5 Nba, hali a na-kelen-nyɔgɛnu ma dɛnkɛninya a ma.)
Yisa ye kumala mɔgɛnu ye tumɛ min, a na anubɛ a dɔgɛnu nara. Anu sɔra luyi ma ka nyinikali kɛ ko a yen-sɔgɛ ye anu na.
A warɛ-mɔgɛnu ya wo lamɔɛn tumɛ min, anu tara a bi tinɛ bawo anu miri ko a ara yuwaya!
Yisa na-kelen-nyɔgɛnu tara ladiyɛ rɔ. Wo kɔma, ale fanan tara. Kɔnɔ a ma ta gbɛ rɔ, a tara dogɔn rɔ.
Woletɔ Yisa na-kelen-nyɔgɛnu ya a fɔ a ye ko, “I ni bɔ kan tinɛ kɛ rɔ. I ni ta Yudiya nyamanɛ rɔ, ila karan-dannu si ila kabana-koenu yen kan min.
Ni min bi a fɛ, mɔgɛnu ni a malɔn, a ti ala wɔlɛ kɛ dogɔn rɔ. Woletɔ i ye koe kɛ min bɛɛ kɛla, i ni a ma, duninya bɛɛ ni i wara-koe lɔn!” (
