Yɔni 7:28 - ALLALA KUMƐ

²⁸ Yisa ye mɔgɛnu karanna Alla-Bato-Bɔn la tumɛ min, a ya a kuli mayɛlɛ kuma tinɛ, a ko, “Wo yili ye a ma ko wo ya n lɔn, nyɛ? Wo yili ye a ma ko wo ya n bɔ tinɛ lɔn, nyɛ? Nde ma na n nyɛrɛta sɛnbɛ la, ado min ya n sɔ, tonya-tigi le. Wole ma ale lɔn

Yɔni 7:28 ပူးပေါင်းရင်းမြစ်များ

Yaburi 9:10

Mari, minnu ya i lɔn, wonu lara i la kosɛbɛ! Min bi nala ile ma, i ti wonu boloka.

Yɛrɛmaya 31:34

Mɔgɔ-wo-mɔgɔ ti a ta-nyɔgɛ karan Mari wara-koe ma tun bawo ka a bi dennɛ ma ka a sigi kina la, bɛɛ si a lɔn. A ko a si wo hakɛ makoto. A ti a fonde lamiri wo sɔn-yogomɛnu ma. Mari kan le kɛ la.

Yɛrɛmaya 9:6

Mari ko nde, Yɛrɛmaya siginɛ yanfanteyɛ tɛma. Foninyɛ tugunnɛ ye tala anu nyɔgɔn na. Mari ko wo ara wo ban a lɔn-koe ma.

Hoseya 4:1

Mari ko a ye Isirɛla mɔgɛnu sɔn fɛrɛnna anu na. Wole Isirɛla mɔgɛnu, wo ni wo tole masɔ a la. A ko telenbagayɛ anubɛ keninteya fenfen sa wola nyamanɛ rɔ tun. Min sanɛ wo kuma, a ko mɔgɔ-wo-mɔgɔ ma ale lɔn Alla la tun.

Hoseya 5:4

Wole Isirɛla mɔgɛnu bara ko-yogomɛ minnu ma, wo le ye wo mabelila wota Alla-bato-kilɛ ma. Bɛsi-kɔɛ ara wo bira gbuturu! Wo ma Mari lɔn fenfen na.

Matiyu 11:27

“N Fa ara fan bɛɛ di n ma. Mɔgɔ-wo-mɔgɔ ma nde, Allala dan lɔn fɔ a Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.

Matiyu 2:23

Anu sigira soe do burɔ min tɔgɛ Nasarɛti. Wo mara tumɛ min, nɛbinu ya min fɔ kɔrɔma la, wo kanbalita ko, “Mɔgɛnu si a lɔn Nasarɛti kɛ la.”

Matiyu 26:55

Yisa kumara nyama ye ko, “Fɔ wo ni na faannu anubɛ gbelekɛnu na n bira tinɛ iko tɔn-tinyanɛ le nde la? N ya n sigi Alla-Bato-Bɔn la tele-wo-tele ka mɔgɛnu karan, wo ma n bira wulɔn?

Luka 10:22

“N Fa ara fan bɛɛ dantɛgɛ n ma. Mɔgɔ-wo-mɔgɔ ma nde, ala dan lɔn fɔ n Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.”

Luka 2:11

Wo kisilɛ ara sɔrɔn suyi kɛ nyɛrɛ rɔ Mansa Dawuda halala-soe burɔ. Allata-Mɔgɔ-Yabɔnɛ le wo la, Mari, kɔni!

Luka 2:39

Mari Allala tɔn ya min bɛɛ fɔ, anu banta wo dama mala tumɛ min, anu sɛgira anu barɛ Kalili sigisɔn rɔ, Nasarɛti soe, kɔni.

Luka 2:4

Nba, Yusufu fanan bɔra Nasarɛti soe burɔ Kalili sigisɔn rɔ ka ta Yudiya soe do burɔ min tɔgɛ Bɛtalehɛm, Mansa Dawuda sɔrɔnta kan min. A tara nyɔ bawo Mansa Dawuda bɔnsɔn le ale fanan na.

Luka 2:51

Wo kɔma, Yisa sɛgira anu fɛ Nasarɛti soe burɔ. A tora nyɔ ka anuna kumɛ bira. A na ya koe kɛ bɛɛ lamara a yisi rɔ.

Yɔni 1:46

Nataniyɛli ya a manyinika ko, “Ko-nyimɛ si ke bɔla Nasarɛti, wa?” Filipi ya a yabi ko, “Na, ile nyɛrɛ ni a ragbɛ.”

Yɔni 10:36

Nba, nde don! N Fa ya n sɛninya ka n sɔ duninya kɛ rɔ. N ya a fɔ min kɛ ko Allala dan le nde la, wo ye a fɔla kama worɔ ko n bi n ya-donna Alla la?

Yɔni 12:49

Tonyɛ le kɛ la bawo n ma kuma n nyɛrɛta sɛnbɛ la kɔnɔ n Fa min ya n sɔ, wo ara wo bɛɛ fɔ n ye nun.

Yɔni 14:10

Filipi, ko n bi n Fa Alla rɔ, n Fa Alla fanan bi nde rɔ, i ma la wo la?” Yisa ya a fɔ ala karan-dannu ye ko, “N bara kumɛ minnu fɔ wo ye, nta kuma ma wonu na. N Fa Alla min bi nde rɔ, wo le ye ata wɔli kɛ kɛla.

Yɔni 14:31

Dɛnkɛninyabɛlɛnu ni a lɔn ko n bara n Fa Alla keni. Woletɔ a ya min bɛɛ fɔ n ye, n bara wo bɛɛsi ma. “Ma ta wona ka bɔ yan.”

