Yɔni 8:15 - ALLALA KUMƐ

¹⁵ Wo ye kiti tɛgɛla iko wola hadama-denyɛ ye nya min. Nde sa mɔgɔ-wo-mɔgɔ kiti tɛgɛla.

Yɔni 8:15 ပူးပေါင်းရင်းမြစ်များ

Emɔsi 5:7

“Bawo wo ye ko-telennɛnu tadula ka mɔgɛnu kensunya anu halala-fannu kuma, woletɔ Mari ko a ara a ban wo la ka wo kasara.

Emɔsi 6:12

Soeenu si ke anu burila kuru-gbɔgɔsa-gbagasɛnu kuma, wa? Sara-ninkinu si ke fara-gbaran rasinna, wa? Hali koe kɛnu min ma daga mala, wole Isirɛla mɔgɛnu bara ko-latelennɛnu yɛlɛma ko-yogomɛnu na.

Habakuku 1:4

Mɔgɔ-wo-mɔgɔla ko sa tɔn wara-koe rɔ tun bawo sɛnbɛ sa a rɔ. Kiti-tɛgɛlɛnu sa kiti tɛgɛla a kilɛ fɛ tun. Tuma-wo-tuma, mɔgɔ-telenbɛlɛnu kɛnɛna mɔgɔ-telennɛnu nɔla kiti rɔ. Anu bi tonyɛ yɛlɛmana foninyɛ la.

Luka 12:14

Yisa ya a fɔ a ye ko, “N bɔ, yon ya wo sɛnbɛ di n ma ko n ni ma kiti-tɛgɛlɛ anubɛ fen-faralɛ la wo filɛ tɛma?”

Yɔni 12:47

Min ba nna kumɛ lamɔɛn kɔnɔ a ma a bira, n ti wola kiti tɛgɛ bawo n ma na duninya kɛ rɔ mɔgɛnu yiliki tinɛ, fɔ ka anu kisi.

Yɔni 18:36

Yisa ko, “Nta mansayɛ sa duninya kɛ rɔ. Ni a ye duninya kɛ rɔ nun, nna mɔgɛnu si kɛlɛ kɛ n ye. Anu ti sɔn n don-koe la Yahudiya mɔgɔ-banu bolo. Nna mansayɛ sa yan tɔ mumɛ!”

Yɔni 3:17

Alla ma ala dan sɔ duninya rɔ alako a ni ma duninya-kiti-tɛgɛlɛ la, fɔ ka a ma duninya-kisilɛ la.

Yɔni 7:24

Wo kana mɔgɛ yiliki a yen-nya la. Kɔnɔ wo ni kiti tɛgɛ a kilɛ fɛ.”

Yɔni 8:11

A ya a yabi ko, “N fa, hali kelen ma to.” Nba, Yisa ko, “Nde fanan ti i yiliki. I ni ta kɔnɔ i kana hakɛ kɛ tun.”]

Romu 2:1

N diyana-mɔgɛnu, wo ye wo dɛ bilala mɔgɛnuna koe rɔ kɔnɔ wo wa wo bɔnu yiliki tumɛ min, wo ara wo nyɛrɛ le yiliki wo la. Masigima-kuma sa wo bolo worɔ! Ni wo ya a yen n bi wo fɔla bawo anu denu bi min mala, wole nyɛrɛ fanan bi wo le mala.

1 Kɔrɛnti 2:15

Ata Ni-Sɛnimɛ ye min bolo, wo si ke ka koe bɛɛ lakɔrɔsi kɔnɔ a sa min bolo, wo ti ke hali ale Ni-Sɛnima-tigi wo lakɔrɔsila.

2 Kɔrɛnti 5:16

Nba, ma ti mɔgɛ mafɛlɛn tun iko hadama-dan miriya ye nya min. Fɔlɔ-nun, ma ya Kirasiti mafɛlɛn iko hadama-dan miriya ye nya min kɔnɔ ma ti wo ma tun.

Yemesi 2:4

i ya nfen ma wo la? Wo yilikinɛ lafisayalɛ bolo worɔ wo nyɔgɔn tɛma. Wola kiti-tɛgɛ-yogomɛ kɛ ma kin mumɛ!

1 Samuwɛli 16:7

Mari ya a fɔ a ye ko, “I hɛnkili kana na buri mɔgɔla kinyɛ anubɛ ala yanyɛ fɛ. N sa nyinina keminɛ kɛ ma. Hadama-dan si mɔgɛ yen nya min, nde, Mari ti mɔgɛ yen wo nya. Hadama-dan yɛ ye mɔgɔ fɛrɛ-bɔnkɛ le la kɔnɔ nde, Mari yɛ ye mɔgɔ-burɛ le la.”