninteyɛ anubɛ sɛninyɛ rɔ ka anu sɛbɛ don.

1 Timoti 4:16

I hɛnkili to i nyɛrɛ anubɛ ila karan ko. I ni to koe kɛnu kɛla bawo Alla si wobɛ i kan-namɔɛnnɛnu kisi ka a tɛgɛ ila wɔli-nyimɛ ma.

2 Timoti 3:14

Kɔnɔ ile karanta tonyɛ minnu na, i dɛnkɛninyanɛ minnu ma, kɔni, i ni to wonu tɔ, ado i ya i karan-mɔgɛnu lɔn.

Hiburunu 3:14

Ni ma tora lanayɛ kɛla ka bi a fɔlɔtɛ ha ala ban, ma dama ye ta-nyɔgɔnyɛ kɛla Kirasiti fɛ worɔ.

Hiburunu 8:9

Mabɛ wo benbanu sarata min ma, a ti ma wo su la tun. N ya anu bole bira tumɛ min ka anu nabɔ Iyipiti nyamanɛ rɔ, sarama-kan-kɔrɛ wo kirita tumɛ wo le tɔ. Ma sarata min ma wulɔn, anu ma sarama-kan wo latɔnbagaya. Woletɔ, nde, Mari ara n kan-kɔ sɔ anu na.

Yemesi 1:25

Kɔnɔ Allala tɔn-kanbalinɛ min si mɔgɔ hɔrɔya, mɔgɛ ni to wo mafɛlɛnna. Mɔgɔ-wo-mɔgɔ wa a yigi sa a rɔ, ado a ma a tole masɔ dɔrɔn ka a yili bɔ kumɛ wonu ko, Allatala ye nyinina min ma, a ye wo bɛɛsi mala. Wo tigi wa a bole bila ko-wo-ko rɔ, Alla si a lasabati.

1 Yɔni 2:19

Mɔgɔ-yogomɛ kɛnu bi ma kurun tɔ nun kɔnɔ anu bɔra ma fɛ. Ni mala mɔgɔ-bɛrɛbɛrɛ le anu na nun, anu si to ma fɛ nun. Kɔnɔ anu bɔra ma fɛ min kɛ, a ara bɔ gbɛ rɔ worɔ ko anu fenfen sa ma kurun tɔ tun.

1 Yɔni 2:24

Wo ya karan min namɔɛn fɔlɔ, wo kana nyina wo ko. Wo ni a mara wo yisi rɔ gben! Wo ya min namɔɛn fɔlɔ, ni wo tora wo yisi rɔ, wo si to Allala dan anubɛ a Fa rɔ worɔ tuma-wo-tuma.

2 Yɔni 1:9

Min ti to Kirasitila karan rɔ fɔ ka do sa a kuma, Alla sa wo bolo. Kɔnɔ min tonɛ karan wo rɔ, ma Fa Alla anubɛ ala den Yisa, anu fila bɛɛ ye wo le bolo.

1 Samuwɛli 12:14

Ni wo ya wo tole masɔ wota Mari Alla la ka a gbiliya ka ata tɔnnu bira ka ata wɔlɛ kɛ, wo wara-koe bɛɛ si ta a kilɛ fɛ. Ni wobɛ wola mansɛ ya Mari sako kɛ, ko-nyimɛ le wo la.