Yɔni 16:3

Anu si koe kɛnu ma wo la bawo anu ma nde lɔn. Hali n Fa Alla fanan, anu ma wo lɔn.

Yɔni 17:25

E, n Fa min telennɛ! Duninya-mɔgɛnu ma i lɔn kɔnɔ nde ya i lɔn. Karan-dan kɛnu bara a lɔn ko ile le ya n sɔ.

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

Yɔni 3:2

A nara Yisa wara suyi rɔ. A ya a fɔ a ye ko, “Karan-mɔgɔ, ma ya a lɔn ko karan-mɔgɛ le ile la Alla ya min sɔ. I ye kabana-ko-wɔlɛ minnu kɛla, mɔgɔ-wo-mɔgɔ ti ke wonu kɛla fɔ ni Alla ye a fɛ.”

Yɔni 3:33

Min ba ala kumɛ bira, wo ara a yira ko Alla ara min fɔ, tonyɛ le.

Yɔni 5:32

Kɔnɔ mɔgɔ-gbɛrɛ ye nyɔ min bi sereyɛ bɔla n ye. N ya a lɔn ko wo ye min fɔla nna ko la, tonyɛ le.

Yɔni 5:43

N bara na n Fala sɛnbɛ rɔ kɔnɔ wo ma nde rabira. Ni mɔgɛ nara a nyɛrɛta sɛnbɛ rɔ, wo si wo rabira.

Yɔni 6:42

Woletɔ anu ya nyinikalɛ kɛ ko, “Yisa ma kɛ la, Yusufula dan, wa? Ma ya a na anubɛ a fa lɔn. Nba, a ye a fɔla kama worɔ ko a yigira ka bɔ Arinyɛni tɔ?”

Yɔni 7:14

Ladiya-wati wo ara fɔlɔ talala a tɛma tumɛ min, Yisa tara Alla-Bato-Bɔn la ka mɔgɛnu-karan dabira.

Yɔni 8:14

Yisa ya anu yabi ko, “Ade, hali ni n ya n nyɛrɛla sereyɛ bɔ, n bi min fɔla, tonyɛ le bawo n ya a lɔn n bɔra kan min. N bi tala kan min, n ya nyɔ fanan lɔn. Wole ma n bɔ tinɛ lɔn. Wo ma n ta tinɛ lɔn.

Yɔni 8:16

Kɔnɔ ni n taranta kiti tɛgɛla nun, nna kiti-tɛgɛ si ma tonyɛ la bawo n sa kiti tɛgɛla n nyɛrɛ ma. N Fa Alla, min ya n sɔ, wo le ye n fɛ.

Yɔni 8:19

Anu ya a manyinika ko, “I fa ye mi?” Yisa ya anu yabi ko, “Wo ma nde lɔn. Woletɔ wo ma n Fa lɔn. Ni wo ya nde lɔn nun, wo si n Fa fanan lɔn.”

Yɔni 8:26

Ko siyaman ye nyɔ, n si min fɔ ka a bɛn wole ma, ado ko siyaman ye nyɔ, n si wo yiliki min na. Min ya n sɔ, tonya-tigi le wo la. N bara min namɔɛn ale bolo, n bi wo le fɔla duninya ye.”

Yɔni 8:42

Yisa ya a fɔ anu ye ko, “Ni wo fa le Alla la serr, wo si n keni nun bawo n bɔra Alla warɛ le. N bi yan kaka. N ma na n nyɛrɛta sɛnbɛ la kɔnɔ ale le ya n sɔ.

Yɔni 9:29

Ma ya a lɔn ko Alla kumara Nɛbi Musa le ye. Kɔnɔ kei wo, male ma a bɔ tinɛ lɔn defan!”

Kɛwɔlɛnu 17:23

N bi wola soe ratagamana tumɛ min ka wola batoli-kɛ-tinɛnu mafɛlɛn, n ya saraka-bɔ-tinɛ do fanan yen, a sɛbɛnɛ min ma ko, ‘Alla-min-lɔnni-ma, wotɛ le kɛ la.’ Wo ye sarakɛnu bɔla alla wo ye kɔnɔ wo ma a lɔn a kilɛ fɛ. N bi wo le wara-koe fɔla wo ye kɛ la.

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

Romu 3:4

A sa wo nya hali! Hali mɔgɛ bɛɛ mara foninya-fɔlɛ la kɔnɔ Allatala wo telenta. Iko a sɛbɛnɛ Allala kitabu do rɔ nya min, a ko, “Tonyɛ ye i bolo kuma tinɛ. Yoe ye i bolo kiti bɛɛ kun na.”

2 Kɔrɛnti 1:18

Iko n ya Allata telenbagayɛ lɔn nya min, n ti lanyiri kiri wo ye koe dola ko la, wo kɔma, n ni n nagan mayɛlɛma fanan.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

Taita 1:2

Ale le si yigi di anu ma ko anu ni habadan-nimayɛ sɔrɔn. Alla, min ti foninyɛ fɔ, wo le ya habadan-niyi-lanyiri kɛ kiri ma ye yanni duninya-dan ni bira tumɛ min.

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!

1 Yɔni 5:10

Woletɔ ni min lanɛ Allala dan la, sereyɛ kɛ ye wo bolo a yisi rɔ. Kɔnɔ min ma la Alla la, wo ara Alla ma foninya-fɔlɛ la bawo Alla ara sereyɛ min bɔ ata danla ko la, a ma la wo la.

1 Samuwɛli 2:12

Ilayita den-keinu kalabante. Anu ti sɔn Mari gbiliyala.